NIFTY 10,204.80 -20.15  |  SENSEX 32,998.56 +-35.00  |  USD 65.4850 +0.07
1.6M
1M
1.7M
APPS
  • Home
  • India
  • રાષ્ટ્રપતિ ચૂંટણી: વોટિંગ દરમ્યાન જ વિપક્ષને જોરદાર ઝાટકો!

રાષ્ટ્રપતિ ચૂંટણી: વોટિંગ દરમ્યાન જ વિપક્ષને જોરદાર ઝાટકો!

 | 1:46 pm IST

રાષ્ટ્રપતિ ચૂંટણીને વિચારધારાની લડાઇ ગણાવીને વિપક્ષે જોરશોરથી મીરા કુમારને ઉમેદવાર તો બનાવી દીધા પરંતુ વોટિંગના દિવસે વિપક્ષના ભવાં ધરાશાયી થતાં દેખાઇ રહ્યાં છે. સોમવારના રોજ વિપક્ષના નેતાઓની બૉડી લેંગવેજ અને તેના નિવેદન બતાવી રહ્યાં હતા કે હારની બાજી લડી રહ્યાં છે. જો કે એનડીએના ઉમેદવાર રામનાથ કોવિંદની જીત તો પહેલેથી જ નક્કી મનાય રહી છે, પરંતુ વિપક્ષે જે ઉત્સાહની સાથે મીરા કુમારને મેદાનમાં ઉતાર્યા હતા, તે જોશ વોટિંગના દિવસે જોવા મળ્યો નહીં. ઉપરથી કેટલીક જગ્યાએ ક્રૉસ વોટિંગે પણ વિપક્ષને ઝાટકો આપવાનું કામ કર્યું.

ત્રિપુરામાં ક્રૉસ વોટિંગ
વિપક્ષની એકતાના ભાગીદાર મમતા બેનર્જીની તૃણમૂલ કૉંગ્રેસના ધારાસભ્યોને ત્રિપુરામાં મીરા કુમારને વોટ ન આપવાની જાહેરાત કરી. તેમને સીપીએમને સાથે લેવા પર વાંધો હતો. ત્રિપુરા ટીએમસી અધ્યક્ષ આશીષ સાહાએ કહ્યું કે દિલ્હીમાં બેસીને સીપીએમની સાથે એકજૂથ થઇને મીરાને સમર્થન આપવા માટે તૈયાર થઇ ગયા. જે સીપીએમને સપોર્ટ કરશે, અમે તેમને સાથ નહીં આપીએ. અમે એનડીએના ઉમેદવારને મત આપીશું, જે સીપીએમની વિરૂદ્ધ છે. અમારા છ ધારાસભ્ય કોવિંદને વોટ આપશે.

સપા નેતા શિવપાલ યાદવે કહ્યું કે તેઓ અને મુલાયમ સિંહ યાદવ એનડીએ ઉમેદવાર કોવિંદનું સમર્થન કરશે. મીડિયા સાથે વાત કરતાં શિવપાલે કહ્યું કે મીરા કુમારને સમર્થન આપવાનો નિર્ણય કરતાં પહેલાં અમારો અભિપ્રાય નહોતો લીધો. કોવિંદ એક સેક્યુલર વ્યક્તિ છે. હું અને મુલાયમ તેમનું જ સમર્થન કરીશું.

પંજાબમાં AAP ધારાસભ્ય કરશે ક્રૉસ વોટ?
આમ આદમી પાર્ટી એ મીરા કુમારને સમર્થન આપવાની જાહેરાત કરી હતી, પરંતુ સમાચાર મળી રહ્યાં છે કે પંજાબ વિધાનસભામાં કેટલાંય AAPના ધારાસભ્ય એનડીએના ઉમેદવાર કોવિંદને વોટ આપી શકે છે. જો કે આ સંબંધમાં કોઇ નિવેદન કે પુષ્ટિની માહિતી સામે આવી નથી.

NCPનું સરેંડર!
વોટિંગ દરમ્યાન જ એનસીપી નેતા પ્રફુલ્લ પટેલે એકબાજુથી હાર માનતા કહ્યું કે એનડીએના ઉમેદવાર રામનાથ કોવિંદ જંગી મતોથી જીતવાના છે. જો કે તેમણે સ્પષ્ટતા કરી કે તેમની પાર્ટીના તમામ ધારાસભ્યો અને સાંસદોએ મીરા કુમારને જ વોટ આપ્યા છે.

NCએ પણ હથિયાર નીચે મૂક્યા!
નેશનલ કોન્ફરન્સના નેતા ઉમર અબ્દુલ્લાને કહ્યું કે જો આપણે આંકડાઓ પર નજર કરીએ તો એનડીએ ઉમેદવાર કોવિંદના પક્ષમાં દેખાય છે. જોકે તેમની પાર્ટી પણ મીરાકુમારની સાથે રહી.