Agra-Lucknow-Expressway-In-Kannauj Road-Accident
  • Home
  • Featured
  • આગ્રા-લખનઉ એક્સપ્રેસ હાઇ-વે પર ગમખ્વાર અકસ્માત, 45ને ઈજા

આગ્રા-લખનઉ એક્સપ્રેસ હાઇ-વે પર ગમખ્વાર અકસ્માત, 45ને ઈજા

 | 8:51 am IST

આગ્રા-લખનઉ એક્સપ્રેસ હાઇ-વે પર ભીષણ અકસ્માત સર્જાયો છે. અહીં એક મુસાફરોની બસ પલટી ખાવાના પગલે લગભગ 45 જેટલા લોકો ઇજાગ્રસ્ત થયા હતા. જેમાં 20 મુસાફરોની હાલત ગંભીર બતાવવામાં આવી રહી છે. આ અકસ્માતના પગલે ગંભીર રીતે ઇજાગ્રસ્ત લોકોને કાનપુર ખસેડવામાં આવ્યા છે, જ્યારે અન્ય ઇજાગ્રસ્તોને તિર્વા મૅડિકલ કૉલેજમાં દાખલ કરવામાં આવ્યા છે.

આ અંગે મળતી માહિતી મુજબ, મુસાફરોછી ભરેલી બસ દિલ્હી થી બિહાર તરફ જઇ રહી હતી. આ દરમિયાન કોતવાલી વિસ્તારમાં આગ્રા-લખનઉ એક્સપ્રેસ હાઇ-વે પર અકસ્માત સર્જાયો હતો. આ અકસ્માત સર્જાયા બાદ સ્થાનિકોએ તેની જાણ પોલીસને કરી હતી.

આ અકસ્માતમાં ઇજા પામેલા લોકોને પોલીસ વિભાગ દ્વારા તાત્કાલિક સારવાર અર્થે હૉસ્પિટલમાં ખસેડવામાં આવ્યા હતા. જ્યારે ગંભીર રીતે ઇજા પામનારાઓને કાનપુર ખાતે ખસેડવામાં આવ્યા હતા. આ અકસ્માત અંગેની માહિતી ઇજાગ્રસ્તોના પરિવારને પણ આપવામાં આવી હતી.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ ફોલો કરી શકો છો.