આમ્ર બાલં કષાયામ્લંરુચ્યં મારુતપિત્તકૃત ।

તરુણં તુ તદત્યમ્લંરુક્ષં દોષત્રયાસ્ત્રકૃત ।।

નાની કાચી કેરી તુરી તથા અમ્લરસયુક્ત, રુચિકારક એવં વાયુ અને પિત્તને ઉત્પન્ન કરનાર હોય છે. તરુણ કાચી કેરીનું ફળ તો અત્યંત અમ્લ-ખાટા રસથી યુક્ત તથા રુક્ષ હોય છે. એવં ત્રિદોષ (વાયુ, પિત્ત અને કફ) તથા રક્તવિકાર ઉત્પન્ન કરે છે. કાચી કેરી આમાશયને બળ આપનાર અને રક્તપિત્ત, સ્કર્વી રોગ મટાડનાર છે. કાચી કેરીને શેકી, ખૂબ નરમ કરી તેના ગર્ભ-માવામાં સાકર મેળવીને ખાવાથી કોલેરામાં ખૂબ હિતાવહ છે.