AGR Issue: Bharti Airtel, Vodafone Idea AGR Dues Supreme Court Clear Midnight
  • Home
  • Business
  • ટેલીકોમ કંપનીઓ પર સંક્ટ વધ્યું, રાત્રે 11.59 વાગ્યા સુધીમાં સરકારને આપવા પડશે 1.47 લાખ કરોડ

ટેલીકોમ કંપનીઓ પર સંક્ટ વધ્યું, રાત્રે 11.59 વાગ્યા સુધીમાં સરકારને આપવા પડશે 1.47 લાખ કરોડ

 | 8:34 pm IST

ટેલીકૉમ કંપનીઓ માટે આજે એટલે કે શુક્રવારની રાત ખુબ જ મહત્વપૂર્ણ છે. જો કે, ડિપાર્ટમેન્ટ ઓફ ટેલીકોમ્પ્યુનિક (DoT)એ રાત્રે 12 વાગ્યા પહેલા એડજસ્ટેડ ગ્રોસ રેવેન્યૂ એટલે કે AGRની ચૂકવણી કરવાનો આદેશ આપ્યો છે. તેનો મતલબ એવો છે કે, રાત્રે 12 વાગ્યા સુધી ટેલીકોમ કંપનીઓએ એજીઆરની ચૂકવણી ના કરી તો, તેમના પર મોટી કાર્યવાહી થઈ શકે છે. અહીં તમને જણાવી દઈએ કે, ટેલીકોમ કંપનીઓને 1.47 લાખ કરોડથી વધારે એડજસ્ટેડ ગ્રોસ રેવેન્યુ ચૂકવવાનું છે.

કોર્ટે શુક્રવારે જ આપ્યો ઝાટકો
ડિપાર્ટમેન્ટ ઓફ ટેલીકોમ્પ્યુનિકેશને આ નિર્ણય એવા સમયે લીધો છે, જ્યારે શુક્રવારે સુપ્રીમ કોર્ટે ટેલીકોમ કંપનીઓને સૌથી મોટો ઝટકો આપ્યો છે. જો કે, AGRની ચૂકવણી માટે વધુ સમયની માંગ કરતા વોડાફોન, આઈડિયા, ભારતી એરટેલ અને ટાટા ટેલીસર્વિસેજને સુપ્રીમ કોર્ટમાં અરજી દાખલ કરી હતી. આ અરજીને નકારતા કોર્ટે કારણ દર્શક નોટિસ (શો-કોઝ નોટિસ) જાહેર કરી હતી. આ નોટિસમાં પુછવામાં આવ્યું છે કે, AGR પર કોર્ટના આદેશને કેમ માનવામાં આવી નથી.

કોર્ટે સખત ટિપ્પણી કરતા જણાવ્યું કે, શું આ દેશમાં કોઈ કાયદો બચ્યો ચે. સુપ્રીમ કોર્ટે પોતાના આદેશનો અમલ નહીં થતા કડક વલણ અપનાવ્યું અને ટેલીકોમ મિનિસ્ટ્રીના ડેસ્ક અધિકારીના એક આદેશ પર પોતાની નારાજગી વ્યક્ત કરી છે. જો કે, ટેલીકોમ મિનિસ્ટ્રીના ડેસ્ક અધિકારીએ AGRની ચૂકવણીના મામલામાં કોર્ટના નિર્ણયના પ્રભાવ પર પ્રતિબંધ લગાવી દીધો હતો. ડેસ્ક અધિકારીએ અટાર્ની જનરલ કેકે વેણુગોપાલ અને અન્ય અધિકારીઓને પત્ર લખ્યો કે તે ટેલીકોમ કંપનીઓ અને અન્ય પર આ રકમની ચૂકવણી માટે દબાણ ના કરે. તેની સાથે એવું પણ સુનિશ્ચિત કરે કે તેમના વિરુદ્ધ કોઈ દંડાત્મક કાર્યવાહી ના થાય.

આ ઘટનાક્રમ પર ઉંડી નારાજગી વ્યક્ત કરતા કોર્ટે જણાવ્યું હતું કે, કોઈ ડેસ્ક અધિકારી આ પ્રકારનો આદેશ કેવી રીતે આપી શકે છે. પીઠની અધ્યક્ષતા કરી રહેલા ન્યાયમૂર્તિ મિશ્રાએ જણાવ્યું કે, એક ડેસ્ક અધિકારી સુપ્રીમ કોર્ટના આદેશ વિશે આવું કેવી રીતે કરી શકે છે. શું આ દેશનો કાયદો છે? શું તમે કોર્ટથી આ પ્રકારનું આચરણ કરો છો.

સુપ્રીમ કોર્ટની નારાજગીનું કારણ?
દૂરસંચાર વિભાગના મહેસૂલ કેસ સાથે જોડાયેલા એક ડેસ્ક અધિકારીએ ગત દિવસોમાં એટોર્ની જનરલ અને બંધારણીય પદો પર બેઠેલા અન્ય અધિકારીઓને લખેલી ચિઠ્ઠીમાં કહ્યું હતું કે, સુપ્રીમ કોર્ટના આગામી આદેશ સુધી ટેલીકોમ કંપનીઓ પર કોઈ કાર્યવાહી કરવામાં ન આવે, ભલે તેઓ AGR કેસમાં બાકીની ચુકવણી કરે કે ન કરે.

શું છે AGRનો વિવાદ?
જો કે, ટેલીકોમ કંપનીઓથી ટેલીકોમ ડિપાર્ટમેન્ટ એડજસ્ટેડ ગ્રોસ રેવેન્યૂ (AGR) માંગી રહ્યા છે. એજીઆર, સંચાર મંત્રાલયના દૂરસંચાર વિભાગ(DoT) દ્વારા ટેલીકોમ કંપનીઓ પાસેથી લેવામાં આવતું યૂજેજ અને લાઈસેંસિંગ ફી છે. તેના બે ભાગ હોય છે, સ્પેક્ટ્રમ યૂજેજ ચાર્જ અને લાઈસેંસિંગ ફી, જે ક્રમશ 3-5 ટકા અને 8 ટકા હોય છે.

સરકારની આ માંગ વિરુદ્ધ ટેલીકોમ કંપનીઓએ સુપ્રીમ કોર્ટનો દરવાજો ખખડાવ્યો. કોર્ટે પણ સરકારની માંગણીને વ્યાજબી ઠેરવી છે. સુપ્રીમ કોર્ટે 24 ઓક્ટોબર 2019ના પોતાના આદેશમાં ટેલીકોમ કંપનીઓને 23 જાન્યુઆરી 2020 સુધીનો સમય આપ્યો હતો. આ ડેડલાઈન પર રિલાંયસ જિયોએ તેની ચૂકવણી કરી દીધી પરંતુ અન્ય ટેલીકોમ કંપનીઓ એકવાર ફરીથી સમયની માંગણી કરતા સુપ્રીમ કોર્ટમાં ગયા હતા.

ટેલીકોમ કંપનીઓને કેમ છે મુશ્કેલી?
ટેલીકોમ કંપનીઓ આદેશ માનશે તો તેમને 1.47 લાખ કરોડ રૂપિયાથી વધારે ચૂકવવા પડશે. વગર વ્યાજ અને દંડને એરટેલે 21,682.13 કરોડ રૂપિયા, વોડાફોનને 19,823.71 કરોડ રૂપિયા, રિલાયંસ કોમ્યુનિકેશન્સનને 16,456.47 કરોડ રૂપિયા અને બીએસએનએલને 2,098.72 કરોડ રૂપિયા આપવાના છે. જ્યારે વ્યાજ અને દંડ સહિત આ રકમ 1 લાખ કરોડથી પણ વધારે થઈ જાય છે. જો કે, એરટેલે 20 ફેબ્રુઆરી સુધી 10 હજાર કરોડ રૂપિયા આપવાની તૈયારી બતાવી છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન