Farooq Abdullah may respond if govt reaches out: Ex-RAW chief AS Dulat
  • Home
  • Featured
  • કોના કહેવા પર ફારૂક અબ્દુલ્લાને મોદી સરકારે છોડ્યા? પૂર્વ રૉ ચીફે કર્યો મોટો ધડાકો

કોના કહેવા પર ફારૂક અબ્દુલ્લાને મોદી સરકારે છોડ્યા? પૂર્વ રૉ ચીફે કર્યો મોટો ધડાકો

 | 9:57 am IST

લગભગ 7 મહિના નજરકેદ રાખ્યા બાદ નેશનલ કોન્ફરન્સ નેતા ફારૂક અબ્દુલ્લાને હવે છોડી ચૂકયા છે. અચાનક છોડવાનો આ ઓર્ડર મોદી સરકારે કેમ આપી દીધો તેને લઇ આઇબીના સ્પેશ્યલ ડાયરેકટર અને રૉના પ્રમુખ રહી ચૂકેલા એ.એસ.દુલતે મોટો દાવો કર્યો છે. દુલતના મતે આ નિર્ણય ફારૂક સાથેની તેમની મુલાકાત બાદ લેવાયો છે. દુલતનું માનીએ તો ફારૂકે મુલાકાતમાં સ્પષ્ટ કહ્યું હતું કે તેઓ અને તેમનો દીકરો (ઉમર) દેશના વિરૂદ્ધ બિલકુલ નથી.

પૂર્વ રૉ ચીફ દુલત

‘મિશન ફારૂક’ પર ગયા હતા પૂર્વ રૉ ચીફ?

એ.એસ.દુલતને કાશ્મીરના જૂના એક્સપર્ટ કહેવાય છે. રૂબિયા અપહરણ અને કંધાર પ્રકરણમાં પણ દુલત જ મધ્યસ્થતા કરી ચૂકયા છે. તેમનું માનીએ તો તાજેતરમાં જ કાશ્મીર પ્રવાસ સામાન્ય નહોતો પરંતુ મિશન ફારૂક હતું. તેમાં તેઓ ફારૂક અબ્દુલ્લાને મળ્યા તેની માહિતી એનએસએ અજીત ડોભાલ અને પ્રધાનમંત્રી કાર્યાલયને આપી હતી.

ફારૂકે કહ્યું કે અમે ભારત માટે પ્રતિબદ્ધ: દુલત

દુલતે આ વાત એક મોટા ટીવી પત્રકારને આપેલા ઇન્ટરવ્યુમાં કહી છે.દુલતે કહ્યું કે તેઓ શ્રીનગરમાં ફારૂકને મળ્યા હતા. તેમણે જોયું કે પૂર્વ સીએમ ખૂબ થાકેલા હતા અને તેમની તબિયત સારી નહોતી. ફારૂકે જોર આપીને દુલતને કહ્યું કે તેઓ ભારત માટે સંપૂર્ણપણે પ્રતિબદ્ધ છે અને તેમણે પોતાના બાળકોનું પણ એ રીતે લાલનપાલન કર્યું છે.

પરત આવ્યાના એક મહિના બાદ ફારૂક અબ્દુલ્લાને છોડાયા

દુલત કહે છે કે સિક્રેટ મિશન પરથી પરત આવ્યાના અંદાજે એક મહિના બાદ જ ફારૂકને નજરકેદમાંથી છોડી દેવાયા. દુલતે કહ્યું કે તેમણે ગયા વર્ષે નવેમ્બરમાં ફારૂકને મળવાની ઇચ્છા વ્યકત કરી હતી, પરંતુ ત્યારે ગૃહ મંત્રાલયે કોઇ જવાબ આપ્યો નહોતો. પછી 9 ફેબ્રુઆરીના રોજ ગૃહ મંત્રાલયમાંથી ફોન આવ્યો કે જો હું કાશ્મીર જવા માંગું છું તો જઇ શકું છું.

દુલતના મતે તેમની કાશ્મીર યાત્રા આમ તો ખાનગી હતી પરંતુ આઇબીએ જ તેમને એરપોર્ટથી લીધા અને ફારૂકના ઘરે છોડ્યા. પછી કાશ્મીરથી પાછા આવ્યા બાદ તરત જ તેમના પર મંત્રાલયથી ફોન આવ્યો હતો, પૂછયું હતું કે યાત્રા કેવી હતી.

આ વીડિયો પણ જુઓ : અમરેલીના ખાંભામાં રહેણાંક મકાનમાં ધુસ્યો દીપડો

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન