એશિયા કપમાં ટીમ ઇન્ડિયાએ પાકિસ્તાનને રગદોળ્યુ, 8 વિકેટે ભવ્ય વિજય - Sandesh
  • Home
  • Sports
  • Cricket
  • એશિયા કપમાં ટીમ ઇન્ડિયાએ પાકિસ્તાનને રગદોળ્યુ, 8 વિકેટે ભવ્ય વિજય

એશિયા કપમાં ટીમ ઇન્ડિયાએ પાકિસ્તાનને રગદોળ્યુ, 8 વિકેટે ભવ્ય વિજય

 | 4:43 pm IST

ભારતીય ક્રિકેટ ટીમે બોલરોના શાનદાર પ્રદર્શનની મદદથી કટ્ટર હરિફ પાકિસ્તાનને આઠ વિકેટે કારમો પરાજય આપી ગ્રૂપ એમાં ટોચનું સ્થાન મેળવ્યું હતું. ટોસ જીતી પ્રથમ બેટિંગ કરવા ઊતરેલી પાકિસ્તાનની ટીમ ૪૩.૧ ઓવરમાં ૧૬૨ રન બનાવી ઓલઆઉટ થઈ ગઈ હતી. ૧૬૩ રનના લક્ષ્યાંકનો પીછો કરવા ઊતરેલી ભારતીય ટીમે કેપ્ટન રોહિત શર્માના ૫૨ અને ધવનના ૪૬ રનની મદદથી ૨૮.૫ ઓવરમાં બે વિકેટ ગુમાવી વિજય મેળવી લીધો હતો. ભારતે મંગળળારે હોંગકોંગ સામે વિજય મેળવ્યો હતો અને તેના બીજા જ દિવસે પાકિસ્તાનને કચડી નાખી સતત બીજી વિજય સાથે ગ્રૂપ એમાં ટોચનું સ્થાન મેળવ્યું હતું.

૧૬૩ રનના લક્ષ્યાંકનો પીછો કરવા ઊતરેલી ભારતીય ટીમને રોહિત શર્મા અને શિખર ધવને તોફાની શરૃઆત અપાવતાં પ્રથમ વિકેટ માટે ૮૬ રન જોડયા હતા. રોહિતે આ દરમિયાન પોતાની અર્ધી સદી પૂર્ણ કરી હતી. રોહિત ૫૨ રને હતો ત્યારે શાદાબ ખાને બોલ્ડ કરી પાકિસ્તાનને પ્રથમ સફળતા અપાવી હતી. ધવન પણ અર્ધી સદી નજીક પહોંચ્યો ત્યારે ફહીમ અશરફે બાબર આઝમના હાથે કેચ કરાવી પેવેલિયન મોકલ્યો હતો. અહીંથી અંબાતી રાયડુ અને દિનેશ કાર્તિકે કોઈ પણ જાતની ઉતાવળ વિના ૨૮.૫ ઓવરમાં ભારતને વિજય અપાવ્યો હતો. રાયડુ અને ર્કાિતક બંને ૩૧-૩૧ રન બનાવી અણનમ રહ્યા હતા.

ભારતીય બોલરોએ ઉત્કૃષ્ટ દેખાવ કરતાં પાકિસ્તાની બેટ્સમેનોએ સરેન્ડર કરતાં સમગ્ર ટીમ ૪૩.૧ ઓવરમાં ૧૬૨ રન બનાવી ઓલઆઉટ થઈ ગઈ હતી. ભારતીય બોલરોએ કરકસરયુક્ત બોલિંગ નાખતાં પાકિસ્તાનની ટીમ ૫૦ ઓવર પણ રમી શકી નહોતી. પાકિસ્તાન તરફથી બાબર આઝમે સૌથી વધુ ૪૭ રન બનાવ્યા હતા જ્યારે શોએબ મલિકે ૪૩ રનનું યોગદાન આપ્યું હતું.

પાકિસ્તાને ટોસ જીતી પ્રથમ બેટિંગનો નિર્ણય કર્યો હતો પરંતુ ભારતીય ઝડપી બોલર ભુવનેશ્વરકુમારે આ નિર્ણયને ખોટો સાબિત કરતાં બંને ઓપનરને પેવેલિયન મોકલ્યા હતા. ઇમામ ઉલ-હક બે રન બનાવી આઉટ થયો હતો જ્યારે ફખર ઝમાં ખાતું પણ ખોલાવી શક્યો નહોતો. ત્રણ રનના સ્કોરે બંને ઓપનર ગુમાવતાં પાકિસ્તાનની ટીમ દબાણમાં આવી ગઈ હતી અને પાંચ ઓવરમાં માત્ર ચાર રન જ બન્યા હતા. ટીમના સૌથી ભરોસાપાત્ર બેટ્સમેન ગણાતા બાબર આઝમે ત્યારબાદ શોએબ મલિક સાથે ત્રીજી વિકેટ માટે ૮૨ રનની ભાગીદારી નોંધાવી ટીમને મુશ્કેલીમાંથી ઉગારવાનો પ્રયાસ કર્યો હતો. બાબર આઝમ અર્ધી સદીથી ત્રણ રન પાછળ હતો ત્યારે કુલદીપે બોલ્ડ કરી ભારતને ત્રીજી સફળતા અપાવી હતી. આઝમ આઉટ થયા ફરી પાકિસ્તાનનો ધબડકો થયો હતો અને ૧૨૧ રને પહોંચતાં સાત વિકેટ ગુમાવી દીધી હતી.

પાર્ટ ટાઇમ બોલર ગણાતા કેદાર જાધવે પાકિસ્તાનના મિડલ ઓર્ડરને વેરવિખેર કરતાં ત્રણ વિકેટ ઝડપી હતી. સરફરાઝ માત્ર છ રન બનાવી આઉટ થયો હતો જ્યારે સેટ થયેલો મલિક રનઆઉટ થતાં ૧૦૦ રનના સ્કોરે અડધી ટીમ પેવેલિયન પરત ફરી ચૂકી હતી. જાધવે ત્યારબાદ આસિફ અને શાદાબને આઉટ કરી ભારતની પકડ મજબૂત બનાવી હતી. ફહીમ અશરફ અને આમિરે ત્યારબાદ ૩૭ રન જોડી ટીમનો સ્કોર ૧૫૮ રને પહોંચાડયો હતો. બુમરાહે આ સમયે ફહીમને આઉટ કરી પાકિસ્તાનને આઠમો ઝટકો આપ્યો હતો. ફહીમે ૨૧ રન બનાવ્યા હતા. તે પછી ભુવનેશ્વરે હસનઅલીને અને બુમરાહે ઉસ્માન ખાનને આઉટ કરતાં પાકિસ્તાનની ઇનિંગ ૧૬૨ રનમાં સમેટાઈ ગઈ હતી.

આ પણ વાંચો: પ્રથમ ટી-20માં ભારતીય મહિલા ટીમનો શ્રીલંકા સામે 13 રને વિજય

તમને જણાવી દઇએ કે,  પાકિસ્તાને ટૉસ જીતીને પ્રથમ બેટિંગનો નિર્ણય કર્યો છે. ભારત પાસે ચેમ્પિંયન્સ ટ્રોફીમાં હારનો બદલો લેવાનો ચાન્સ છે. વિરાટ કોહલીની અનુપસ્થિતિમાં મોહમ્મદ આમિર એક મોટો પડકાર હશે. પાકિસ્તાનના ઝડપી બોલર હસન અલી પર સૌ કોઇની નજર હશે.

વિકેટની ઉજવણી કરતો કેદાર ઝાધવ

ભારતીય ટીમમાં બે બદલાવ

ભારતીય ટીમે પાકિસ્તાન સામેની મેચમાં બે બદલાવ કર્યા હતા. હોંગકોંગ સામે પદાર્પણ કરનાર ઝડપી બોલર ખલીલ એહમદ અને શાર્દુલ ઠાકુરને બહાર કરી આ બંનેના સ્થાને હાર્દિક પંડયા અને જસપ્રીત બુમરાહને સામેલ કર્યા છે. પાકિસ્તાનની ટીમે હોંગકોંગ સામેની મેચમાં સામેલ પ્લેઇંગ ઇલેવનને જાળવી રાખી હતી.

પીઠમાં દુઃખાવો થતાં હાર્દિકેને સ્ટ્રેચર પર મેદાન બહાર લઈ જવાયો

પાકિસ્તાનની ઇનિંગ દરમિયાન ભારતીય ઓલરાઉન્ડર હાર્દિક પંડયાને પીઠના નીચેના ભાગમાં જોરદાર દુઃખાવો થતાં સ્ટ્રેચર પર મેદાનની બહાર લઈ જવો પડયો હતો. પાકિસ્તાનની ઇનિંગની ૧૮મી ઓવર વખતે હાર્દિક પોતાની પાંચમી ઓવર નાખી રહ્યો હતો. તેની પાંચમી ઓવરના પાંચમો બોલ નાખ્યા બાદ પીઠના નીચેના ભાગમાં દુઃખાવો થતાં તે મેદાન પર જ સૂઈ ગયો હતો. તે પછી તે અસહ્ય દુઃખાવાને કારણે ઊભો થઈ શકે તેમ ન હોવાથી સ્ટ્રેચર પર બહાર લઈ જવો પડયો હતો. ર્હાિદકના સ્થાને સબસ્ટિટયૂટ તરીકે મનીષ પાંડેને ફિલ્ડિંગમાં મોકલાયો હતો. હાર્દિકે ૪.૫ ઓવરમાં ૨૪ રન આપ્યા હતા અને એકેય વિકેટ મળી નહોતી. બીસીસીઆઈ મીડિયા ટીમે કહ્યું કે, હાર્દિકની ઈજાનું મેડિકલ ટીમ દ્વારા આકલન કરવામાં આવી રહ્યું છે.

20 ઓવરમાં પાકિસ્તાનનો સ્કોર 80/2
20મી ઓવર પૂર્ણ, પાકિસ્તાનનો સ્કોર 80 રન પર 2 વિકેટ. બાબર આઝમ (43 રન) અને શોએબ મલિક (34 રન) ક્રિઝ પર છે. ભુવનેશ્વર કુમાર (5 ઓવરમાં 13 રન આપી 2 વિકેટ)

આ પણ વાંચો: એશિયા કપ: ભારતનાં આ મહારથીઓ પાકિસ્તાન સામે બાથ ભીડવા ઉતરશે મેદાને

વિરાટની ગેરહાજરી પાકિસ્તાન માટે ફાયદો
ભારત આ ટુર્નામેન્ટમાં પોતાના નિયમિત કેપ્ટન વિરાટ કોહલી વીના ઉતરી રહી છે. વિરાટ ન માત્ર ટીમનો કેપ્ટન છે પરંતુ તેને હાલના સમયનો સર્વક્ષેષ્ઠ બેટ્સમેનમાં તેની ગણતરી થાય છે. આવામાં તેમનું મ રહેવું પાકિસ્તાન માટે રાહતની વાત બની શકે છે. પાકિસ્તાનના ઘણા ખેલાડીઓએ માન્યું પણ છે કે, કોહલીમી ગેરહાજરીમાં તેમની ટીમ માટે આ ફાયદાનો સોદો બની શકે છે.

આ પણ વાંચો: એશિયા કપ: ભારત અને પાકિસ્તાન વચ્ચેની મેચોમાં આ છે ખાસ રેકોર્ડ્સ

પાકિસ્તાન વિરૂદ્ધ ભારતીય ટીમ
રોહિત શર્મા (કેપ્ટન), શિખર ધવન (ઉપ કેપ્ટન), અંબાતી રાયડુ, દિનેશ કાર્તિક, મહેન્દ્ર સિંહ ધોની, કેદાર ઝાધવ, હાર્દિક પંડ્યા, કુલદીપ યાદવ, યુજર્વેદ ચહલ, ભૂવનેશ્વર કુમાર અને જસપ્રીત બુમરાહ

પાકિસ્તાન ટીમ
સરફરાઝ અહેમદ (કેપ્ટન), ઇમામ ઉલ હક, ફખર જમાન, બાબર આઝમ, શોએબ મલિક, હેરિસ સોહેલ, હસન અલી, મોહમ્મદ આમિર, મોહમ્મદ નવાઝ, ઉસ્માન ખાન, શાહિન આફ્રિદી

આ પણ વાંચો: કોઈ સરહદ ના ઈન્હે રોકે! પાકિસ્તાની ક્રિકેટ ચાહકે ભારતીયની UAEની ટિકીટ કરાવી આપી