An investment of only Rs 28 in a government scheme will yield a benefit of Rs 4 lakh
  • Home
  • Business
  • સરકારી યોજનામાં માત્ર રૂ.28ના રોકાણ પર થશે લાખોનો ફાયદો

સરકારી યોજનામાં માત્ર રૂ.28ના રોકાણ પર થશે લાખોનો ફાયદો

 | 4:01 pm IST
  • Share

  • વીમા યોજના તમને 4 લાખ રૂપિયા સુધીનું કવર આપશે
  • માત્ર રૂ.28ના રોકાણ પર થશે રૂ.4 લાખ સુધીનો ફાયદો થશે
  • યોજનાઓમાં વાર્ષિક કુલ 342 રૂપિયાનું કરવું પડશે રોકાણ 

કોરોના સમયગાળા પછી જીવનની અસ્થિરતામાં વીમાનું મહત્વ હવે લોકો સમજી રહ્યા છે. એટલા માટે લોકો હવે વીમા યોજનાઓ પર પહેલા કરતા વધારે ધ્યાન આપી રહ્યા છે. સમાજના દરેક વર્ગ સુધી પહોંચવા માટે સરકાર ખૂબ ઓછા પૈસામાં વીમાની સુવિધા પણ આપી રહી છે. જેમાં વિવિધ સરકારી યોજનાઓ છે. પ્રધાનમંત્રી સુરક્ષા વીમા યોજના અને પ્રધાનમંત્રી જીવન જ્યોતિ વીમા યોજના જે તમને 4 લાખ રૂપિયા સુધીનું કવર આપી રહી છે. તો ચાલો જાણીએ કે તમને આ યોજનાનો કેટલો લાભ થશે. બેંક ઓફ બરોડાના ગ્રાહકો આ યોજનાનો લાભ લઇ શકે છે. આ વિશેષ યોજના અને સરકાર તરફથી 4 લાખ રૂપિયાનો લાભ લેવા માટે આ બે યોજનાઓમાં રોકાણ કરવું પડશે. એક તો પ્રધાનમંત્રી જીવન જ્યોતિ વીમા યોજના અને બીજું પ્રધાનમંત્રી સુરક્ષા વીમા યોજના. આ બંને યોજનાઓ પર વાર્ષિક કુલ 342 રૂપિયાનું રોકાણ કરવું પડશે. આનો અર્થ એ છે કે તમારે મહિના માટે 28 રૂપિયા જમા કરાવવાના રહેશે.

આ સિવાય SBIના ગ્રાહકો પણ આ યોજનાનો લાભ લઈ શકે છે. દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા (SBI) એ તેના ટ્વિટર હેન્ડલ પર ટ્વીટ કરીને આ બે યોજનાઓ વિશે માહિતી આપી છે. SBI એ આ ટ્વીટમાં કહ્યું છે કે, ‘તમારી જરૂરિયાત મુજબ વીમો લો અને ચિંતામુક્ત જીવન જીવો. ઓટો ડેબિટ સુવિધા દ્વારા બચત બેંક ખાતા ધારકો પાસેથી પ્રીમિયમ કાપવામાં આવશે. વ્યક્તિ માત્ર એક બચત બેંક ખાતા દ્વારા યોજનામાં જોડાવા માટે લાયક રહેશે.

તમને જણાવી દઈએ કે પ્રધાનમંત્રી સુરક્ષા વીમા યોજના અંતર્ગત અકસ્માતમાં વીમાધારકનું મૃત્યુ અથવા સંપૂર્ણ રીતે અપંગ થવાના કિસ્સામાં 2 લાખ રૂપિયાનું વળતર ઉપલબ્ધ છે. આ યોજના હેઠળ જો વીમાધારક અંશતઃ અથવા કાયમી રીતે અપંગ બને છે તો તેને 1 લાખ રૂપિયાનું કવર મળે છે. આમાં 18 થી 70 વર્ષની વચ્ચેની કોઈપણ વ્યક્તિ કવર લઈ શકે છે. આ પ્લાનનું વાર્ષિક પ્રીમિયમ પણ માત્ર 12 રૂપિયા છે. નોંધનીય છે કે પ્રધાનમંત્રી જીવન જ્યોતિ વીમા યોજના હેઠળ નોમિનીને વીમાધારકના મૃત્યુ પર 2 લાખ રૂપિયા મળે છે. 18થી 50 વર્ષની કોઈપણ વ્યક્તિ આ યોજનાનો લાભ લઈ શકે છે. આ યોજના માટે પણ તમારે માત્ર 330 રૂપિયા વાર્ષિક પ્રીમિયમ ચૂકવવું પડશે. તમને જણાવી દઈએ કે આ બંને ટર્મ ઈન્સ્યોરન્સ પોલિસી છે. આ વીમો એક વર્ષ માટે છે.

 

નીચે આપેલી લિંક્સ પર ક્લિક કરીને સંદેશ ન્યૂઝ સાથે જોડાઓ.

તમે અમને પર ફોલો કરીને સમાચાર મેળવી શકો છો.

તમારા ફોન પર લેટેસ્ટ ન્યૂઝ અપડેટ્સ સૌથી પહેલા મેળવવા માટે હમણાં જ Sandesh ની મોબાઇલ એપ્લિકેશન ડાઉનલોડ કરો