Dangs school principal and the teacher in private moments, photos, videos viral
  • Home
  • Featured
  • ડાંગમાં પ્રિન્સિપાલ અને પરિણીત શિક્ષિકા રંગરેલિયા મનાવતા હતા, અશ્લીલ ફોટો-વીડિયો વાયરલ થતાં….!!!

ડાંગમાં પ્રિન્સિપાલ અને પરિણીત શિક્ષિકા રંગરેલિયા મનાવતા હતા, અશ્લીલ ફોટો-વીડિયો વાયરલ થતાં….!!!

 | 12:08 pm IST

તાજેતરમાં જ ડાંગ જિલ્લાના વઘઇ તાલુકામાં સમાવિષ્ટ એક શાળાના મુખ્ય શિક્ષક અને તે જ શાળાની પરિણીત શિક્ષિકા વચ્ચેના પ્રેમપ્રકરણ અને તેની અંગત પળોની વીડિયો કલીપે ચકચાર મચાવી દીધી છે.

આ ઘટના બાદ વિવાદ વકરતા શિક્ષણ વિભાગે બન્નેની બદલી કરી મામલો થાળે પાડવાનો પ્રયાસ કર્યો છે. વઘઇ તાલુકામાં સમાવિષ્ટ એક પ્રાથમિક શાળાના મુખ્ય શિક્ષક અને શિક્ષિકા પ્રણયફાગ ખેલવામાં વ્યસ્ત રહેતા હતા. આ બન્નેના કેટલાક આપત્તીજનક કહો કે અશ્લીલ ફોટો અને વીડિયો શિક્ષકોમાં જ વાયરલ થયા હતા. વાત વધીને વાલીઓ સુધી પહોંચતા મામલો ગરમાયો હતો.

ગામ લોકોએ પોતાના બાળકોનું હિત જોતા શાળાએ જઇ હોબાળો મચાવતા શિક્ષણ તંત્ર દોડતું થયું હતું. વિવાદ વકરે એવું લાગતા ઈન્ચાર્જ જિલ્લા પ્રાથમિક શિક્ષણ અધિકારી એમ.સી.ભૂસારાએ ટી.પી.ઓ.દ્વારા પ્રથમ તપાસ કરાવી હતી. જેમાં શિક્ષણ અને શિક્ષિકાના અંગત પળોની વીડિયો કલીપ અને ફોટા સાચા હોવાનું તથા બન્નેની અંગત પળોની તસવીરો અને વીડિયો પણ મુખ્ય શિક્ષકે પોતે જ બનાવ્યો હોવાનું બહાર આવ્યું હતું. ત્યારબાદ આ મુખ્ય શિક્ષક અને શિક્ષિકાની અલગ અલગ જગ્યાએ બદલી કરી દેવાઇ છે.

આ અંગે ઈન્ચાર્જ જિલ્લા પ્રાથમિક શિક્ષણ અધિકારી ભૂસારાએ જણાવ્યું હતું કે, બન્ને શિક્ષકોની તત્કાળ અસરથી અલગ અલગ શાળાઓમાં બદલી કરી દીધી છે. સાથે તેઓ સામે ખાતાકીય તપાસ કરી શિક્ષાત્મક પગલા ભરવા માટે તમામ પુરાવાઓ સહિત શિક્ષણ નિયામકને રિપોર્ટ કરાયો છે.

આ પણ જુઓ વીડિયો: દશેરાના દિને પેથાપુર ખાતે અશ્વપુજા કરાઈ

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન