જીએમબી દ્વારા ભાવનગર સહિત રાજ્યના બંદરોમાં નવા દર અમલી

રાજ્યમાં ગુજરાત મેરીટાઈમ બોર્ડની સને-૧૯૮રમાં સ્થાપના બાદ ભાવનગર સહિત રાજ્યભરના બંદરોનો હવાલો સંભાળ્યો હતો. જીએમબી દ્વારા બંદરોમાં વસુલાતા વિવિધ પ્રકારના ચાર્જનો શેડયુઅલ ઓફ પોર્ટ ચાર્ટ (એસ.ઓ.પી.સી.) બહાર પાડવામાં આવે છે. જીએમબી દ્વારા ગુજરાત રાજ્યના તમામ બંદરોમાં છેલ્લે વર્ષ-૦૩માં એસ. ઓ. પી.સી. જાહેર કરવામાં આવ્યું હતું ત્યારે તાજેતરમાં ભાવનગર સહિત રાજ્યભરના બંદરોમાં ર૦મી જુલાઈ-૧રથી નવું એસ.ઓ. પી.સી. લાગુ કર્યું છે.

• બંદરો માટે લાંબા અરસા બાદ એસ.ઓ.પી.સી. જાહેર કરાયુ
• ભાવનગર નવા બંદરમાં કાર્ગો હેન્ડલીંગના ભાવમાં રાહત અપાઈ
• નવા બંદરમાં ટગ ચાર્જીસ અને કોર્મશીયલ પ્લોટના ભાડામાં વધારો
• સને-૧૯૯૮ બાદ જીએમબી દ્વારા રેટ અને રેન્ટમાં વધારો કર્યો

જીએબી દ્વારા સમયાંતરે લાગુ કરવામાં આવતા શેડયુઅલ ઓફ પોર્ટ ચાર્ટ (એસ.ઓ.પી.સી.)માં છેલ્લે વર્ષ-૧૯૯૮માં વધારો કરવામાં આવ્યો હતો. જે પછી વર્ષ-ર૦૦૩ની સાલમાં શેડયુઅલ ઓફ પોર્ટ ચાર્ટ (એસ.ઓ.પી.સી.)માં કોઈપણ જાતનો વધારો કરવામાં આવ્યો ન હતો. જે પછી લાંબા સમય બાદ તાજેતરમાં ર૦મી જુલાઈ-ર૦૧રથી જીએમબી દ્વારા ભાવનગર, જાફરાબાદ, જામનગર, ભરૂચ, નવલખી, વેરાવળ, મગદલ્લા, માંડવી, પોરબંદર અને ઓખા બંદરમાં શેડયુઅલ ઓફ પોર્ટ ચાર્ટ (એસ.ઓ. પી.સી.)ના નવા દર અમલી કર્યા છે.

ગુજરાત મેરીટાઈમ બોર્ડ દ્વારા વર્ષ-૧૯૯૮ના શેડયુઅલ ઓફ પોર્ટ ચાર્ટ (એસ.ઓ. પી.સી.)ની સરખામણી તાજેતરના નવા શેડયુઅલ ઓફ પોર્ટ ચાર્ટ (એસ.ઓ.પી.સી.)માં ઘણો ફેરફાર કર્યો છે. જો કે ગુજરાત મેરીટાઈમ બોર્ડ દ્વારા ભાવનગર નવા બંદરના વિકાસને લક્ષમાં રાખી કાર્ગો હેન્ડલીંગ ના રેટ અને ગોડાઉન, શેડ,પ્લેટફોર્મ અને ખુલ્લા પ્લોટના રેન્ટમાં સારી એવી રાહત આપીને ઉદ્યોગકારોને આકર્ષવાનો પ્રયાસ કરવામાં આવ્યો છે.

બંદરના વિસ્તારમાં પરમીટ ફીમાં કોઈ વધારો નહિ

જીએમબી દ્વારા બંદર વિસ્તારમાં પ્રવેશતા વાહનોને પરમીટ આપવામાં આવતી હોય છે. જીએમબી દ્વારા અપાતી પરમીટના ભાવમાં કોઈપણ જાતનો વધારો કર્યા વિના જુના પરમીટ ભાવ યથાવત રાખ્યા છે.

ટગ ચાર્જીસ અને કોમર્શીયલ લેન્ડના રેન્ટમાં ધરખમ વધારો કરાયો

ગુજરાત મેરીટાઈમ બોર્ડ દ્વારા બંદરોમાં ઉપયોગમાં લેવાતી જીએમબીની ટગના પ્રતિ કલાકના ભાડામાં અને ઈન્ડસ્ટ્રીલ કોર્મશીયલ પ્રપ્રોઝલ માટેની લેન્ડના વાર્ષિક ભાડામાં ધરખમ વધારો કર્યો છે.

કોલસો-લાઇમ સ્ટોનના કાર્ગો હેન્ડલીંગ રેટમાં રાહત

ભાવનગર નવા બંદરમાં કાર્ગો હેન્ડલીંગની છેલ્લા દોઢ વર્ષથી ચાલી રહેલી ધમધોકાર કામગીરીને વધુ વેગવાન બને તે માટે જીએમબી દ્વારા કાર્ગો હેન્ડલીંગના રેટમાં ઘટાડો કરી રાહત આપી છે. નવા બંદરમાં કોલસો અને લાઈમ સ્ટોનના કાર્ગોની આવક શરૂ છે ત્યારે જીએમબી દ્વારા જીએમબી જેટીના પ્રતિ ટને વસુલાતા રેટમાં ઘટાડો કરી ઉદ્યોગકારોને આકર્ષવાનો પ્રયાસ કર્યો છે.

ગોડાઉન,શેડ,પ્લેટફોર્મ અને ખુલ્લા પ્લોટના રેન્ટમાં ભારે રાહત

જીએમબી દ્વારા ભાવનગર સહિત રાજ્યભરના બંદરોમાં ર૦મી જુલાઈ-ર૦૧રથી લાગુ કરવામાં આવેલા એસ.ઓ.પી.સી.માં ભાવનગર બંદરના વિકાસ માટે ભારે છુટ આપવામાં આવી છે.

ભાવનગર નવા બંદરમાં કાર્ગો હેન્ડલીંગમાં રાહત આપવાની સાથે ગોડાઉન,શેડ,પ્લેટફોર્મ અને ખુલ્લા પ્લોટના પ્રતિ ૧૦ સ્કેવર મીટર મહિને વસુલાતા રેન્ટમાં પણ ભારે છુટ આપવામાં આવી છે.

કોલસા-લાઈમ સ્ટોનના કાર્ગોમાં પ્રતિ ટને વસુલાતા રેટ

જીએમબી દ્વારા ટગ ચાર્જીસ અને કોમર્શીયલ લેન્ડના રેન્ટમાં કેટલો વધારો ?

બંદરની મિલકતોમાં પ્રતિ ૧૦ સ્કવેર મીટર મહિને વસુલાતા રેન્ટની વિગત