ઈન્ડિયન કંપની લાવાએ લોન્ચ કર્યા ઓછી કિંમતના બે શાનદાર સ્માર્ટફોન - Sandesh
  • Home
  • Technology
  • ઈન્ડિયન કંપની લાવાએ લોન્ચ કર્યા ઓછી કિંમતના બે શાનદાર સ્માર્ટફોન

ઈન્ડિયન કંપની લાવાએ લોન્ચ કર્યા ઓછી કિંમતના બે શાનદાર સ્માર્ટફોન

 | 1:02 pm IST

સ્માર્ટફોન બનાવનાર ભારતીય કંપની લાવાએ બે નવા એન્ડ્રોયડ મોબાઈલ લોન્ચ કર્યા છે. X17 અને X50 નામના આ સ્માર્ટફોન ઓછી કિંમતમાં લોન્ચ કરવામાં આવ્યા છે. આ સ્માર્ટફોનની ડિઝાઈન આકર્ષક છે અને કિંમતના હિસાબથી ફિચર્સ પણ સારા છે.

લાવા X17
લાવા એક્સ 17 સ્માર્ટફોનમાં એન્ડ્રોય 6.0 માર્શમેલો પર ચાલે છે. તેમાં 5 ઈંચની એચડી ડિસ્પલે આપવામાં આવી છે. જેનું રિઝોલ્યુશન 720/1280 પિક્સલ છે. આ મોબાઈલમાં 1.3 જીએચઝેડ ક્વોડકોર પ્રોસેસર સાથે 1જીબીની રેમ આપવામાં આવી છે. આની ઈન્ટરનલ મેમોરી 8 જીબી અને 32 જીબી સુધી માઈક્રોએસડી કાર્ડ લગાવી શકાય છે. X17માં 8 મેગાપિક્સલ ઓટોફોક્સ રિયર કેમેરો આપવામાં આવ્યો છે, તેની સાથે એલઈડી ફ્લેશ પણ આપવામાં આવી છે. ફ્રંટ કેમેરો 5 મેગાપિક્સલ છે અને તેની સાથે ડ્યૂએલ એલઈડી ફ્લેશ આપવામાં આવી છે. જે આ ફોનની સૌથી મોટી ખાસિયત ગણી શકાય.

X17માં ક્નેક્ટિવિટી માટે 4જી/3જી, વાઈ-ફાઈ,બ્લૂટૂથ, જીપીએસ અને માઈક્રો-યૂએસબી સપોર્ટ કરે છે. આમાં એક્સલરોમીટરસ એન્લિયન્ટ લાઈટ સેન્સર અને પ્રોક્સિમિટી સેન્સર પણ આપવામાં આવ્યા છે. આ સ્માર્ટફોનમાં 2350 એમએએચની બેટરી આપવામાં આવી છે. કંપનીએ આ સ્માર્ટફોનની કિંમત 6,899 રૂપિયા રાખી છે.

લાવા X50
લાવા એક્સ 50 સ્માર્ટફોન 5.1 લોલિપોપ વર્ઝન પર ચાલે છે. કંપનીનું કહેવું છે કે આ મોબાઈલ માટે અન્ડ્રોયડ 6.0 માર્શમેલોનું અપડેટ પણ આવશે. આ મોબાઈલમાં 5.5 ઈંચની એચડી IPS ડિસ્પલે આપવામાં આવી છે. જેનું રિઝોલ્યુશન 720/1280 પિક્સલ છે. લાવા એક્સ 50માં 1.3 GHz ક્વોડકોર પ્રોસેસર સાથે 2જીબી રેમ આપવામાં આવી છે. ઈન્ટરનલ મેમોરી 8 જીબી આપવામાં આવી છે,જેમાં 32 જીબી સુધી મેમોરી વધારી શકાય છે.

આ સ્માર્ટફોનમાં 8 મેગાપિક્સલ કેમરો અને સેલ્ફી 5 એમપી કેમરો આપવામાં આવ્યો છે. બંને કેમેરા સાથે એલઈડી ફ્લેશ આપવામાં આવી છે. આ મોબાઈલમાં 2800 mAhની બેટરી આપવામાં આવી છે. આ મોબાઈલમાં બંને કાર્ડમાં 4જી સપોર્ટ કરે છે. તે ઉપરાંત 3જી, વાઈ-ફાઈ, બ્લૂટૂથ, જીપીએસ અને માઈક્રો-યૂએસબી સ્પોર્ટ કરે છે. આ કંપનીએ આ મોબાઈલને 8,699 રૂપિયામાં લોન્ચ કર્યો છે.