ધારુન રવિને વેબકેમ કેસમાં ૩૦ દિવસની સજા

રુટજર્સ યુનિર્વિસટીના પૂર્વ વિદ્યાર્થી ધારુન રવિને અમેરિકાના ન્યાયર્મૂિતએ ૩૦ દિવસની સજા ફટકારી છે. રવિ પર પોતાના ગે રૂમપાર્ટનરની વેબકેમ દ્વારા જાસૂસી કરવાના આરોપ મૂકવામાં આવ્યા હતા. રવિના આ રૂમપાર્ટનર ટેલર ક્લેમેન્ટીએ જ્યોર્જ વોશિંગ્ટન બ્રિજ પરથી પડતંુ મૂકીને આત્મહત્યા કરી લીધી હતી.

આ કેસમાં રવિને ૧૦ વર્ષ સુધીની સજા થઇ શકતી હતી. સુપિરિયર કોર્ટના ન્યાયર્મૂિત ગ્લેન બેરમેને તેને ૩૦ દિવસની સજા ફટકારી છે. ન્યાયર્મૂિતએ તેને ૩ વર્ષના પ્રોબેશન પિરિયડ પર રાખવાનો આદેશ આપ્યો છે. કાઉન્સિલિંગ મેળવવા ઉપરાંત હેટ ક્રાઇમનાં પીડિતોને મદદ કરવા માટે ચલાવવામાં આવતા પ્રોગ્રામ માટે ૧૦,૦૦૦ ડોલરની ચુકવણી કરવાનો પણ રવિને આદેશ આપવામાં આવ્યો છે. ફરિયાદપક્ષના વકીલ બ્રુસ કપલને જણાવ્યું હતું કે આ સજા અપૂરતી છે અને તે આ ચુકાદા અંગે અપીલ દાખલ કરશે.

માર્ચ માસમાં રવિ વિરુદ્ધ ૧૫ આરોપો નક્કી કરવામાં આવ્યા હતા. ગાર્ડન સ્ટેટ ઇક્વાલિટી નામના ન્યૂજર્સીના ગે રાઇટ્સ ઓર્ગેનાઇઝેશને સજા અંગે નિરાશા વ્યક્ત કરી હતી. સુનાવણી દરમિયાન ધારુન રવિની માતા સબિતા રવિ પણ હાજર રહ્યાં હતાં. આ દરમિયાન ટેલર ક્લેમેન્ટીની માતા જેન ક્લેમેન્ટીએ કોર્ટમાં જણાવ્યું હતું કે મને પણ ખબર નથી કે મારા પુત્રે શા માટે આત્મહત્યા કરી હતી ? જ્યારે ટેલરના પિતા જો કલેમેન્ટીએ જણાવ્યું હતું કે ધારુન રવિને સજા થવી જ જોઇએ.