ડોક્ટરોના ધમપછાડા છતાં હડતાલને મળ્યો નબળો પ્રતિસાદ – Sandesh
NIFTY 10,378.40 -73.90  |  SENSEX 33,774.66 +-236.10  |  USD 64.2100 +0.00
1.6M
1M
1.7M
APPS
  • Home
  • Ahmedabad
  • ડોક્ટરોના ધમપછાડા છતાં હડતાલને મળ્યો નબળો પ્રતિસાદ

ડોક્ટરોના ધમપછાડા છતાં હડતાલને મળ્યો નબળો પ્રતિસાદ

 | 9:32 am IST

કેન્દ્ર સરકાર મેડિકલ કાઉન્સિલ ઓફ ઈન્ડિયાને વિખેરી નાખીને તેની જગ્યાએ નેશનલ મેડિકલ કમિશનને લાવવા માગે છે. આ માટેનું બિલ આજે લોકસભામાં મંજૂરી અર્થે રજૂ થયું છે. તેના વિરોધમાં ઈન્ડિયન મેડિકલ એસોસીએશનના નેજા નીચે ડોક્ટરોએ કાળો દિવસ મનાવીને દબાણ લાવવા પ્રયાસ કર્યા હતા જે નિષ્ફળ નિવડયા હતા. ડોક્ટરોની હડતાલને નબળો પ્રતિસાદ મળ્યો હતો.

એમસીઆઈ સામે ભ્રષ્ટાચાર સહિતના આક્ષેપ થયાં છે. નવી કોલેજની મંજૂરીમાં પણ વ્યાપક ભ્રષ્ટાચાર થાય છે. છતાં બધું લોલંલોલ ચાલે છે. સરકાર આ દૂષણોને નાથવા નેશનલ મેડિકલ કમિશન લાવી રહ્યું છે. જેમાં ડોક્ટરોનું પ્રતિનિધિત્વ ઘટાડી નાખ્યું છે. તેની સામે ડોક્ટરોને વાંધો છે. આઈએમએ કોના ઈશારે હડતાલ પડાવી રહ્યું છે તે કોઈથી છૂપું નથી.

ડોક્ટરોએ મેડિકલ બિલ અટકાવવા ધમપછાડા કર્યા હતા પરંતુ તેમની કારી ફાવી ન હતી. આજે કાળો દિવસ મનાવી, ધરણાં યોજીને વિરોધ પ્રદર્શન કર્યું હતું. પરંતુ તેમાં જૂજ ડોક્ટરો હાજર રહ્યાં હતા. રાજ્ય સરકારે ડોક્ટરોની હડતાલની નોંધ પણ લીધી ન હતી.  સમય પહેલાં હડતાલ સમેટાયી હતી. સાંજના 6 વાગ્યા સુધી હડતાલ પાડ઼વામાં આવવાની હતી, પણ બપોરે ત્રણ કલાકે હડતાલ સમેટી લેવાયી હતી. દર્દીઓને બાનમાં લેવાના પ્રયાસ પ્રજામાં ટીકાપાત્ર બન્યો હતો. માનવતાભર્યા, સંવેદનશીલ ડોક્ટરના વ્યવસાય સાથે સંકળાયેલા લોકોના વ્યવહારથી પ્રજામાં ખોટો સંદેશ ગયો હોવાનું ઘણા ડોક્ટરો પણ માને છે.