બિહારમાં લાલુ પ્રસાદ યાદવની મુશ્કેલી વધી, 'બિગેસ્ટ મોલ' થયો સીઝ - Sandesh
  • Home
  • India
  • બિહારમાં લાલુ પ્રસાદ યાદવની મુશ્કેલી વધી, ‘બિગેસ્ટ મોલ’ થયો સીઝ

બિહારમાં લાલુ પ્રસાદ યાદવની મુશ્કેલી વધી, ‘બિગેસ્ટ મોલ’ થયો સીઝ

 | 8:40 pm IST

બિહારના પૂર્વ મુખ્યપ્રધાન તથા RJDના પ્રમુખ લાલુ પ્રસાદ યાદવ અને તેમના પરિવારની મુશ્કેલી દૂર થતી નથી. લાલુ યાદવ ચારા કૌભાંડમાં જેલની સજા કાપી રહ્યાં છે. હવે EDએ પટનામાં તેમના પરિવારનો મોલ સીઝ કરી દીધો છે. આરોપ છે કે રેલ મંત્રી રહેતા લાલુ યાદવે આ મોલની જમીન રેલવેને બે હોટલો લીઝ પર આપવાના અવેજમાં લીધો હતો.

પટનાના દાનાપુરમાં બની રહેલા મોલ પર પર્યાવરણ મંત્રાલય પહેલા જ પ્રતિબંધ લગાવી ચૂક્યું છે. તેજસ્વી યાદવ અને રાબડી દેવીના નામ પર આ મોલ છે. આશરે 6 વિઘા જમીન પર 750 કરોડના ખર્યો બહુમાળી મોલ બનાવવાનો હતો. આરોપ છે કે, રેલ મંત્રી રહેલા લાલુ યાદવે રાંચી અને પુરીમાં રેલવેને બે હોટલોમાં લીઝ પર આપવાના બદલામાં આ જમીનની નોંધણી પોતાનના પરિવારના નામે કરાવી હતી. આ મોલના નિર્માણમાં માટી કૌભાંડનો આરોપ પણ લાલુના પરિવાર પર લાગ્યો હતો.

સુશીલ મોદીએ આરોપ લગાવ્યો હતો કે બિહાર સરકારમાં તત્કાલીન જલ સંસાધન મંત્રી લલન સિંહે 2008માં તત્કાલીન રેલ મંત્રી લાલુ પ્રસાદ યાદવ પર આરોપ લગાવ્યો કે રેલવેને રાંચી અને પુરીની બે હોટલોને હોટલ સુજાતા અને હર્ષ કોચરને ખોટી રીતે વેંચી દીધી હતી.

ભાજપ નેતાએ મોલના નિર્માણમાં માટી કૌભાંડનો પણ આરોપ લગાવ્યો હતો. તેમણે મીડિયાને જણાવ્યું હતું કે, આ મોલના બે ગ્રાઉન્ડ ફ્લોરની માટીને સંજય ગાંધી જૈવિક ઉદ્યાનને 90 લાખમાં વેંચવામાં આવી હતી, સંજય ગાંધી જૈવિક ઉદ્યાન પર્યાવરણ તથા વન વિભાગ અંતર્ગત આવે છે. આ સમયે વન વિભાગના મંત્રી લાલુ પ્રસાદ યાદવના મોટો પુત્ર તેજપ્રતાપ યાદવ હતા. મોદીએ જણાવ્યું કે, આ મોલની માટીને વેંચવા માટે સૌંદર્યિકરણના નામ પર બિનજરૂરી 90 લાખનં બજેટ પગ લુછણીયા બનાવવાના નામે તૈયાર કરવામાં આવ્યું હતું અને કોઇ ટેન્ડર વિના 90 લાખનું કામ રૂપસપુરના વિરેન્દ્ર યાદવની એમએસ એન્ટરપ્રાઇઝને સોંપી દેવામાં આવ્યું હતું.