EC Bans Yogi And Mayawati From Campaigning For 72 Hours & 48 Hours
  • Home
  • Election 2019
  • યોગી અને માયાવતી વિરૂદ્ધ ચૂંટણી પંચની આકરી કાર્યવાહી, પ્રચાર કરવા પર લાદ્યો પ્રતિબંધ

યોગી અને માયાવતી વિરૂદ્ધ ચૂંટણી પંચની આકરી કાર્યવાહી, પ્રચાર કરવા પર લાદ્યો પ્રતિબંધ

 | 3:31 pm IST

આચાર સંહિતાના ઉલ્લંઘન બદલ ચૂંટણી પંચે આકરૂ પગલું ભર્યું છે. ચૂંટણી પંચે ઉત્તર પ્રદેશના મુખ્યમંત્રી યોગી આદિત્યનાથ અને બહુજન સમાજ પાર્ટીના અધ્યક્ષા માયાવતીના પ્રચાર કરવા પર જ પ્રતિબંધ લગાવી દીધો છે. ચૂંટણી પંચે આ પ્રતિબંધ 16 એપ્રિલથી લાગુ થશે. ચૂંટણી પંચના નિર્ણય પ્રમાણે યોગી આદિત્યનાથ 72 કલાક અને માયાવતી માટે 48 કલાક સુધી ચૂંટણી પ્રચાર નહીં કરી શકે.

યોગી આદિત્યનાથ અને માયાવતીએ ના તો કોઈ રેલી સંબોધિત કરી શકશે, કે ના તો સોશિયલ મીડિયાનો ઉપયોગ કરી શકશે કે ના તો કોઈ પણ પ્રકારનો ઈન્ટરવ્યું આપી શકશે. ચૂંટની પંચનું આ પગલું 16મી એપ્રિલથી 6 વાગ્યે લાગુ થશે.

ચૂંટણી પંચના નિર્ણય બાદ યોગીએ આદિત્યનાથ 16, 17 અને 18 અપ્રિલના રોજ કોઈ પણ પ્રકારનો ચૂંટણી પ્રચાર કરી શકશે નહીં. તો બસપા અધ્યક્ષ માયાવતીએ પણ 16 અને 17 એપ્રિલે પણ કોઈ પ્રકારનો ચૂંટણી પ્રચારથી દૂર રહેવું પડશે.

આયોગે આ આદેશ સીએમ યોગી આદિત્યનાથ અને માયાવતીના ચૂંટણી પ્રચાર દરમ્યાન વિવાદીત નિવેદનોને લઈ આપ્યો છે. આ મામલા પર આજે જ સુપ્રીમ કોર્ટે ચૂંટણી આયોગનો ઉધડો લીધો હતો.

માયાવતીએ ઉત્તર પ્રદેશના દેવબંદમાં ચૂંટણી સભા દરમિયાન મુસ્લિમ સમુદાયના લોકોને મતદાન કરવાની અપીલ કરી હતી. માયાવતીએ પોતાના સંબોધનમાં કહ્યું હતું કે, મુસ્લિમ સમુદાયના લોકો પોતાનો મત વહેંચાવવા ના દે અને માત્ર મહાગઠબંધનને મત આપે. માયાવતીનું આ નિવેદન ધર્મના નામે વોટ માંગવાના નિયમનું ઉલ્લંઘન છે.

તો ઉત્તર પ્રદેશના મુખ્યમંત્રી યોગી આદિત્યનાથે પોતાના સંબોધનમાં માયાવતી પર પ્રહાર કરતા કહ્યું હતું કે, જો વિરોધ પક્ષને અલી પસંદ છે, તો અમને બજરંગ બલી પસંદ છે. બંને નેતાઓના આ નિવેદન પર ચૂંટણી પ્રચારે સંજ્ઞાનમાં લીધું હતું અને બંને નેતાને ચેતવ્યા હતાં.

સુપ્રીમ કોર્ટે ચૂંટણી પ્રચાર દરમ્યાન નફરત ફેલાવતા ભાષણ આપવા અને ધાર્મિક આદાર પર વોટ માંગનારા નેતાઓ પર કાર્યવાહી ન કરવાને લઈ ચૂંટણી પંચની સમિતી શક્તિઓને લઈ નારાજગી દર્શાવી હતી. કોર્ટે આયોગ પાસે સવારે 10.30 કલાક સુધીમાં જવાબ આપવા કહ્યું છે.

જુઓ આ વીડિયો પણ

કચ્છના દરિયા કિનારેથી ફરી વખત ડ્રગ્સ પકડાયું

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન