ભલે ભડકે બળતું સૌરાષ્ટ્ર પણ આજે આખી રાત રસ્તાઓ પર જોવા મળશે સુંદર યુવતીઓની ભીડ - Sandesh
  • Home
  • Rajkot
  • ભલે ભડકે બળતું સૌરાષ્ટ્ર પણ આજે આખી રાત રસ્તાઓ પર જોવા મળશે સુંદર યુવતીઓની ભીડ

ભલે ભડકે બળતું સૌરાષ્ટ્ર પણ આજે આખી રાત રસ્તાઓ પર જોવા મળશે સુંદર યુવતીઓની ભીડ

 | 3:08 pm IST

છેલ્લા કેટલાક દિવસોથી ઉનાના દલિત અત્યાચાર મામલાને કારણે સમગ્ર સૌરાષ્ટ્રમાં અજંપાની સ્થિતિ છે અને નાનામોટા તોફાનને કારણે મોટાભાગના સૌરાષ્ટ્રની શાંતિ હણાઈ ગઈ છે. જોકે આ સ્થિતિમાં રાજકોટ સહિત સૌરાષ્ટ્રમાં યુવતીઓનો વ્રતનો ઉત્સાહ મોળો નથી પડ્યો. આ સંજોગોમાં આજે રાત્રે જયા પાર્વતી વ્રતનું જાગરણ  હોવાના કારણે રાજકોટ સહિત મોટાભાગના સૌરાષ્ટ્રમાં આજે રાતના સમયે દિવસ ઉગશે. આજે રાત્રે રાજકોટ સહિત સૌરાષ્ટ્ર-કચ્છમાં ફરવા લાયક સ્થળોએ યુવતીઓની ભીડ જામશે. આ સંજોગોમાં કોઈ સમસ્યા ન સર્જાય એટલે સઘન પોલીસ બંદોબસ્ત પણ ગોઠવવામાં આવ્યો છે. 

અષાઢ સુદ 13થી શરૂ થયેલા જયા પાર્વતી વ્રતની અષાઢ વદ-ર ગુરુવાર 21 જુલાઇના પુર્ણાહૂતિ થશે, જયારે જે બહેનોને વ્રતનું ઉજવણું કરવાનું છે તેઓએ અષાઢ વદ-૩ શુક્રવાર 22 જુલાઇના દિવસે ઉજવણું કરવાનું રહેશે. આ સિવાય ગુરુવારે આખી રાત્રીનું જાગરણ રહેશે. ગુરુવારે વ્રતનો અંતિમ દિવસ હોય વ્રત કરનાર કન્યાએ શિવ-પાર્વતીનું પૂજન કરવું. માતાજીને રૂના નાગલા, ચૂંદડી ચડાવવી કુમકુમનું તિલક કરી અક્ષત લગાવવા તેમજ જેવા સર્વોત્તમ પતિની પ્રાપ્તી તમને થઇ એવા જ પતિની અમને પ્રાપ્તી થાય તેવી પ્રાર્થના કરે છે. ભગવાન શંકરને પુષ્પ, બિલ્વપત્ર, ચંદન ચડાવી આખી રાતનું જાગરણ કરવામાં આવે છે. કોઇ અનિચ્છનીય બનાવ ન બને તે માટે આજે રાત્રીનાં દરેક જગ્યાએ ચુસ્ત પોલીસ બંદોબસ્ત ગોઠવી દેવાયો છે.