Patna: BJP President Amit Shah meets Bihar Chief Minister Nitish Kumar
NIFTY 11,018.90 -4.30  |  SENSEX 36,541.63 +-6.78  |  USD 68.5200 -0.05
1.6M
1M
1.7M
APPS
  • Home
  • Featured
  • શાહ સાથે નાસ્તો કરી નીતીશ હસતા મોઢે બહાર નીકળ્યા, શું આ વાત પર સહમતિ બની ગઇ?

શાહ સાથે નાસ્તો કરી નીતીશ હસતા મોઢે બહાર નીકળ્યા, શું આ વાત પર સહમતિ બની ગઇ?

 | 12:31 pm IST

બિહારના મુખ્યમંત્રી નીતીશ કુમાર અને ભાજપના રાષ્ટ્રીય અધ્યક્ષ અમિત શાહે સવારે નાસ્તા પર મુલાકાત કરી. જેડીયુ એનડીએમાં પરત ફર્યા બાદ અમિત શાહની આ પહેલી બિહાર મુલાકાતમાં આ બંને નેતાઓની મુલાકાત આવનારા દિવસોની રાજકીય તસવીરની દશા અને દિશાની દ્રષ્ટિથી ખૂબ જ અગત્યની છે. 2019ની લોકસભા ચૂંટણીમાં ચહેરો કોનો હશે અને કંઇ પાર્ટીને કેટલી સીટો મળશે, આ બંને પ્રશ્નોનો રસ્તો એનડીએના કોઇ પક્ષને સૂઝતી નથી. કહેવાય છે કે અમિત શાહ અને નીતીશ કુમારની મુલાકાત આ પ્રશ્નોની આજુબાજુ કેન્દ્રિત છે. અડધા કલાકથી વધુ ચાલેલી આ મુલાકાત બાદ નીતીશ કુમાર હસતા-હસતા બહાર તો નીકળ્યા પરંતુ જેડીયુ કે ભાજપ કોઇ પક્ષની તરફથી કોઇનું નિવેદન સામે આવ્યું નથી.

શાહ અને નીતીશની આ બેઠકમાં બિહારના ડેપ્યુટી સીએમ સુશીલ મોદી અને ભાજપના પ્રદેશ અધ્યક્ષ નિત્યાનંદ રાય પણ હાજર હતા. શાહ રાત્રિ ભોજન દરમ્યાન પણ સીએમ આવાસમાં નીતીશ કુમાર સાથે મુલાકાત કરશે. એવામાં અગત્યનો પ્રશ્ન એ છે કે આ ‘પોલિટિકલ નાસ્તો’ અને ‘પોલિટિકલ ડિનર’નું પરિણામ શું બિહારમાં એનડીએના તમામ ઘટક પક્ષોને સાથે રાખવામાં સફળ થશે? જો કે એનડીએમાં સામેલ તમામ પક્ષ, ભાજપ, જેડીયુ, એલજેપી, અને આરએલએસપી એ સમય-સમય પર ગઠબંધન બની રહેવાનો દાવો કર્યો છે. પરંતુ સીટ શેરિંગ અને ચૂંટણીમાં કોઇ ચહેરો બનાવામાં આવે તેને લઇ બધાનું પોતાનું સ્ટેન્ડ છે. નીતીશ પણ અત્યાર સુધી ‘સાથ-સાથ’ અને થોડાંક ‘નિરાશ-નિરાશ’ વાળા મૂડમાં દેખાઇ રહ્યાં છે. આવો શાહ અને નીતીશના ‘ડિનર પૉલિટિક્સ’ પહેલાં બિહારમાં બની બગડેલ રાજકીય રમત પર એક નજર નાંખીએ….

2019: NDAમાં સીટ શેરિંગની ફોર્મ્યુલા સૌથી જટિલ
બિહારમાં એનડીએની સામે સૌથી જટિલ પ્રશ્ન સીટ શેરિંગનો જ છે. જેડીયુ જયાં 2015ની વિધાનસભા ચૂંટણીના પરિણામ પર સીટ શેરિંગ ઇચ્છે છે ત્યાં ભાજપની માંગ છે કે 2014ના આધાર પર સીટો વહેંચવામાં આવે. 2014ની લોકસભા ચૂંટણીમાં ભાજપ (22), એલજેપી (6) અને આરએલએસપી (3)ની એક સાથે ચૂંટણી લડી 40માંથી 31 સીટો પર જીત નોંધાવી હતી. એવામાં જોવાનું એ અગત્યનું રહેશે કે નીતીશ અને શાહની મુલાકાત શું આ પેચને ઉકેલી શકશે.

નીતીશ કુમારને મોટા ભાઇ માનશે બધા જ ઘટક દળ?
મીડિયા રિપોર્ટસના મતે નીતીશ કુમાર ઇચ્છે છે કે બિહારમાં એનડીએનો ચહેરો તેમને જ બનાવામાં આવે. જો કે નીતીશની આ ઇચ્છા પર સાસારામના ભાજપના સાંસદ છેદી પાસવાન એક પ્રહાર કરી ચૂકયા છે. મીડિયા રિપોર્ટ્સ પ્રમાણે છેદી પાસવાને કહ્યું છે કે પીએમ મોદીના ચહેરા પર ચૂંટણી લડાશે. જો કે રિપોર્ટસ એ તરફ પણ ઇશારો કરી રહ્યું છે કે ભાજપને નીતીશની આ માંગણી પર કોઇ મુશ્કેલી નથી પરંતુ એલજેપી અને આરએલએસપી એ હજુ પોતાનો રસ્તો સાફ કર્યો નથી.

હવે નીતીશ કુમાર અને અમિત શાહ ડિનર પર મળશે. જ્યાં સુધી બંનેની તરફથી કોઇ સત્તાવાર નિવેદન સામે આવતું નથી કોઇ પરિણામ પર પહોંચી શકાય નહીં. કહેવાય છે કે અમિત શાહ બપોરે પાર્ટી કાર્યકર્તાઓને પણ સંબોધિત કરવાના છે. શકય છે કે તેમાં ભાજપની આગળની કાર્યયોજના પણ સામે આવી.