સુરતમાં લગ્ન પ્રસંગે વરરાજાએ હવામાં ફાયરિંગ કર્યુ, વીડિયો વાયરલ

હાલ લગ્નની સિઝન પુરબહારમાં ચાલી રહી છે ત્યારે એવા એવા કેટલાક કિસ્સાઓ સામે આવે છે જે આપણા સૌનું ધ્યાન ખેચે છે. લગ્ન પ્રસંગ હોય એટલે સ્વાભાવિક છે કે ઉત્સાહ અને આનંદ હોય પણ આ ઉત્સાહના અતિરેકમાં આપણે ક્યારેક એવી ગંભીર ભૂલો કરી બેસીએ છીએ કે જેનાથી આખી જિંદગી માત્ર પસ્તાવો રહે છે.

વાત જાણે એમ છે કે દ્વારકા અને સુરતમાં લગ્ન પ્રસંગે હવામાં ફાયરિંગની ઘટનાઓ બની હતી. ક્યારેક જોશ કે અતિઉત્સાહમાં આવીને કરવામાં આવતા કામોને કારણે ખુશીનો પ્રસંગને દુઃખ બદલાઈ જતો હોય છે. દ્વારકાના કલ્યાણપુર ગામ ખાતે એક લગ્ન પ્રસંગે ઉંમગમાં આવીને કરવામાં આવેલા ફાયરિંગમાં એક મહિલાનું મોત થયું હતુ.

તો સુરત શહેરમાં પણ લગ્નનાં ત્રણ રાઉન્ડ ફાયરિંગ કરવામાં આવ્યું હોવાની માહિતી મળી છે. કલ્યાણપુર ખાતે જાનના આગમન વખતે એક વ્યક્તિએ ફાયરિંગ કર્યું હતું. આ સમયે જાનમાં હાજર એક મહિલાને છરા વાગી જતાં તેનું મોત થયું હતું. આ બનાવ ગત રવિવારે બન્યો હતો. આ મામલે પોલીસે ગુનો નોંધીને તપાસ હાથ ધરી છે.

સુરતમાં એક લગ્ન પ્રસંગે હવામાં ત્રણ રાઉન્ડ ફાયરિંગ થયું હોવાનું સામે આવ્યું છે. આ અંગેનો વીડિયો વાયરલ થયો છે. વાયરલ થયેલા વીડિયોમાં વરરાજાના પિતા તેમજ વરરાજા પોતે પણ હવામાં રિવોલ્વરથી ફાયરિંગ કરતા નજરે પડી રહ્યા છે. લગ્નમાં હાજર એક મહિલાએ પણ પોતાના હાથમાં રિવોલ્વર પકડી રાખી હોવાનું માલુમ પડી રહ્યું છે.

લગ્નમાં ફાયરિંગ સુરતનો આ વીડિયો જિલ્લાના પાલી ગામનો હોવાનું કહેવામાં આવી રહ્યું છે. હવામાં ફાયરિંગ કરનાર વ્યક્તિ હિતેન્દ્ર વાસીયા હોવાનું માલુમ પડ્યું છે. તેઓ જિલ્લા કારોબારીના પૂર્વ સભ્ય હોવાની માહિતી મળી છે.
આમ આવી ઘટનાઓ બનતા ક્યારેક દુર્ઘટનાનું સ્વરૂપ ધારણ કરી લેતી હોય છે. પોતાના જ લગ્નમાં હવામાં ફાયરિંગ કરવું કેટલી હદે યોગ્ય કહેવાય તે એક વખત તો આપણને વિચારતા કરી દે તેવો કિસ્સો છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન