દાહોદના દેલસરમાં મિલમાલિક પર ફાયરિંગથી ચકચાર - Sandesh
  • Home
  • Baroda
  • દાહોદના દેલસરમાં મિલમાલિક પર ફાયરિંગથી ચકચાર

દાહોદના દેલસરમાં મિલમાલિક પર ફાયરિંગથી ચકચાર

 | 2:03 am IST

દાહોદના જ ભુપેન્દ્ર દલાલ નામના વેપારી સાથે ૪ વર્ષ અગાઉ થયેલી જૂની અદાવતે મિલમાલિક પર હુમલો થયો હોવાનું અનુમાન

એક પછી એક પાંચ ગોળીઓ ધરબી દેતાં મિલમાલિક ગંભીર ઇજાગ્રસ્ત થતાં સારવાર માટે વડોદરા ખસેડાયા

ા દાહોદ ા

દાહોદ પાસે આવેલા દેલસરમાં એક મિલ માલિક આજે સવારે ૧૦ વાગ્યાના અરસામાં મિલના પરિસરમાં મોબાઇલ પર વાત કરી રહ્યા હતા તે સમયે ધસી આવેલા શહેરના એક જમીન દલાલ જુના વેપારી અણબનાવને લીધે તેમની પર પાંચ રાઉન્ડ ફાયરિંગ કરતા તેઓ સ્થળ પર જ ઢળી પડતાં ઈજાગ્રસ્ત હાલતમાં ખાનગી દવાખાને લઇ જવાયા હતા અને ત્યાંથી વડોદરા રીફર કરવામાં આવ્યા હતા. આરોપી ફાયરિંગ કરી ફરાર થઇ ગયો હતો.

દાહોદ પાસે દેલસરમાં ૬૨ ર્વિષય પ્રસન્નચંદ ઇન્દ્રસેન જૈન અરિહંત દાળ મીલ ચલાવે છે. આ મિલમાલિકને માર્કેટમાં અનાજની દલાલી કરતા અને દાહોદના જુના ઇન્દોર રોડ પર સીમંધર મંદિર પાસે રહેતાં ભુપેન્દ્ર વીરચંદ દલાલ સાથે પણ વ્યાપારિક સંબંધો હોવાથી તેની સાથે ચાર વર્ષ અગાઉ વેપારમાં અણબનાવ થયો હતો. તેની અદાવતે આજે સવારે ૧૦ વાગ્યાના અરસામાં ભુપેન્દ્ર દલાલ મોટર સાયકલ પર અરિહંત દાળ મિલે પહોંચ્યો હતો. તે વખતે પ્રસન્નચંદ મોબાઇલ પર વાત કરતા હતા. તેમણે હુમલાખોરને જોયો પરંતુ કોઇ અણસાર આવ્યો ન હોવાથી ફોન પર વાત ચાલુ જ રાખી હતી.   એકાએક જ ભુપેન્દ્રએ ખિસ્સામાંથી પિસ્ટલ કાઢી પહેલી ગોળી મારતાં પ્રસંન્નચંદ નીચે પડી ગયા હતા. ત્યારબાદ ઉપરા છાપરી ચાર ગોળીઓ પગ અને પેટમાં ધરબી દેતા તેઓને ગંભીર ઇજા થઇ હતી. આરોપી ભુપેન્દ્ર વીરચંદ દલાલ ફાયરિંગ કરી ફરાર થઇ ગયો હતો. ઇજાગ્રસ્ત મિલ માલિકને ખાનગી દવાખાને લઇ જવાયા હતા. દવાખાને લોકટોળા ઉમટી પડયા હતા.જ્યાંથી તેમને વધુ સારવાર માટે વડોદરાની ખાનગી હોસ્પીટલમાં ખસેડવામાં આવ્યા હતા.

 

 

ગોલ્ડન ચોકડીથી જેતલપુર માત્ર ૧૨ મિનિટમાં પહોંચાડયાં

દાહોદમાં મીલ માલિકને વડોદરાની ખાનગી હોસ્પિટલમાં ખસેડવાના થતાં પોલીસ કમિશનર અનુપમસિંઘ ગેહલૌતના આદેશથી ટ્રાફિક પોલીસ ગોલ્ડન ચોકડી પહોંચી ગઈ હતી, પોલીસે પાયલોટીંગ કરી માત્ર ૧૨ મિનિટમાં જ ઈજાગ્રસ્તને ગોલ્ડન ચોકડીથી જેતલપુર રોડની હોસ્પિટલમાં પહોંચાડયા હતા.

 

 

હથિયારની પણ તપાસ થશે

આરોપી ઝડપાયા બાદ હથિયાર કાયદેસર છે કે ગેરકાયદે તે તપાસમાં જાણી શકાશે. કેવી ગોળીઓથી ઇજા થઇ છે તે પણ હ્લજીન્ તપાસ બાદ જણાશે. હાલમાં કાયદેસરની કાર્યવાહી ચાલી રહી છે. ઁજીૈં. પટેલ. દાહોદ ગ્રામ્ય

 

 

પકડવા આવનારને ભગાડયા

મિલ માલિકને ભુપેન્દ્રએ ગોળી મારી ત્યારે ડ્રાઈવર દોડી આવ્યો હતો. ઉપરાંત બે વ્યક્તિઓએ તેને દરવાજા પાસે પકડતાં બાઇક પડી ગઇ હતી. ત્યાં સામાન્ય ઝપાઝપી થતાં ફરીથી તેણે પિસ્ટલ તાકતાં બંને ભાગ્યા હતા.

;