Chinese migrants trying to enter US found hiding inside furniture, washing machine
  • Home
  • Featured
  • અમેરિકામાં ગેરકાયદે ઘૂસવા માટે એવી TRICK અપનાવી કે તમને વાંચીને ગભરામણ થશે

અમેરિકામાં ગેરકાયદે ઘૂસવા માટે એવી TRICK અપનાવી કે તમને વાંચીને ગભરામણ થશે

 | 11:23 am IST

ગેરકાયદે અમેરિકામાં ઘૂસણખોરી કરવા માટે લોકો મોટાભાગે મેક્સિકો સરહદનો સહારો લે છે. કેટલીય વખત લોકોને ટ્રાન્સપોર્ટ દ્વારા છુપાઇને સરહદ પાર કરવાની કોશિષ કરતાં પકડ્યા છે. કેટલાંક ચીની લોકોની પણ મેક્સિકોની સરહદ પર ધરપકડ કરાઇ છે જેઓ ગેરકાયદે અમેરિકા જવા માંગતા હતા. આ લોકોએ અમેરિકામાં પ્રવેશ કરવા માટે એવી અજીબ ટ્રિક અપનાવી કે તમને વાંચીને ગભરામણ થશે. જી હા કોઇ ફર્નિચરની વચ્ચે છુપાયેલું હતું તો કોઇ વોશિંગ મશીનની અંદર બંધ હતું.

અમેરિકા-મેક્સિકોની સરહદથી 11 ચીની માઇગ્રેન્ટસની ધરપકડ કરાઇ છે. ગયા શનિવારના રોજ જ્યારે એક ટ્રેક મેક્સિકોથી અમેરિકા જઇ રહી હતી ત્યારે પેટ્રોલિંગ અધિકારીઓએ તેમાં મૂકાયેલા ફર્નિચર અને અન્ય સામાનમાં છુપાયેલા ચીનીઓને દબોચી લીધા. ટ્રકનો ડ્રાઇવર એક અમેરિકન નાગરિક હતો. તેની પણ ધરપક કરી લેવાઇ છે. અમેરિકન કસ્ટમ એન્ડ બોર્ડર પ્રોટેકશને કહ્યું છે કે 11 ચીનીઓની ધરપકડ કરી તેમના પર ગુનાહિત કેસ ચલાવામાં આવી રહ્યો છે.

આપને જણાવી દઇએ કે અમેરિકા અને ચીનની વચ્ચે ચાલી રહેલા ટ્રેડ વોરના લીધે ચીનીઓને અમેરિકાના વીઝા લેવામાં મુશ્કેલીનો સામનો કરવો પડી રહ્યો છે. અમેરિકાએ ચીનના શિજિચાંગ પ્રાંતમાં મુસ્લિમોને કેદ કરવાને લઇ ચીની અધિકારીઓ પર પણ વીઝાને લઇ પ્રતિબંધ મૂકી દીધો હતો. અમેરિકા કેટલીય વખત ચીનની જેલોમાં બંધ ઉઇગર મુસલમાનોનો પણ ઉલ્લેખ કરી ચૂકી છે.

ઉલ્લેખનીય છે કે નવેમ્બરમાં અમેરિકાના પેટ્રોલિંગ અધિકારીઓએ મેક્સિકો બોર્ડર પર જ પાંચ ભારતીયોને પકડી પાડ્યા હતા. તેઓ પણ એક ટ્રકમાંથી પકડાયા હતા જેને અમેરિકન નાગરિક ચલાવી રહ્યો હતો. ભારતીયોની પાસે કાયદેસરના ઇમીગ્રેશન ડોક્યુમેન્ટ નહોતા.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન