accident-between-the-rajkot-morbi-highway-3-dead
  • Home
  • Featured
  • નવા વર્ષે રાજકોટ મોરબી હાઇવે બન્યો ગોજારો, 3ના કમકમાટી ભર્યા મોત

નવા વર્ષે રાજકોટ મોરબી હાઇવે બન્યો ગોજારો, 3ના કમકમાટી ભર્યા મોત

 | 8:43 am IST

રાજ્યમાં અકસ્માતોનું પ્રમાણ દિવસેને દિવસે વધી રહ્યું છે. રાજકોટમાં ગઇકાલે ગુરુવારે એક ગોજારો અકસ્માત નડ્યો હતો. આ અકસ્માત રાજકોટ-મોરબી હાઈવે પર બન્યો હતો, જેમા ત્રણ વ્યક્તિના મોત થયા છે.

આ ઘટનાની મળતી માહિતી પ્રમાણે, રાજકોટ- મોરબી હાઈવે પર હરબટીયાળી નજીક ઈકો કાર અને બાઈક વચ્ચે અકસ્માત થયો છે જેમા બાઈક સવાર બન્ને યુવકોના મોત થયા છે અને એક ઈકોમાં સવાર યુવકનું મોત નિપજ્યું છે.

આ અકસ્માતમાં ઈકો કારમાં ઘાયલ થયેલા લોકોને તાત્કાલિક 108 મારફતે ટંકારાની હોસ્પિટલમાં સારવાર અર્થે ખસેડવામાં આવ્યા હતા. ઘટનાની જાણ થતા જ પોલીસનો કાફલો ઘટનાસ્થળે પહોંચી ગયો હતો અને આગળની કાર્યવાહી હાથ ધરી હતી.

આ ઘટનામાં મોતને ભેટેલા લોકોમાં પરમાર મગનભાઈ કરસનભાઈ, પરમાર સતીશ રાધેશ્યામ, રજતઅલી યુસફઅલીનો સમાવેશ થાય છે.