30 Year Old Jayesh Patel Plan To Go US Was Foiled In Delhi IGI
  • Home
  • Featured
  • અમેરિકાનું ભૂત વળગવાથી 30નો જયેશ પટેલ બન્યો 80 વર્ષનો, એક ભૂલથી પ્લાન થયો ચોપાટ

અમેરિકાનું ભૂત વળગવાથી 30નો જયેશ પટેલ બન્યો 80 વર્ષનો, એક ભૂલથી પ્લાન થયો ચોપાટ

 | 10:13 am IST

અમેરિકા જવાનું ભૂત એ હદે સવાર હતું કે 32 વર્ષના જયેશ પટેલે પોતાની ઓળખ છુપાવી રાખવાનો નિર્ણય લઇ લીધો. તેના માટે કાયેદસર 4 મહિના સુધી પોતાનો વેશ બદલવાની કોશિષ કરી, પરંતુ અંતમાં એક ભૂલના લીધે દિલ્હીના ઇન્દિરા ગાંધી ઇન્ટરનેશનલ એરપોર્ટ પર દબોચી લીધો. અસલમાં તે જે નવા વેશની મદદથી અમેરિકા જઇ રહ્યો હતો તેમાં એક ચૂકના લીધે સુરક્ષાકર્મીઓએ તેને દબોચી લીધો.

જયેશે પોતાના માથા અને દાઢીના વાળ સંપૂર્ણપણે સફેદ કરાવી લીધા હતા. વ્હિલ ચેર પર બેસીને 81 વર્ષનો વૃદ્ધ બની ગયો હતો, પરંતુ સુરક્ષાકર્મીઓએ તપાસ દરમ્યાન જોયું કે તેની હાથનો કોઇ વાળ સફેદ નથી. આ સિવાય તેની સ્કીન પણ એકદમ યુવાનો જેવી છે. તેના પર સુરક્ષાકર્મીઓને શંકા ગઇ અને તેમણે તપાસ કરી તો સચ્ચાઇ સામે આવી ગઇ. આમ જયેશ પટેલનો અમેરિકા જવાનો પ્લાન ચેક ઇન એરિયામાં જ ધ્વસ્ત થઇ ગયો અને હવે એક કેસ તેમની વિરૂદ્ધ નોંધાયો છે.

4 મહિના સુધી બનાવ્યો હતો ચકમો આપવાનો પ્લાન

જયેશ પટેલે એક મેકઅપ આર્ટિસ્ટની મદદથી 4 મહિના સુધી પોતાના લુકમાં ફેરફાર માટે કામ કર્યું હતું. દાઢી સફેદ કરાવી લીધી હતી, માથાના વાળ સંપૂર્ણપણે સફેદ હતા. પરંતુ એરપોર્ટમાં ચેક-ઇન દરમ્યાન પોતાને 81 વર્ષના વૃદ્ધ દેખાડી શકયા નહીં. અસલમાં મેકઅપ આર્ટિસ્ટે તેના માથા અને દાઢીના વાળ તો સફેદ કરી દીધા હતા. પરંતુ હાથોના વાળ કાળા રહી ગયા. આ એક ચૂક હતી, જેના લીધે તપાસ કરી રહેલા સીઆઈએસએફ એસઆઇને તેમના પર શંકા ગઇ જે અંતમાં સાચી નીકળી.

જયેશ પટલે બની ગયો હતો અમરીક સિંહ

દિલ્હીના કારોલ બાગના એક મેકઅપ આર્ટિસ્ટે પટેલને તેની વાસ્તવિક ઉંમર કરતાં 50 વર્ષ વધુ દેખાડવ માટે કોશિષો કરી. આર્ટિસ્ટે તેની દાઢી વધારવા અને સફેદ કરાવા ભલામણ કરી. માથાના વાળ અને દાઢી તેને સફેદ કરાવી દીધા. મોટી ફ્રેમના ચશ્મા પહેરી લીધા અને માથા પર પાઘડી બાંધવાનું શરૂ કરી દીધું. આમ અમદાવાદના જયેશ પટેલ અમરીક સિંહ બની ગયા. આ સિવાય એજન્ટે પટેલને એરપોર્ટ પર વ્હિલચેર ઉપયોગ કરવાની પણ ભલામણ કરી હતી.

30 લાખમાં થયો હતો અમેરિકા મોકલાનો કોન્ટ્રાકટ

ખબર પડી કે જયેશને દિલ્હીથી ન્યૂયોર્ક મોકલવાનો કોન્ટ્રાકટ સિદ્ધુએ 30 લાખ રૂપિયામાં લીધો હતો. તેમાં 32 વર્ષના જયેશને 81 વર્ષના અમરીક બનાવીને સૌથી પહેલાં તેને દિલ્હીનું એડ્રેસ પ્રૂફ આપ્યું. જયેશને 81 વર્ષના અમરીક બનાવા માટે એક મેકઅપ આર્ટિસ્ટ હાયર કર્યો. જયેશને અમદાવાદથી બોલાવીને કારોલબાગની એક હોટલમાં રોકાયો હતો. ત્યાં એક મેકઅપ કરાવ્યો. મેકઅપ આર્ટિસ્ટને કહ્યું હતું કે જયેશ એક મોડલ છે, જે આવનારી એક ફિલ્મ અને એક સીરીયલમાં વૃદ્ધનો રોલ કરશે. તેના માટે તેમનો એવો ગેટઅપ તૈયાર કરવાનો છે. મેકઅપ આર્ટિસ્ટે એક જવાનને વૃદ્ધનું એવું સ્વરૂપ બનાવી દીધું કે એકાએક કોઇ ઓળખી જ શકતું નહોતું.

અમદાવાદમાં ઇલેક્ટ્રિશિયન હતો જયેશ પટેલ

એક પોલીસ અધિકારીએ કહ્યું કે જયેશ પટેલ અમદાવાદમાં એક ઇલેક્ટ્રિશિયન તરીકે કામ કરતો હતો. તેઓ વિચારતા હતા કે જો તેઓ અમેરકા જતા રહે તો સારી કમાણી કરી શકે છે. આ કોશિષમાં તેમણે અમરીક સિંહ નામથી એક પાસપોર્ટ બનાવ્યો, જેમાં તેની ઉંમર 81 વર્ષની હતી.

પાડોશની એક મહિલા અમેરિકા જવાથી થયો હતો પ્રભાવિત

એરપોર્ટના ડીસીપી સંજય ભાટિયા એ કહ્યું કે પટેલને લાગતું હતું કે તેમને પોતાની અસલી ઓળખથી અમેરિકા જવાના વીઝા મળશે નહીં. આથી તેમણે વૃદ્ધ શખ્સ તરીકે દેશમાંથી નીકળવાનો નિર્ણય લીધો. 6 મહિના પહેલા તેમના એક સમયના પાડોશમાં રહેનાર મહિલા અમેરિકા જવાની વાત કહી હતી. તે મહિલા પોતે પણ અમેરિકામાંજ રહે છે અને પહેલાં કરતાં તેઓ વધુ કમાય છે. તેમણે એજન્ટને મળવાની સલાહ આપી, જેને પટેલને મુસાફરી માટે જરૂરી દસ્તાવેજ આપવાની વાત કહી હતી.

આ વીડિયો પણ જુઓ – અમરેલીના વડિયામાં કાર પાણીમાં તણાઈ

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન