NIFTY 9,662.00 +73.95  |  SENSEX 31,329.01 +272.61  |  USD 64.3625 -0.07
1.6M
1M
1.7M
APPS
  • Home
  • India
  • NDAએ રામનાથ કોવિંદને બનાવ્યા રાષ્ટ્રપતિ પદના ઉમેદવાર

NDAએ રામનાથ કોવિંદને બનાવ્યા રાષ્ટ્રપતિ પદના ઉમેદવાર

 | 2:21 pm IST

બિહારના હાલના રાજ્યપાલ રામનાથ કોવિંદ એનડીએ તરફથી રાષ્ટ્રપતિ પદના ઉમેદવાર હશે. બીજેપીના રાષ્ટ્રીય અધ્યક્ષ અમિત શાહે આજે તેની જાહેરાત કરી હતી. આ પહેલા પાર્ટી મુખ્યાલયમં બીજેપીની સંસદીય દળની બેઠક મળી હતી. આ બેઠકમાં રાષ્ટ્રપતિ ઈલેક્શન અને ઉમેદવાર પર લાંબી ચર્ચા થઈ હતી. આ બેઠકમાં વડાપ્રધાન નરેન્દ્ર મોદીની સાથે સાથે પાર્ટીના અધ્યક્ષ અમિત શાહ, સુષ્મા સ્વરાજ, વેકૈંયા નાયડુ, નીતિન ગડકરી સહિત સંસદીય બોર્ડના સદસ્યો હાજર રહ્યા હતા.

કોણ છે રામનાથ કોવિંદ
71 વર્ષના રામનાથ કોવિંદ કાનપુરના રહેવાસી છે. છેલ્લા ત્રણ વર્ષથી તેઓ બિહારના ગર્વનર છે. દલિત સમાજમાંથી ઘણો સંઘર્ષ કરીને રાજકીય કારકિર્દી બનાવી છે. છેલ્લા 12 વર્ષથી રાજ્યસભાના મેમ્બર રહી ચૂક્યા છે. વિદ્યાર્થી, પછાતવર્ગ અને દલિતોના પ્રશ્નો ઉઠાવવા તેઓ અગ્રેસર રહ્યા છે. તેઓ સુપ્રિમ કોર્ટ તેમજ હાઈકોર્ટમાં લાંબા સમય સુધી વકીલાતની પ્રેક્ટિસ કરી ચૂક્યા છે. તેઓ ભાજપમાં લાંબા સમયથી જોડાયેલા છે.

રાષ્ટ્રપતિ પદ માટે એનડીએ ઉમેદવારના નામ પર નિર્ણય લેવા માટે બીજેપી સાંસદીય બોર્ડની મહ્તત્વની બેઠકમાં લગભગ એક કલાક સુધી મંથન ચાલતું રહ્યું હતું. સૂત્રોએ જણાવ્યું કે, 28 જૂનના રોજ રાષ્ટ્રપતિ ઈલેક્શનના નોમિનેશન ફાઈલ કરવાની અંતિમ તારીખ હતી. બીજી તરફ વડાપ્રધાન નરેન્દ્ર મોદી 24થી 27 જૂન સુધી 4 દિવસના અમેરિકાના પ્રવાસ પર જઈ રહ્યા છે. તેથી વડાપ્રધાની હાજરીમાં રાષ્ટ્રપતિ ઉમેદવાનું નોમિનેશન ફાઈલ થશે અને તેમાં હવે વધુ સમય બાકી રહ્યો નથી.

આ દરમિયાન પાર્ટીના નેતાઓએ વિપક્ષી નેતાઓ સાથે પણ વાતચીત કરી લીધી હતી.