Amulya Leona Who are working behind her
  • Home
  • Featured
  • ‘પાકિસ્તાન ઝિંદાબાદ’ના નારા લગાવનાર અમૂલ્યાએ કર્યો મોટો ધડાકો, આમને કહ્યું હતું…

‘પાકિસ્તાન ઝિંદાબાદ’ના નારા લગાવનાર અમૂલ્યાએ કર્યો મોટો ધડાકો, આમને કહ્યું હતું…

 | 7:16 am IST

બેંગલુરૂમાં નાગરિકતા સંશોધન એકટના વિરૂદ્ધ આયોજીત એક રેલીમાં ‘પાકિસ્તાન જિંદાબાદ’ના નારા લગાવનાર અમૂલ્યા લિયોન ખાસી ચર્ચામાં છે. સોશિયલ મીડિયા પર જ્યાં તેને પાકિસ્તાન જવાની સલાહ અપાઇ રહી છે. ત્યાં ગુરૂવાર રાત્રે ઉપદ્રવીઓએ તેના ઘર પર હુમલો કરી દીધો અને બારીઓના કાચ તોડી નાંખ્યા. હવે અમૂલ્યાએ ખુલાસો કર્યો કે ‘પાકિસ્તાન ઝિંદાબાદ’ના નારા લગાવાની પાછળ તેનો હેતુ શું હતો અને તેની પાછળ કોની વિચારસરણી હતી. અમૂલ્યાનો આ વીડિયો વાયરલ થયા બાદ ઓલ ઇન્ડિયા મજલિસ-એ-ઇત્તેહાદુલ મસ્લિમીન (AIMIM) પાર્ટીના અધ્યક્ષ અસદુદ્દીન ઓવૈસી પર પણ નિશાન સાંધવામાં આવી રહ્યું છે.

હવે અમૂલ્યાએ ખુલાસો કર્યો કે હું જે પણ આજે કરી રહ્યું છે, એ હું નથી કરી રહી. હું તો માત્ર મીડિયાના લીધે ફેસ બની ગઇ છું. પરંતુ મારી પાછળ ઘણી બધી એડવાઇઝરી કમિટીઓ કામ કરે છે અને તેઓ જે સલાહ આપે છે એ પ્રમણે કરું છું. તેઓ કહે છે કે આજે સ્પીચમાં આ વાત બોલવાની છે, આ પોઇન્ટસ છે. કોન્ટેન્ટ ટીમ કામ કરે છે ઘણા બધા સીનિયર એક્ટિવિસ્ટ કામ કરે છે, મારા પપ્પા-મમ્મી બોલે છે કે આવું બોલવાનું છે, આવું કરવાનું છે, અહીં જવાનું છે. એક ખૂબ મોટું સ્ટુડન્ટ ગ્રૂપ- બેંગ્લોર સ્ટુન્ટ એલાયન્સ – જે આ તમામ પ્રોટેસ્ટની પાછળ કામ કરી રહ્યું છે. હું તો માત્ર તેનો એક ચહેરો બની છું પરંતુ બેંગ્લોર સ્ટુડન્ટ એલાયન્સ ખૂબ મહેનત કરી રહ્યું છે.

પિતાએ કરી હતી આલોચના

ઘટના બાદ અમૂલ્યાના પિતાએ પણ તેના આ નિવેદનને આપત્તિજનક ગણાવ્યું હતું અને તેની આલોચના કરી હતી. તેમણે કહ્યું હતું કે હું મારી દીકરીના નિવેદનને સહન કરીશ નહીં. તેમની દીકરીએ જે પણ કહ્યું કે કર્યું છે તે બિલકુલ ખોટું છે, તેને સહન કરાશે નહીં. પરંતુ જ્યારે અમૂલ્યાના નવા ખુલાસા બાદ તેના પિતાને પણ કઠઘરામાં ઉભા કરી દીધા છે.

આપને જણાવી દઇએ કે AIMIM સાંસદ અસદુદ્દી ઓવૈસીની હાજરીમાં CAAના વિરોધમાં એક રેલીનું આયોજન કર્યું હતું. આ રેલીમાં મંચ પર હાજર 19 વર્ષની અમૂલ્યા લિયોને પાકિસ્તાન ઝિંદાબાદના નારા લગાવ્યા. તેમનો આ વીડિયો સોશિયલ મીડિયા પર વાયરલ થઇ ગોય અને તેને ખૂબ આલોચના ઝીલવી પડી. આ સિવાય તેમના વિરૂદ્ધ દેશદ્રોહનો કેસ નોંધાવીને 14 દિવસની ન્યાયિક કસ્ટડીમાં મોકલી દીધી છે.

આ વીડિયો પણ જુઓ : સુરતમાં ફિઝીકલ ટેસ્ટના નામે મહિલાઓને નિર્વસ્ત્ર કરાઇ

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન