ઘરે બનાવો મોંમા પાણી લાવી દે તેવો સ્પાઈસી મજેદાર 'તવા પુલાવ' - Sandesh
  • Home
  • Food & Travel
  • ઘરે બનાવો મોંમા પાણી લાવી દે તેવો સ્પાઈસી મજેદાર ‘તવા પુલાવ’

ઘરે બનાવો મોંમા પાણી લાવી દે તેવો સ્પાઈસી મજેદાર ‘તવા પુલાવ’

 | 5:38 pm IST

તમને જણાવી દઇએ કે, તવા પુલાવ મુંબઇમાં બહુ જ ફેમસ છે. અને કહેવાય છે કે, મુંબઇના ઘણા ઘરોના લોકો અઠવાડિયામાં બે-ત્રણ તવા પુલાવની મજા માણવા માટે બહાર જતા હોય છે. 

સામગ્રી
2 કપ બાસમતી રાંધેલો ભાત
1/2 ચમચી જીરું
1 ડુંગળી જીણી સમારેલી
1/2 આદુ, લસણની પેસ્ટ
1 મરચુ જીણું સમારેલું
1/2 કપ ગાજર જીણા સમારેલા
1 ટમેટું જીણું સમારેલુ
1/2 કપ લીલા વાટાણા
1 ટેબલ સ્પૂન પાવભાજી મસાલો
1/2 ચમચી હળદર
1/2 ચમચી મરચું
2 ચમચા તેલ
મીઠું સ્વાદાનુસાર
કોથમરી જીણી સમારેલી
ડુંગળી અને લીંબુની રીંગ સજાવટ માટે

રીત
-સૌ પહેલા ગાજર અને વટાણાને બાફી લો. બફાઇ ગયા પછી તેમાંથી પાણી નીતારી લો.
-એક કડાઈમાં તેલ મુકો. તેમાં જીરું નાખો. જીરું લાલ કલરનું થાય એટલે તેમાં જીણી સમારેલી ડુંગળી નાખો.
-ડુંગળી ગોલ્ડન બ્રાઉન કલરની થઇ જાય પછી તેમાં આદુ લસણની પેસ્ટ ઉમેરીને હલાવો.
-પછી તેમાં જીણા સુધારેલા ટામેટા નાખીને હલાવો. ટામેટા થોડા ચડવા લાગે પછી તેમાં બાફેલા ગાજર ,વટાણા મરચા નાખો.
-ત્યારબાદ તેમાં પાવભાજી મસાલો, હળદર, મરચું, મીઠું ઉમેરીને ફરી વાર હલાવો.
-તેમાં રાંધેલો ભાત ઉમેરીને ધીરેથી બધું મિક્ષ કરો. કોથમરી, ડુંગળી, લીબુંથી તેને સજાવો, તો તૈયાર છે ‘તવા પુલાવ’