વરસાદની સાચી માહિતી ક્યારે મળતી થશે ?

જિલ્લા કંટ્રોલરૂમમાં ફરજ બજાવતા ફર્મચારીએ વરસાદી આંકડામાં બફાટ કર્યો જેના પરિણામે રેડિયો તથા વર્તમાનપત્રોમાં આવેલી માહિતીમાં ભારે વિસંગતતા ઊભી થઈ હતી, જે અંગે બેજવાબદાર કર્મચારી કારણભૂત હતો, તેમ જણાવી યોગ્ય કાર્યવાહી કરવા જિલ્લા કલેકટર સમક્ષ એક નાગરિકે રજૂઆત કરી છે.

તગ તા.૭ના રોજ ભુજમાં વરસાદ કેટલો પડયો તે બાબતે આકાશવાણી દ્વારા બાવન મિ.મી.નો આંકડો સમાચારમાં દર્શવાયો હતો, જ્યારે તે દિવસનો વરસાદ જિલ્લા કંટ્રોલરૂમના કર્મચારીએ આગલા દિવસના આંકડા અખબારોને લખાવી દેતાં લોકો સાચા સમાચાર જાણી શક્યા નહોતા, તેમજ આંકડામાં પણ ૪૦ મિ.મી.નો ફરક જોવા મળ્યો હતો એ કારણે ફરજપરનાં કર્મીએ બાર મિ.મી.નો વરસાદ નોંધાયાનું જણાવ્યું હતું. આ બાબતે ભુજના નાગરિક ગિરીશ ધોળકિયાએ કલેકટર સમક્ષ રજૂઆત કરી આંકાડાની વિસંગતતા દૂર કરવા તથા આ બાબતનું પુનરાવર્તન ન થાય તે માટે યોગ્ય પગલાં ભરવા રજૂઆત કરી છે.