alpesh-thakor-pc-for-joing-bjp-or-reaming-congress
  • Home
  • Ahmedabad
  • ભાજપમાં જોડાવવાને લઇને અલ્પેશ ઠાકોરે સસ્પેન્સ ખોલ્યું, કહ્યું- ‘હા હું કોંગ્રેસથી નારાજ હતો’

ભાજપમાં જોડાવવાને લઇને અલ્પેશ ઠાકોરે સસ્પેન્સ ખોલ્યું, કહ્યું- ‘હા હું કોંગ્રેસથી નારાજ હતો’

 | 12:35 pm IST

ગુજરાતમાં લોકસભાની ચૂંટણીનો ધમધમાટ ચાલું છે, કોંગ્રેસના ધારાસભ્યો પાર્ટી છોડીને ભાજપમાં જોડાઇ રહ્યા છે, ત્યારે રાધનપુર કોંગ્રેસના ધારાસભ્ય અલ્પેશ ઠાકોરને લઇને ભાજપમાં જોડાવવાને લઇને સસ્પેન્સ ખતમ થઇ ગયું છે. અલ્પેશ ઠાકોરે પ્રેસ કોન્ફરન્સ કરીને ભાજપમાં જોડાવવાની વાતને લઇને તમામ અટકળો પર પૂર્ણ વિરામ મૂકી દીધું છે.

અલ્પેશ ઠાકોરે પોતાના નિવેદનમાં જણાવ્યું હતું કે, સત્તા બધાને સારી લાગે છે. જેથી હું મારા સમાજના લોકો માટે બધુ કરી શકીશ, જ્યાં સુધી મારી ભાજપમાં જોડાવવાની વાત છે, તો હું સ્પષ્ટ શબ્દોમાં કહું છું કે, હું કોંગ્રેસ નહીં છોડું. હું પાર્ટીમાં જ રહીને મારા સમાજના લોકો માટે સર્વાંગી વિકાસ કરીશ.

કોંગ્રેસ માં જ રહીશ કહીને તેણે જણાવ્યું હતું કે, છેલ્લા લાંબા સમયથી મારી નારાજગીની ચર્ચા હતી. મારે મંત્રી બનવું હોત તો છ મહિના પહેલા બની ગયો હતો. હું મંત્રી બનવા માંગતો હતો.

અલ્પેશે આજે લોકસભાની ચૂંટણી પણ નહીં લડવાનો નિર્ણય લોકો સામે રજૂ કર્યો હતો, તેમણે જણાવ્યું કે, હું લોકસભાની ચૂંટણી લડવાનો નથી, સાથે મારી પત્ની પણ રાજકારણમાં નહીં આવે. મારી પત્ની મારા પરિવારની સેવા કરશે. તેનાથી વિશેષ કંઇ જ નથી.

અલ્પેશ ઠાકોરે જણાવ્યું કે, હું લોકોનાં જનાદેશથી કોંગ્રેસ પાર્ટીમાં ગયો હતો. કોંગ્રેસથી મારી કોઇ નારાજગી નથી. તેમને કોંગ્રેસ છોડીને ભાજપમાં જોડાયેલા મંત્રીઓને પણ શુભેચ્છા પાઠવી હતી. મારી સાથે લાખો યુવાનો જોડાઇને કામ કરશે, પરંતુ હું દબાણમાં કામ કરવા માંગતો નથી.

અલ્પેશે વધુમાં કહ્યું કે ઈમાનદારીથી કહું છું કે મેં મંત્રી પદ વિશે વિચાર્યુ હતું. હું મંત્રી બનું, આ કામ કરું, તે કરું. મારી સાથે જોડ઼ાયેલા લોકો ગરીબ છે. પોતાના ઘર નથી, શિક્ષણ નથી, રોજગાર નથી, ખાવાના પણ વાંધા છે, તેમના માટે હવે કામ કરવા છે. અમારો ખુબ સંઘર્ષ છે. અલ્પેશે પોતે એકલતામાં ઘણીવાર રોયો  હોવાની  પણ કબૂલાત કરી હતી. આ સાથે અલ્પેશે ભાજપમાં જોડાવવા મુદ્દે પોતાની પ્રતિક્રિયા આપી દીધી છે. હવે દૂધનું દૂધ અને પાણીનું પાણી થઇ ગયું છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન