4.5 Richter Scale Earthquake in Palanpur Panicked People fled Home
  • Home
  • Ahmedabad
  • અમદાવાદ સહિત ઉત્તર ગુજરાતમાં ભૂકંપના આંચકા અનુભવાયા, લોકોમાં ફફડાટ

અમદાવાદ સહિત ઉત્તર ગુજરાતમાં ભૂકંપના આંચકા અનુભવાયા, લોકોમાં ફફડાટ

 | 11:20 pm IST

ઉત્તર ગુજરાત અને અમદાવાદ સહિતના અનેક વિસ્તારોમાં ભૂકંપના હળવા આંચકા અનુંભવાયા છે. લગભગ 10 સેકન્ડ સુધી ધરા ધ્રુજતા લોકો ફફડી ઉઠ્યાં હતાં અને જાણે 2001ની યાદો ફરી તાજી થઈ ગઈ હોય તેમ ઘરની બહાર દોડી આવ્યા હતાં. રિક્ટલ સ્કેલ પર ભૂકંપની તીવ્રતા 4ની નોંધાઈ હતી.

ભૂકંપનું કેન્દ્રબિંદુ પાલનપુરથી 38 કિમી દૂર માઉન્ટ આબુની આસપાસ નોંધાયું હતું. અમદાવાદના થલતેજ વિસ્તારમાં ભૂકંપના આંચકા અનુંભવાતા લોકો ફફડી ઉઠ્યા હતાં.

લોકો ભારત-સાઉથ આફ્રિકા વચ્ચે રમાઈ રહેલી વર્લ્ડકપની ક્રિકેટ મેચની મજા માણી રહ્યાં હતાં ત્યારે જ મોડી સાંજે લગભગ 10 વાગ્યાની આસપાસ ઉત્તર ગુજરાતમાં ભૂકંપના હળવા આંચકા અનુંભવાયા હતાં. ઉત્તર ગુજરાતમાં બનાસકાંઠાના કેટલાક વિસ્તારોમાં ભૂકંપના આંચકા અનુંભવાયા હતાં. ઈડર, હિંમતનગર, વડાલી, ખેડબ્રહ્મામાં ભૂકંપના આંચકા અનુંભવાયા હતાં. તેવી જ રીતે અરવલ્લી, સાબરકાંઠામાં પણ ભૂકંપનો આંચકો અનુંભવાયો હતો.

ગુજરાત અને રાજસ્થાનની સરહદે પણ લોકોને ભૂકંપનો અહેસાસ થયો હતો. અંબાજી અને આબુમાં ભૂકંપનો આંચકો અનુભવાયો હતો. માઉન્ટ આબુમાં ગરમીમાંથી રાહત મેળવવા ગયેલા પ્રવાસીઓ ભૂકંપનો આંચકો અનુંવાતા જ હોટલની બહાર દોડ્યા હતાં.

અમદાવાદના થલતેજ વિસ્તારમાં પણ ભૂકંપના આંચકા અનુંભવાતા લોકોમાં ગભરાટ ફેલાયો હતો. 10 સેકેન્ડ સુધી ભૂકંપનો આંચકો અનુંભવાયો હતો. રિક્ટલ સ્કેલ પર 4ની તીવ્રતાનો ભૂકંપ નોંધાયો હતો. ભૂકંપનું કેન્દ્રબિંદુ પાલનપુરથી 38 કિમી દૂર માઉન્ટ આબુની પર્વતમાળાની આસપાસ નોંધાયું છે.

ભૂકંપે ફરી એકવાર 26 જાન્યુઆરી 2001ની યાદ તાજી કરાવી દીધી હતી. ધરા ધ્રુજતા જ લોકો ગભરાઈને ઘરની બહાર દોડ્યા હતાં. થોડીવાર માટે તો લોકોના શ્વાસ અદ્ધર થઈ ગયા હતાં. જોકે હજી સુધી કોઈ જ જાનહાની કે માલહાનીના અહેવાલ નથી.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન