Female Files Sexual Harassment Complain againt T Series Ower Bhushan Kumar
  • Home
  • Entertainment
  • ટી-સીરીઝના માલિક ભૂષણ કુમાર પર લાગ્યા ગંભીર આરોપ,મહિલાએ કરી ફરિયાદ

ટી-સીરીઝના માલિક ભૂષણ કુમાર પર લાગ્યા ગંભીર આરોપ,મહિલાએ કરી ફરિયાદ

 | 1:53 pm IST

ટી-સીરીઝના માલિક ભૂષણ કુમાર પર યૌન શોષણ મામલે એક લેખિત ફરિયાદ નોંધાઇ હોવાનો મામલો સામે આવ્યો છે. સૂત્રો મુજબ એક મહિલાએ મુંબઈ ખાતે ઓશિવારા પોલીસ સ્ટેશનમાં ભૂષણ કુમાર સામે જાતીય સતામણીની લેખિત ફરિયાદ કરી છે.

નોંધનીય છે કે આ પહેલા ભૂષણ કુમારે પણ તેમના પર લગાવવામાં આવેલ જાતીય સતામણીના આરોપો સામે એક અજાણી મહિલા સામે મુંબઇના અંબોલી પોલીસ સ્ટેશનમાં FIR નોંધાવી હતી. ઉપરાંત ભૂષણ કુમાર પર લગાવવામાં આવેલ આરોપ સામે ભૂષણની પત્ની અને ડાયરેક્ટર દિવ્યા ખોસલાએ પણ ટ્વિટ કર્યું હતું અને તેમના પતિને નિર્દોષ બતાવ્યા હતા.

તેમને લખ્યુ હતું કે,’મારા પતિ ટી-સીરીઝ કંપનીના માલિક છે જેને સંપૂર્ણ મહેનત અને લગન સાથે આજે આ મુકામ પર લાવવામાં આવી છે, જ્યારે લોકો ભગવાન કૃષ્ણ સામે પણ ઉભા થયા હતા. જોકે #MeToo કેમ્પેન સમાજમાંથી અયોગ્ય વ્યક્તિઓનો સફાયો કરી રહ્યો છે પરંતુ કેટલાક લોકો તેનો ખોટો ફાયદો ઉઠાવી રહ્યાં છે, પરંતુ તેમ છતાં હું મારા પતિના સાથે છું જે તેમના પિતાનું સપનું સાકાર કરી રહ્યાં છે, પરંતુ મને અફસોસ છે કે અમુક લોકો કોઇ પણ આધાર અને પુરાવા વગર તેમના પર આરોપ લગાવી રહ્યાં છે.’

તેમને જણાવી દઈએ કે આ પહેલા ટ્વિટર પર એક અજાણી મહિલાએ #MeToo અભિયાન હેઠળ ભૂષણ કુમાર પર ગંભીર આરોપ લગાવ્યા હતા અને કહ્યું હતું કે તેમના પ્રોડક્શન હાઉસની ત્રણ ફિલ્મોના ગીત ગાવા બદલ કુમારે તેમની સાથે યૌન સંબંધ બનાવવા ક્હ્યું હતું. મહિલાએ આગળ કહ્યું હતું કે જ્યારે મે, કુમારના પ્રસ્તાવને અસ્વિકાર કર્યો તો મને ભૂષણ તરફથી કેરીયર બરબાદ કરવાની ધમકીઓ મળી હતી.