NIFTY 9,904.15 +6.85  |  SENSEX 31,795.46 +24.57  |  USD 64.1500 +0.00
1.6M
1M
1.7M
APPS
  • Home
  • Food & Travel
  • એક દિવસની પિકનિક માટે બેસ્ટ છે ગુજરાતનું ‘આ’ સ્થળ

એક દિવસની પિકનિક માટે બેસ્ટ છે ગુજરાતનું ‘આ’ સ્થળ

 | 3:27 pm IST

એક દિવસમાં તમને નદી મળે કુદરતની સુંદરતા મળે અને રસપ્રદ ઈતિહાસ મળે તો બીજું શું જોઈએ. ગુજરાતમાં જે સારા પ્રવાસન સ્થળો છે એમાં કબીરવડનું સ્થાન આગળ પડતું છે. આ કબીર નર્મદા નદીની વચ્ચે સ્થિત છે અને શુક્લતીર્થ શિવ મંદિરથી નાવમાં બેસીને આ જગ્યાએ પહોંચી શકાય છે. વડની વડવૈયોથી વૃક્ષવાટિકામાં ફેરવાયેલું આ વૃક્ષ હાલ 3 કિલોમીટરના વિસ્તારમાં ફેલાઇ ચૂક્યું છે. સંત કબીર જેઓ વર્ષો સુધી અહીં વસ્યાં હતાં તેમના નામ પરથી આ વડનું નામ કબીરવડ પડ્યું છે.

અહીં કબીર મંદિર પણ છે જ્યાં મુલાકાતીઓ અને શ્રદ્ધાળુઓ પ્રાર્થના કરવા આવે છે. સંત કબીરજી 1380 થી 1400ની સાલમાં અહીંયા રહ્યા હતા એ વખતે એમણે ખાસ્સા સમય સુધી વસવાટ કરીને આ જગ્યાને પવિત્ર બનાવી હતી. આ વડનું આયુષ્ય આશરે 600 વર્ષ જેટલું છે. કબીરવડ માત્ર ઐતિહાસિક કારણથી લોકો આવતાં નથી પરંતુ અહીંના ભવ્ય વડની આસપાસ ફેલાયેલી અપાર શાંતિ અને પવિત્રતા માણવા આવે છે. નર્મદા નદી નર્મદા તથા વડોદરા જિલ્લાની સીમા પર થઈને ભરૂચ જિલ્લામાં પ્રવેશી વહેતી હોવાને કારણે તેની ઉપર ઘણાં જાણીતાં સ્થળો આવેલાં છે અને તે દરેક સ્થળ સુધી પહોંચવા માટેના પૂરતા માર્ગો પણ છે.

આ સિવાય ભરૂચ, રાજપીપળા, ચાણોદ અને ડભોઈ પહોંચવા માટે બસ સેવા ઉપલબ્ધ છે. સરદાર સરોવર ડેમ જોવા માટે ખાનગી વાહન દ્વારા પહોંચી શકાય. અહીં સૌથી નજીકનું રેલવે સ્ટેશન ભરૂચ છે તેમજ એરપોર્ટ વડોદરા ખાતે આવેલું છે. આ એક ઐતહાસિક,ધાર્મિક અને ફરવાના સ્થળમાં ગણવામાં આવે છે. ફરવા માટે જવું હોય તો તમે આ સ્થળે એક દિવસમાં જઈને આવી શકો છો.