chhattisgarh-assembly-election-2018
  • Home
  • Featured
  • આજે નક્સલીઓના ગઢમાં પ્રચાર, થોડીવારમાં મોદીની રેલી, રાહુલ કરશે રોડ-શો

આજે નક્સલીઓના ગઢમાં પ્રચાર, થોડીવારમાં મોદીની રેલી, રાહુલ કરશે રોડ-શો

 | 11:25 am IST

છત્તીસગઢમાં થનારી આગામી વિધાનસભાની ચૂંટણીઓ માટે તમામ પક્ષોએ પ્રચાર શરૂ કરી દીધો છે. ભારતીય જનતા પાર્ટી તરફથી વડાપ્રધાન નરેન્દ્ર મોદી તો કોંગ્રેસ તરફથી પાર્ટી અધ્યક્ષ રાહુલ ગાંધી શુક્રવારે રાજ્યમાં રહીને પોતાના ઉમેદવારો માટે વોટ માંગશે.

PM મોદી નક્સલ પ્રભાવિત વિસ્તારમાં ચૂંટણી પ્રચાર કરશે. રાહુલ ગાંધી પણ અહીં બે દિવસોમાં પાંચ સભાઓ કરશે. પહેલા ચરણની ચૂંટણી માટે પહેલી વખત છત્તીસગઢ આવી રહેલા મોદી સવારે 11.20 કલાકે રાયપુર પહોંચશે. ત્યારબાદ વડાપ્રધાન રાયપુરથી હેલીકોપ્ટરથી જગદલપુર રવાના થશે.

ભાજપા નેતાઓએ જણાવ્યું કે, જગદલપુરમાં આમ સભા પછી મોદી 2.05 મિનિટે જગદલપુરથી પ્રસ્થાન કરશે. ત્યારબાદ 3.25 વાગે રાયપુર પહોંચશે અને 3.30 વાગે પાછા દિલ્હી જવા રવાના થશે. વડાપ્રધાનની સભામાં મુખ્યમંત્રી રમન સિંહ પણ હાજર રહેશે.

રાહુલ ગાંધીનો બે દિવસીય પ્રવાસ
કોંગ્રેસ અધ્યક્ષ રાહુલ ગાંધી પણ શુક્રવાર અને શનિવારે છત્તીસગઢ પ્રવાસ પર રહેશે. રાજ્યમાં કોંગ્રેસના વરિષ્ઠ નેતાઓએ જણાવ્યું કે, રાહુલ ગાંધી શુક્રવારે સવારે 11 વાગે વિમાન માર્ગે રાયપુર પહોંચશે. ત્યારબાદ તે કાંકેર જિલ્લાના પખાંજુર માટે રવાના થશે. ગાંધી પખાંજુરમાં બપોરે 12.00 વાગ્યાથી બપોરે 1.00 વાગ્યા સુધી આમ સભાને સંબોધિત કરશે. બાદમાં તે રાજનાંદગામ જિલ્લાના ખૈરાગઢ માટે રવાના થશે અને બપોરે 2.00 વાગ્યાથી બપોરે 3.00 વાગ્યા સુધી ખૈરાગઢમાં ચૂંટણી સભાને સંબોધિત કરશે.

કોંગ્રેસ નેતાએ જણાવ્યું કે, રાહુલ ગાંધી બપોરે 3.15 વાગે ખૈરાગઢથી ડોંગરગઢ માટે રવાના થશે અને બપોરે 3.30 વાગ્યાથી સાંજે 4.00 વાગ્યા સુધી ડોંગરગઢમાં ચૂંટણી સભાને સંબોધિત કરશે. ત્યારબાદ ગાંધી સાંજે રાજનાંદગામ પહોંચશે અને ત્યાં સાંજે 5 વાગ્યાથી 6.30 વાગ્યા સુધી રોડ શો-કરશે. ગાંધી રાજનાંદગામમાં વિશ્રામ કરશે.

તેમણે જણાવ્યું કે,ગાંધી બીજા દિવસે એટલે કે 10 નવેમ્બરે રાજનાંદગામથી કાંકરે જિલ્લાના ચારામા પહોંચશે અને ચારામામાં બપોરે 12.00 વાગ્યાથી 1.00 વાગ્યા સુધી સામાન્યસભાને સંબોધિત કરશે. ત્યારબાદ તે કોંડાગામ માટે રવાના થશે. ગાંધી બપોરે 2.15 વાગ્યાથી બપોરે 3 વાગ્યા સુધી કોંડાગામમાં ચૂંટણી સભાને સંબોધિત કરશે અને બાદમાં તે જગદલપુર માટે રવાના થશે. રાહુલ ગાંધી જગદલપુરમાં બપોરે 3.45 વાગ્યાથી સાંજે 4.45 વાગ્યા સુધી પાર્ટી કાર્યકર્તાઓની બેઠક લેશે અને બાદમાં નિયમિત વિમાનથી દિલ્હી માટે રવાના થશે.