કેનબેરા, તા. ૧૮
ભારતની ટોચની ક્રમાંકિત સ્કવોશ પ્લેયર દીપિકા પલ્લિકેલીનો ઓસ્ટ્રેલિયન સ્કવોશ ઓપનની સેમિફાઈનલમાં પરાજય થતાં ટાઈટલ જીતવાની આશાનો અંત આવ્યો છે. દીપિકાનો ચોથી ક્રમાંકિત ઈંગ્લેન્ડની લૌરા માસારો સામે પાંચ સેટના સંઘર્ષ બાદ ૧૧-૭, ૭-૧૧, ૧૩-૧૧, ૩-૧૧, ૧૧-૯થી પરાજય થયો હતો.
દીપિકાએ બીજો અને ચોથો સેટ જીતી હરીફ ખેલાડીને ટક્કર આપી હતી, જોકે પાંચમાં અને નિર્ણાયક સેટમાં પરાજય થયો હતો. પરાજય થયો હોવા છતાં દીપિકાએ સેમિફાઈનલમાં પહોંંચીને ઐતિહાસિક સિદ્ધિ મેળવી હતી. દીપિકા ઓસ્ટ્રેલિયન સ્કવોશ ઓપનની સેમિફાઈનલમાં પહોંચનારી પ્રથમ ભારતીય બની હતી.