Ashwini Jhunjhunwala Arrested In 38 Crore's Bank Fraud
  • Home
  • Business
  • 38 કરોડ રૂપિયાની છેતરપિંડીમાં અશ્વિની ઝુનઝુનવાલાની ધરપકડ, આ રીતે પાડ્યો ખેલ

38 કરોડ રૂપિયાની છેતરપિંડીમાં અશ્વિની ઝુનઝુનવાલાની ધરપકડ, આ રીતે પાડ્યો ખેલ

 | 8:48 pm IST

ગ્લોબલ ઇન્વેસ્ટમેન્ટ ફર્મ ગોલ્ડમેન સાશના સ્થાનિક કાર્યાલયમાં નિયુક્ત વાઇસ પ્રેસિડન્ટ અશ્વિની ઝુનઝુનવાલાને 38 કરોડની છેતરપિંડીના આરોપમાં પોલીસે મંગળવારે ગિરફતાર કર્યા હતા. ગોલ્ડમેન સાશની ફરિયાદ મુજબ ઓનલાઇન જુગારમાં નુકસાન થવાને કારણે અશ્વિની પર દેવું થઈ ગયું હતું. એ દેવું ભરપાઈ કરવા માટે તેમણે કંપની સાથે છેતરપિંડી કરી હતી. પોલીસે જણાવ્યું કે આ કેસમાં અશ્વિનીનો સહયોગી વેદાંત ફરાર છે.

 38 કરોડ રૂપિયા ઇન્ડસ્ટ્રિયલ એન્ડ કર્મિશયલ બેન્ક ઓફ ચાઇનાનાં ખાતામાં ટ્રાન્સફર કર્યા

ગોલ્ડમેન સાશના લિગલ હેડ અભિષેક પરશીરાની ફરિયાદના આધારે પોલીસે અશ્વિની અને વેદાંતની વિરુદ્ધ કેસ નોંધ્યો છે. એફઆઇઆર મુજબ અશ્વિનીએ હાથ નીચેનાં ત્રણ કર્મચારીઓના સિસ્ટમનો ઉપયોગ કરી છેતરપિંડી કરી હતી. અશ્વિનીએ ત્રણે કર્મચારીઓને ટ્રેનિંગ આપવાની વાત કહીને તેમની સિસ્ટમ લોગ ઇન કરી હતી. કામ દરમિયાન કર્મચારીઓને પાણી લાવવા જેવા આદેશ આપીને દૂર મોકલી આપતો હતો અને તેમની સિસ્ટમમાંથી બે વખત 38 કરોડ રૂપિયા ઇન્ડસ્ટ્રિયલ એન્ડ કર્મિશયલ બેન્ક ઓફ ચાઇનાના ખાતામાં ટ્રાન્સફર કરી દીધા હતા.

 6 સપ્ટેમ્બરે આ છેતરપિંડી પ્રકાશમાં આવી હતી

પોલીસના મતે છેતરપિંડીના કેસમાં વેદાંતને પહેલાં જ ચર્મીનેટ કરી દેવાયો હતો. તેણે રકમની હેરફેરમાં અશ્વિનીને મદદ કરી હતી. ઇન્ટરનલ ઓડિટ દરમિયાન 6 સપ્ટેમ્બરે આ છેતરપિંડી પ્રકાશમાં આવી હતી. જે ત્રણ કર્મચારીઓની સિસ્ટમનો ઉપયોગ કર્યો હતો, તેમણે પોલીસની પૂછપરછમાં પોતાને નિર્દોષ ગણાવ્યા હતા. ઝુનઝુનવાલાએ શરૃઆતમાં તો પોતે કોઇ છેતરપિંડી કરી હોવાનો ઇનકાર કર્યો હતો. પરંતુ પાછળથી નાણાં ટ્રાન્સફર કર્યાનું સ્વીકાર્યું હતું. ઝુનઝુનવાલાએ એક પૂર્વ કર્મચારી પાસેથી સિનર્જી વિઝડમ લિમિટેડની બેન્ક એકાઉન્ટ વિગતો મેળવી હતી.

ચાર વર્ષ પહેલાં જ કંપનીમાં જોડાયા હતા. મરાથાહલ્લી પોલીસે 8મી સપ્ટેમ્બરે અશ્વિની ઝુનઝુનવાલા સામે કંપનીના લિગલ હેડ અભિષેક પારશિરાની ફરિયાદને પગલે ફરિયાદ નોંધી હતી. ઝુનઝુનવાલાને પૂછતાછ માટે કસ્ટડીમાં લેવાયા છે. પ્રાથમિક તપાસમાં જણાયું છે કે ઝુનઝુનવાલા છેલ્લા ચાર વર્ષથી કંપની સાથે જોડાયેલા છે. કંપનીએ પોલીસને જણાવ્યું હતું કે ઝુનઝુનવાલાએ સીસીટીવી કેમેરા ફૂટેજ સમક્ષ અને બીજા પુરાવામાં સ્વીકાર્યું હતું કે, તેણે 8 સપ્ટેમ્બરે 54 લાખ ડોલર હોંગકોંગ ખાતેની બેન્કને ટ્રાન્સફર કર્યા હતા. જેમની સિસ્ટમનો ઉપયોગ કરીને તેમણે નાણાં ટ્રાન્સફર કર્યા હતાં, તેમને આ અંગે કોઈ જ ખ્યાલ ન હતો.

25 લાખની લોન પણ લીધી

ગોલ્ડમેન સાશના જણાવ્યા પ્રમાણે અશ્વિનીએ ઓનલાઇન જુગારમાં 7૦ હજાર ડોલર એટલે કે ૫૦ લાખ રૃપિયા ગુમાવ્યા હતા. તેમણે ૨૫ લાખ રૃપિયાની લોન પણ લીધી છે. દેવું ભરપાઈ કરવા માટે અને દેવું ચૂકવવા માટે અશ્વિનીએ વેદાંતની સલાહ લીધી હતી. વેદાંત પર આરોપ છે કે તેણે ફંડ ડાયવર્ટ કરવાનો માર્ગ સુઝાડયો હતો.

આ વિડીયો પણ જુઓ: કેન્દ્ગ સરકારના મોટર વ્હીકલ એક્ટમાં રાજ્ય સરકારે કર્યો સુધારો

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન