મુંબઈ, તા. 02
બોલિવૂડની અભિનેત્રી પૂજા ભટ્ટની આગામી ફિલ્મ જિસ્મ-2માં સની લિયોનનાં કામણગારા સૌંદર્યનાં ચમકારા જોવા લોકો ભારે આતૂરતાથી વાટ જોઈ રહ્યા છે, તો આ ફિલ્મમાં જરૂર કરતાં વધારે પડતી અશ્લીલતાને લીધે મોટા વિવાદમાં સપડાઈ ગઈ છે.
આ જિસ્મ-2 ફિલ્મનાં પોસ્ટર એટલા હૉટ છે કે બીએમસીને આને હટાવવા પડ્યા છે. મુંબઈનાં મેયરના હુકમ પછી બેસ્ટની 75 બસો, 25 બસ ડેપો અને વીજળીનાં થાંભલાઓ પરથી ફિલ્મનાં પોસ્ટર ઉખેડી દેવાયાં છે. આ કાર્યવાહી એનસીપીના પાર્ષદ વિદ્યા ચવ્હાણની ફરિયાદને પગલે કરવામાં આવી છે. તેમનું કહેવું હતું કે પોસ્ટર એકદમ અભદ્ર હતું.
મેયર સુનિલ પ્રભુએ જણાવ્યું કે, ''ચવ્હાણની ફરિયાદ પછી મેં બેસ્ટના મેનેજરને બસોમાંથી જિસ્મ-2નાં સની લિયોનનાં પોસ્ટર હટાવવાનો હુકમ કર્યો હતો.''
BMCનાં કમિશનર સીતારામ કુંટેએ આ કાર્યવાહીને સમર્થન આપ્યું છે. જિસ્મ-2ના ડાયરેક્ટર પૂજા ભટ્ટનાં પિતા અને ફિલ્મના લેખક મહેશ ભટ્ટે આ કાર્યવાહી પર જણાવ્યું કે, આ એક એવું યુદ્ધ છે, જેને લડવું બેકાર છે.
પૂજા ભટ્ટની વિવાદાસ્પદ ફિલ્મ જિસ્મ-2 આગામી શુક્રવારે રિલિઝ થઈ રહી છે. ફિલ્મની જાહેરાતને લઈને હમણાં સુધી ઘણાં વિવાદો સામે આવ્યા છે.
જો કે જિસ્મ-2 ફિલ્મના વિવાદમાં અન્ય એક વધારો પણ થયો છે તે પ્રમાણે આ ફિલ્મનું ટાઈટલ સોંગ ચોરી કરાયું હોવાનો આરોપ લાગ્યો છે. ફિલ્મની સામે હાઈકોર્ટમાં અરજી પણ દાખલ થઈ ચૂકી છે અને હીરોઈન સની લિયોનના પૂતળાને ફૂંકવામાં આવી રહ્યું છે.