ભચાઉમાં ટ્રેન અને ટ્રક વચ્ચે અકસ્માત, ટક્કરથી ટ્રક પાટા પર ઊંઘો પડી ગયો - Sandesh
  • Home
  • Bhuj
  • ભચાઉમાં ટ્રેન અને ટ્રક વચ્ચે અકસ્માત, ટક્કરથી ટ્રક પાટા પર ઊંઘો પડી ગયો
 | 

વારાણસી, રોહનિયા, તા. ૬

ભચાઉના માનસરોવર ફાટક પાસે વિચિત્ર અકસ્માત બન્યો હતો. એક ટ્રક ફાટક પાસેના રેલવે પાટા પર અટવાઈ પડ્યો હતો. જેમાં ટ્રેનની બ્રેક પણ ન વાગતા ટ્રક સાથે પેસેન્જર ટ્રેન અથડાઈ હતી. જોકે, ગેટમેનની સમયસૂચકતાથી મોટો અકસ્માત ટળ્યો હતો અને કોઈ જાનહાનિ થઈ ન હતી.

સૂત્રો દ્વારા પ્રાપ્ત માહિતી અનુસાર, આ અકસ્માત શુક્રવારે રાત્રે ભચાઉ માનસરોવર ફાટક પાસે બન્યો હતો. એક ટ્રક ફાટક પરથી પસાર થઈ રહી હતી તે સમયે ફાટક પાસે જ બંધ પડી ગઈ હતી. આ દરમિયાન બરેલી-ભૂજ પેસેન્જર ટ્રેનનો આવવાનો સમય થઈ ગયો હતો. ગેટમેન તરત જ સમયસૂચકતા વાપરીને ટ્રેન તરફ ઘસી ગયો હતો અને સિગ્નલ આપીને ટ્રેનને ધીમી કરવા કહ્યું હતું. ટ્રેનના ચાલકે સિગ્નલ જોતા જ ટ્રેનને ધીમી પાડી હતી. પરંતુ ટ્રક સાથે ટ્રેનનો ટકરાવ થયો હતો. રેલવેના પાટા પર ઉભેલ ટ્રક સાથે પેસેન્જર ટ્રેન અથડાઈ હતી. જોકે, આ સમગ્ર અકસ્માતમાં કોઈ જાનહાનિ થઈ ન હતી.

ગેટમેનની સમય સૂચકતાને કારણે મોટો અકસ્માત ટળ્યો હતો અને ટ્રક ચાલક અને ક્લિનરનો આબાદ બચાવ થયો હતો. પરંતુ ટ્રેન સાથે અથડાયા બાદ ટ્રક પાટા પર ઊંઘી પડી ગઈ હતી. આ બનાવને પગલે રેલવે તંત્ર દોડતુ થઈ ગયું હતું, તેમજ આસપાસના સ્થાનિકો પણ પહોંચી ગયા હતા.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન