astrology tells the reason of depression and how to reduce it
  • Home
  • Astrology
  • શું તમને વારંવાર ડિપ્રેશન થાય છે?, કુંડળી તો જવાબદાર નથીને જાણીલો શાસ્ત્રોક્ત ઉપાય

શું તમને વારંવાર ડિપ્રેશન થાય છે?, કુંડળી તો જવાબદાર નથીને જાણીલો શાસ્ત્રોક્ત ઉપાય

 | 11:20 am IST

દરેક વ્યક્તિ ક્યારેક તો ઉદાસ, હતાશ કે નિરાશ થાય છે. પરંતુ જ્યારે નકારાત્મક વિચારસરણી, તાણ, ચિંતા, ગભરાટ અને બેચેની જેવા લક્ષણો લાંબા સમય સુધી ચાલુ રહે છે, ત્યારે ડિપ્રેશન થઈ શકે છે.જ્યોતિષ શાસ્ત્ર મુજબ કોઈ પણ વ્યક્તિની કુંડળી અથવા હથેળીને જોઈને તે જાણી શકાય છે કે તે ડિપ્રેશનનો શિકાર છે કે નહીં.

“મનન કે હારે હાર હૈ, મન કે જીતે જીત” માણસની હાર જીત તેના મનની નબળાઇ પર આધારીત છે. જેનું મન હારી જાય છે તે ઘણું બધું હોવા છતાં પણ હારી જાય છેમાણસની અસલી શક્તિ મનોબળ છે. જીવનમાં ક્ષણે-ક્ષણે વસ્તુઓ બદલાય છે અને આપણે જીવનની બધી ઘટનાઓને નિયંત્રિત કરી શકતા નથી, પરંતુ તેમની સાથે સકારાત્મક વિચારસરણી સાથે વ્યવહાર કરવા માટે આપણે સાચી રીત અપનાવી શકીએ છીએ.

જાણો જ્યોતિષ શાસ્ત્ર અનુસાર હતાશાનું કારણ શું છે
જ્યોતિષ શાસ્ત્ર મુજબ કોઈ પણ વ્યક્તિની કુંડળી અથવા હથેળીને જોઈને તે જાણી શકાય છે કે તે ડિપ્રેશનનો શિકાર છે કે નહીં. જ્યોતિષ શાસ્ત્ર મુજબ, હતાશામાં સૌથી મોટી ભૂમિકા ચંદ્ર અને બુધ ગ્રહની હોય છે. ચંદ્ર એ મનનો કારક છે, સાથે સાથે ખૂબ જ નમ્ર અને નાજુક ગ્રહ છે. ચંદ્ર બધા ગ્રહોમાંથી પૃથ્વીની સૌથી નજીક છે અને બુધ ગ્રહ બુદ્ધિનો કારક છે અને બુદ્ધિ મનને કાબૂ કરે છે, તેથી ડિપ્રેશનને લાવવામાં બુધની મોટી ભૂમિકા છે.

કુંડળીનો પ્રથમ ભાવ વ્યક્તિના મગજ અને મસ્તિષ્કને રજૂ કરે છે. હથેળી પરનો ચંદ્ર પર્વત મનનું પ્રતિનિધિત્વ કરે છે. ચાલો આપણે જાણીએ કે કુંડળીમાં કઇ ગ્રહોની પરિસ્થિતિઓ છે, જે વ્યક્તિને હતાશાનો શિકાર બનાવે છે.

જો જાતકની કુંડળીમાં લગ્નેશ અશુભ ભાવમાં અથવા નીચ રાશિમાં સ્થિત હોય તો નિરાશા ઘેરી લેશે. કુંડળીમાં ચંદ્ર પર રાહુ અથવા શનિનો પ્રભાવ હોય. કુંડળીમાં શનિ અને ચંદ્રની યુતી હોય અથવા પાપ ગ્રહોના સ્થાનમાં બેઠેલ હોય. કુંડળીમાં જો ચંદ્ર સૂર્યની નજીકમાં હોય.

હસ્તરેખાશાસ્ત્રમાં હતાશાનાં લક્ષણો
મસ્તિષ્ક રેખા પર ક્રોસ જેવા અશુભ સંકેતો હોવા, જો મસ્તિષ્ક રેખા ઘણી જગ્યાએથી વિચ્છેદીત દેખાય, મસ્તિષ્ક રેખા ચંદ્ર પર્વત પર જાય, તેમજ શનિ પર્વતની નીચેથી મસ્તિષ્ક રેખા છેદી રહી હોય.

કરો આ ઉપાય
આ બધી ગ્રહોની સ્થિતિઓ વ્યક્તિના માનસિક સ્વાસ્થ્યને સીધી અસર કરે છે. આવી ગ્રહોની પરિસ્થિતિના જાતકો તેમના જીવનમાં હતાશાથી પીડાય છે. ડિપ્રેશનને દૂર કરવા માટે કસરત કરો, ખુલ્લામાં પ્રિયજનો સાથે તમારી સમસ્યાઓ શેર કરો, કુંડળીમાં ચંદ્ર નબળો તેમજ લગ્નેશ સ્થાનના સમાધાન માટે કોઈ વિદ્વાન જ્યોતિષની સલાહ લો અને તમારી જાતને સકારાત્મક બનાવો અને પ્રોત્સાહિત કરો.

આ વીડિયો જુઓ: વ્રતના વિધિ વિધાન જાણીએ આ કથા દ્વારા

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન