ભારતનો ટી-20માં પણ ભવ્ય વિજય, ડિન્ડા અને પઠાણે તરખરાટ મચાવ્યો

વન-ડે બાદ ટ્વેન્ટી૨૦માં પણ ભારતનો દબદબો યથાવત રહેતા એકમાત્ર ટ્વેન્ટી૨૦માં શ્રીલંકા સામે ૩૯ રને વિજય મેળવ્યો હતો. વન-ડે બાદ ટ્વેન્ટી૨૦માં પણ વિરાટ કોહલી અને ઈરફાન પઠાણ જીતના હિરો રહ્યા હતા. કોહલીના ૬૮ રનની ભારતે પ્રથમ બેટિંગ કરતા ૨૦ ઓવરમાં ૩ વિકેટે ૧૫૫ રન બનાવ્યા હતા. જવાબમાં શ્રીલંકા ૧૮ ઓવરમાં ૧૧૬ રનમાં ઓલઆઉટ થઈ ગયું હતું.

શ્રીલંકાના કેપ્ટન મહેલા જયવર્દને ટોસ જીતી ભારતને બેટિંગમાં ઉતાર્યું હતું. ગંભીર ૬ રને આઉટ થતા ભારતની શરૃઆત ખરાબ રહી હતી. રહાણે અને કોહલીએ ૯.૫ ઓવરમાં ૭૪ રનની ભાગીદારી બનાવી બાજી સંભાળી હતી.રહાણે ૨૧ રન બનાવી આઉટ થયો હતો. કોહલીએ શાનદાર ફોર્મ જારી રાખતા ૩૨ બોલમાં કારકિર્દીની પ્રથમ અડધી સદી ફટકારી હતી. કોહલી ૬૮ રને બનાવી ઈરાન્ગાનો શિકાર બન્યો હતો. કોહલી-રૈના વચ્ચે ૫ ઓવરમાં ૪૮ રનની ભાગીદારી નોંધાઈ હતી. ધોની અને રૈનાએ ૩.૩ ઓવરમાં ૨૬ રનની અતૂટ ભાગીદારી નોંધાવી ભારતનો સ્કોર ૧૫૫ રને પહોંચાડયો હતો. રૈના ૩૪ અને ધોની ૧૬ રને અણનમ રહ્યા હતા. શ્રીલંકા તરફથી ઈરન્ગાએ ૨ અને મેન્ડિસે ૧ વિકેટ ઝડપી હતી.

એકસ્ટ્રા : ૧૦, કુલ : (૨૦ ઓવરમાં, ૩ વિકેટે) ૧૫૫, વિકેટ : ૧-૭ (ંગંભીર, ૧.૪), ૨-૮૧ (રહાણે, ૧૧.૩), ૩-૧૨૯ (કોહલી, ૧૬.૩). બોલિંગ : મેથ્યુસ : ૩-૦-૨૩-૦, ઈરન્ગા : ૪-૦-૩૦-૨, મલિંગા : ૪-૦-૩૧-૦, પરેરા : ૪-૦-૩૪-૦, હેરાથ : ૩-૦-૧૭-૦, જે. મેન્ડિસ : ૨-૦૧૩-૧.