દિલ્હી ડેરડેવિલ્સ

આ વર્ષે ખેલાડીઓની ખરીદીમાં જો કોઈ ટીમે મેદાન માર્યું હોય તો તે દિલ્હી ડેરડેવિલ્સ છે. દિલ્હી પાસે સેહવાગ અને વોર્નરની આક્રમક જોડી પહેલાથી જ ટીમમાં છે. સમસ્યા મિડલ ઓર્ડર અને બોલિંગમાં હતી. આ ખામી દૂર કરવા મહેલા જયવર્દનેને ૭ કરોડમાં ખરીદ્યો હતો. આ ઉપરાંત કેવિન પીટરસન જેવા આક્રમક બેટ્સમેનને ટ્રાન્સફર કરી લીધો છે. આન્દ્રે રસેલને ખરીદી બેટિંગમાં ઊંડાણ મજબૂત કર્યું છે.

 દિલ્હીની ટીમમાં ત્રણ ગુજરાતી ખેલાડીઓ સમાવેશ કરાયો છે. જેમાં ઓલરાઉન્ડર ઈરફાન પઠાણ, મનપ્રિત જુનેજા અને કુલદીપ રાવલનો સમાવેશ થાય છે. ઈરફાને પહેલાથી ટીમને ઉપયોગી સાબિત થયો છે. હવે મનપ્રિત અને કુલદીપ પોતાની મળેલી તકનો ફાયદો ઉઠાવવા આતુર છે.

આઈપીએલમાં દેખાવ જોતા એ વાત સાબિત થઈ છે કે દિલ્હીની ટીમ ખરા સમયે ફસકી પડી છે. આઈપીએલમા દિલ્હીની ટીમ 'ચોકર્સ' સાબિત થઈ રહી છે. દિલ્હીની ટીમ પ્રથમ અને બીજી સેમિફાઈનલ સુધી પહોંચવામાં સફળ રહી હતી પણ અંતે ફસકી પડી હતી. ત્રીજી અને ચોથી સિઝનમાં સાવ દેખાવ ખરાબ રહેતા સેમિફાઈનલમાં પણ પહોંચી શક્યા ન હતા. દિલ્હીનો આઇપીએલની કુલ ૫૭ મેચમાંથી ૨૮મા વિજય, ૨૮મા પરાજય થયો છે જ્યારે એક મેચ રદ રહી છે.