Decided On Osama Bin Laden While Playing Basketball, Ordered Staff To Attack Libya By Phone
1.6M
1M
1.7M
APPS
  • Home
  • Featured
  • બાસ્કેટબોલ રમતા રમતા અચાનક જ લાદેનને ઠાર કરવાનો લીધો હતો નિર્ણય, ઓબામાનો ખુલાસો

બાસ્કેટબોલ રમતા રમતા અચાનક જ લાદેનને ઠાર કરવાનો લીધો હતો નિર્ણય, ઓબામાનો ખુલાસો

 | 4:00 pm IST
  • Share

ભૂતપૂર્વ અમેરિકી રાષ્ટ્રપ્રમુખ (Former US President) બરાક ઓબામા (Barack Obama) ના પુસ્તક એ પ્રોમિસ્ડ લેન્ડ (A Promised Land)માં એક પછી એક ખુલાસા કરવામાં આવી રહ્યાં છે. રાહુલ ગાંધી (Rahul Gandhi), મનમોહન સિંહ (Manmohan Singh) અને ભારત (India)ને લઈને કરેલા ખુલાસા બાદ હવે તેમને ઓસામા બિન લાદેન (Osama Bin Laden) અને લિબિયા (Libya) પરના હુમલાને લઈને પણ અનેક ખુલાસા કર્યા છે.  

ઓબામાએ જવાહરલાલ નેહરુથી લઈ ઈન્દિરા ગાંધી, રાજીવ ગાંધી સુધીનાનો ઉલ્લેખ કર્યો છે તો 2010માં ભારતના પ્રવાસ અને સોનિયા ગાંધી, રાહુલ અને મનમોહનસિંહ અંગે ખૂલીને લખ્યું હતું.

અમેરિકાના પૂર્વ રાષ્ટ્રપતિનું આ પુસ્તક (Barack Obama Book) 17 નવેમ્બરે બજારમાં મુકાયાના પહેલાં જ દિવસે 8.90 લાખ કોપી વેચાઈ ગઈ  હતી. આ પુસ્તક 26 ભાષાઓમાં વિશ્વના 50થી વધુ દેશમાં ઉપલબ્ધ છે. અનેક દેશોની બેસ્ટ સેલરની યાદીમાં સામેલ થઈ ગયું છે. કોર્પોરેટ સ્પીચ ઉપરાંત પુસ્તકો બરાક ઓબામાની આવકનું મુખ્ય સાધન છે. આ અગાઉ તેમણે ડ્રીમ્સ ફ્રોમ માય ફાધર દ્વારા 50 કરોડ રૂપિયાની કમાણી કરી હતી.

ખુંખાર આતંકી ઓસામા બિન લાદેનનો ખાત્મો

અમેરિકાએ 1-2 મે, 2011ની રાત્રે પાકિસ્તાનમાં છૂપાયેલા ઓસામા બિનલાદેનને ઠાર માર્યો હતો. ઓબામાએ આ વિષે પોતાના પુસ્તકમાં ટાંક્યુ છે કે, છેલ્લા ઘણા સપ્તાહથી તેઓ પોતાના વિચારેલા નિર્ણય સમેટી રહ્યા હતા. તેમની સામે મિસાઈલ એટેકનો પણ વિકલ્પ હતો. આખરે ટ્રીટી રૂમની બહાર બાસ્કેટબોલ રમતા સમયે તેમણે આખરે રેડ કરવાનું નિર્ણય લીધો. તે સમયના ઉપરાષ્ટ્રપ્રમુખ બાઈડેન રેડ અંગે ઓબામાને ફરી વિચાર કરવાનું કહેતા હતા પણ ઓબામા નિર્ણય લઈ ચૂક્યા હતા.

લિબિયા પર એરસ્ટ્રાઈકનો નિર્ણય

માર્ચ 2011માં જ અમેરિકાએ લિબિયા પર એરસ્ટ્રાઈક પણ કરી હતી. એર સ્ટ્રાઈક પહેલા ઓબામા બ્રાઝિલના પ્રવાસે હતા. આદેશ આપવા ઓબામાએ જોઈન્ટ ચીફ ઓફ સ્ટાફ માઈકેલ મૂલેન્ડને સિક્યોર મોબાઈલ કોમ્યુનિકેશન સિસ્ટમ દ્વારા સંપર્ક કરવાનો હતો. તેનાથી ઓબામા ધરતીના કોઈપણ ખૂણાથી વ્હાઈટ હાઉસના સંપર્કમાં રહી શકે છે. પરંતુ છેલ્લી ઘદીએ જ આ લાઈન કામ કરી રહી નહોતી. જેથી ઓબામાએ સહયોગીના સાધારણ ફોન વડે જ હુમલાનો આદેશ આપ્યો હતો.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન