ક્રિકેટની દુનિયામાં તોફાની ઇનિંગ્સ: 116 બોલ, 316 રન, 18 ચોગ્ગા, 34 છગ્ગા ફટકાર્યા - Sandesh
  • Home
  • Sports
  • Cricket
  • ક્રિકેટની દુનિયામાં તોફાની ઇનિંગ્સ: 116 બોલ, 316 રન, 18 ચોગ્ગા, 34 છગ્ગા ફટકાર્યા

ક્રિકેટની દુનિયામાં તોફાની ઇનિંગ્સ: 116 બોલ, 316 રન, 18 ચોગ્ગા, 34 છગ્ગા ફટકાર્યા

 | 5:20 pm IST

ક્રિકેટમાં મોટાભાગે જ્યારે પણ રેકોર્ડની ચર્ચા થાય છે તો હંમેશા આંતરરાષ્ટ્રીય ક્રિકેટ અંગે જ વાત થાય છે. કેટલીય વખત કલબ ક્રિકેટમાં પણ એવા રેકોર્ડ બની જાય છે જેના પર વિશ્વાસ કરવા સુદ્ધાં મુશ્કેલ થઇ જાય છે. આવું જ કંઇક ઇંગ્લેન્ડની કલબ ક્રિકેટમાં જ્યારે ઇંગ્લેન્ડના હેલીફેકસ ક્રિકેટ લીગ પ્રીમિયર ડિવિઝનની એક મેચમાં એક અવિશ્વસનીય ઇનિંગ્સ જોવા મળી. આ મેચમાં ટ્રાએંગલ ક્રિકેટ કલબની તરફથી રમતા ક્રિશ્ચિયન સિલ્કસ્ટોન માત્ર 116 રનોમાં જ ત્રેવડી સદી ફટકારી દીધી.

આ મેચમાં ક્રિશ્ચિયન સિલ્કસ્ટોને સિલ્કસ્ટોને એક મેચમાં માત્ર 116 બોલ પર 316 રનો બેમિસાલ ઇનિંગ્સ રમ્યા. તેની ઇનિંગ્સ સંપૂર્ણપણે વન મેન શો જ રહી કારણ કે આ મેચમાં તેમની ટીમ ટ્રાએંગલ ક્રિકેટ કલબ ટીમનો કુલ સ્કોર 433 રન રહ્યો, જેમાં 316 રન માત્ર ક્રિશ્ચિયન સિલ્કસ્ટોનનો બન્યો. સિલ્કસ્ટોને 18 ચોગ્ગા અને 34 ચોગ્ગા ફટકાર્યા જે એક અલગ જ રેકોર્ડ છે.

સિલ્કસ્ટોન થ્રોન્ટન ક્રિકેટ કલબની વિરૂદ્ધ એક ઐતિહાસિક ઇનિંગ્સ રમ્યો. સિલ્કસ્ટોનની આ ઇનિંગ્સના દમ પર ટ્રાએંગલ ક્રિકેટ કલબે થ્રોન્ટન ક્રિકેટ કલબને 147 રનથી હરાવી દીધું.

એક ઓવરમાં છ છગ્ગાનો રેકોર્ડ પણ આ ઇનિંગ્સમાં બનાવ્યો
સિલ્કસ્ટોને પોતાની ઇનિંગ્સમાં કેટલાંય રેકોર્ડ બનાવ્યા. ઓછા બોલામાં ત્રેવડી સદી, એટલી જ ઝડપથી ત્રેવડી સદી વગેરે વગેરે આટલું ઓછું નહોતું. સિલ્કસ્ટોને પોતાની આ ઇનિંગ્સમાં એક જ ઓવરમાં છગ્ગા લગાવાનો રેકોર્ડ પણ બનાવ્યો. તેમણે રૉસ પારરની ઑવરમાં છ છગ્ગા ફટકાર્યા.

કહેવાય છે કે ક્રિશ્ચિયન સિલ્કસ્ટોનનો આ રેકોર્ડ હવે ભવિષ્યમાં કદાચ જ કયારેય તૂટી શકશે નહીં. પરંતુ ક્રિકેટ અનિશ્ચિતતાની રમત છે. કહેવાય પણ છે કે ક્રિકેટમાં કોઇપણ રેકોર્ડ ગમે ત્યારે તૂટી પણ શકે છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન