ચોમાસામાં આ ટિપ્સથી રાખો ફ્રિજમાં એકદમ ફ્રેશ શાકભાજી - Sandesh
  • Home
  • Lifestyle
  • ચોમાસામાં આ ટિપ્સથી રાખો ફ્રિજમાં એકદમ ફ્રેશ શાકભાજી

ચોમાસામાં આ ટિપ્સથી રાખો ફ્રિજમાં એકદમ ફ્રેશ શાકભાજી

 | 11:27 am IST

આજે અમે તમને શાકભાજીને કાપીને ફ્રિજમાં સ્ટોર કરીને મુકવાની સહેલી ટીપ્સ બતાવી રહ્યા છીએ. જેથી કરીને તમારું કામ પણ સહેલાઈથી થઈ જાય અને તેની પૌષ્ટિકતા પણ કાયમ રહે.
 
ટિપ્સ
 – ભીંડા કાપવામાં ખૂબ સમય લાગતો હોય છે. તેથી જો તમે ઈચ્છો છો કે તમે પહેલાથી જ ભીંડા કાપીને મુકો તો તેને સારી રીતે ધોઇ લો અને પછી તેને લુસી લો. ત્યારબાદ તેને કાપીને નેટબેગમાં મુકીને ફ્રિજમાં મુકો. તમે 5 દિવસ સુધી તેને વાપરી શકો છો.
 – લીલા પાનવાળા શાકભાજીના પાનને કાપીને મુકવાનો આગ્રહ રાખો.
– સૂકા, ગળી ગયેલા પાનને તાજા શાકમાંથી તરત જુદા કાઢી લો. નહી તો બધુ શાક ખરાબ થઈ શકે છે.
– પાનવાળા શાકને હંમેશા પેપરમાં લપેટીને મુકો તેનાથી તે તાજા રહેશે.  આ શાક બે દિવસથી વધુ ફ્રિજમાં ન મુકશો.
– બીન્સ તરત બનનારા શાક છે. પણ તેને કાપવામાં ખૂબ સમય લાગે છે. આવામાં તેને પહેલાથી જ કાપીને ફ્રિજમાં મુકી દેવા જોઈએ. પહેલા બીન્સને ધોઈને, કાપીને પાણી સુકવી લો. ત્યારબાદ પ્લાસ્ટિક બેગમાં ભરીને ફ્રિજમાં મુકો.
– ફ્લાવર અને બ્રોકલીને કાપીને ટોવેલમાં લપેટીને ફ્રિજમાં મુકો. તેનાથી તેની નરમાશ અને પોષક તત્વ કાયમ રહેશે.