'Not contesting elections': Akshay Kumar puts end to rumors
  • Home
  • Entertainment
  • Bollywood
  • તો શું અક્ષય કુમાર આ બેઠક પરથી ભાજપ વતી લડશે લોકસભાની ચૂંટણી?

તો શું અક્ષય કુમાર આ બેઠક પરથી ભાજપ વતી લડશે લોકસભાની ચૂંટણી?

 | 4:23 pm IST

બોલીવુડ ખેલાડી અક્ષય કુમારનું એક ટ્વીટ હાલ ખુબજ ચર્ચામાં છે. વાત જાણે એમ છે કે અક્ષય કુમારે સોમવારે પોતાના ઓફિશિયલ ટ્વિટર એકાઉન્ટ પરથી કંઈક એવુ ટ્વીટ કર્યુ જેના કારણે હાલ તે ચર્ચામાં છે. તેના આ ટ્વીટના આધાર પર અલગ અલગ રીતનો અંદાજ લગાવવામાં આવી રહ્યો છે. કેમકે અક્ષયે ટ્વીટમાં કંઈક એવુ લખ્યુ ચૂંટણીના આ માહોલમાં તેઓની રાજનીતિમાં એન્ટ્રીની વાતો ચર્ચાવા લાગી, અક્ષય રાજકારણમાં આવશે કઈ પાર્ટીમાં જોડાશે જેવી ચર્ચાઓ જોર શોરથી ચાલવા લાગી.

જો કે અક્ષયને આ વાતની ખબર પડતા તેણે ફરી એક ટ્વીટ કર્યુ હતુ. અક્ષયે બીજુ ટ્વીટ કરી આ ચર્ચાઓ પર વિરામ લગાવવાનો પ્રયાસ કર્યો હતો. સૌ પ્રથમ જાણીએ અક્ષયે એવું તો શું ટ્વીટ કર્યુ કે અક્ષય અંગે આવી ચર્ચાએ જોર પકડ્યુ.

અક્ષય કુમારે ટ્વીટર પર શું લખ્યુ?

અક્ષય કુમારે આજે સવારે એક ટ્વીટ કર્યુ હતુ જેમાં અક્ષયે લખ્યુ હતુ કે એક નવા ક્ષેત્રમાં ડગલું ભરવા જઈ રહ્યો છુ. હું એવું કરવા જઈ રહ્યુ છે કે મે આજ સુધીમાં ક્યારેય નથી કર્યુ. હું મારા આ નવા પ્રયત્નને લઈને ખુબજ ઉત્સાહિત છુ. અને નર્વસ પણ છુ. અપડેટ્સ માટે જોડાયેલા રહો.

અક્ષય કુમારે આ ટ્વીટ પછી સોશિયલ મીડિયા પર ચર્ચાઓએ જોર પકડ્યુ કે અક્ષય કુમાર રાજનીતિમાં આવી રહ્યો છે. કેટલાક લોકોએ તો એવુ પણ કહ્યુ કે અક્ષય ભાજપમાં જોડાશે. કેટલાક લોકોએ કહ્યુ કે વિનોદ ખન્નાની ગુરૂદાસપુર લોકસભા સીટ પરથી ચૂંટણી લડશે.

જો કે આ ટ્વીટ પછી અક્ષય કુમારે એક નવી ટ્વીટ કરી તેમની રાજનીતિમાં એન્ટ્રી પરની ચર્ચાઓ પર વિરામ લગાવી દીધો હતો. અક્ષય કુમારે કહ્યુ કે મારો કોઈ ઈરાદો નથી કે હું રાજનીતિમાં આવું. મારા કરેલા ટ્વીટમાં તમે જે રીતે રસ બતાવ્યો એ જોતા ખુબજ ખુશી મળી કે તમે લોકો ઉત્સાહીત છો મારી સાથે. પણ હું એ વાતની સ્પષ્ટતા કરી દેવા માગુ છુ કે હું રાજનીતિમાં આવવાનું વિચારતો જ નથી.

જ્યારે અક્ષયે રાજનીતિમાં આવવાની વાતથી નનૈયો ભણ્યો ત્યારે સોશિયલ મીડિયા પર તેમના પ્રશંસકોએ ફરીથી કહ્યુ કે સારી વાત છે અક્ષય કુમાર આ રાજનીતિથી દુર રહે તે. સોશિયલ મીડિયા પર યૂઝર્સે અક્ષયની રાજનીતિમાં ન આવવાની વાત પર ખુશી વ્યક્ત કરી હતી.

આપને જણાવી દઈએ કે અક્ષય કુમાર ટૂંક સમયમાં રોહિત શેટ્ટીની ફિલ્મ સૂર્યવંશીમાં નજર આવશે. આ ફિલ્મમાં તેમની સાથે કેટરીના કૈફ મુખ્ય ભૂમિકા નિભાવી રહી છે. સોમવારે અક્ષયે આ ફિલ્મની માહિતી આપી હતી.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન