ATMમાંથી અચાનક કયાં જતી રહી બધી રોકડ, જેટલીએ ટ્વિટ કરીને જણાવ્યું કે... - Sandesh
  • Home
  • Business
  • ATMમાંથી અચાનક કયાં જતી રહી બધી રોકડ, જેટલીએ ટ્વિટ કરીને જણાવ્યું કે…

ATMમાંથી અચાનક કયાં જતી રહી બધી રોકડ, જેટલીએ ટ્વિટ કરીને જણાવ્યું કે…

 | 12:35 pm IST

કેન્દ્રીય નાણાંમંત્રી અરૂણ જેટલીએ કેટલાંક રાજ્યોમાં ઉભી થયેલ રોકડની અછત અંગેનું કારણ જણાવ્યું કે ‘અચાનક કેશની માંગ વધતા’ થયું છે. તેમણે કહ્યું કે દેશમાં જરૂરિયાત કરતાં વધુ નોટ સર્કુલેશનમાં છે અને બેન્કોમાં પણ પૂરતી નોટ ઉપલબ્ધ છે. નાણાં મંત્રીએ ટ્વીટ કરીને કહ્યું કે સરકારે દેશમાં કરન્સીની સ્થિતિ અંગે સમીક્ષા કરી છે.

બીજીબાજુ કેન્દ્રીય નાણાં રાજ્યમંત્રી શિવ પ્રસાદ શુક્લે કહ્યું કે જે રાજ્યોમાં રોકડની અછત છે ત્યાં બીજા રાજ્યોની મુકાબલે ઓછી નોટ પહોંચી છે. તેમણે કહ્યું કે સરકાર જરૂરિયાત પ્રમાણે રાજ્યોની વચ્ચે નોટોનું યોગ્ય વિતરણ કરવાની દિશામાં પગલાં ઉઠાવી રહી છે.

“એક સમસ્યા છે કે કેટલાંક રાજ્યોની પાસે ઓછી કરન્સી છે જ્યારે બીજા રાજ્યોની પાસે વધુ. અમે ત્રણ દવિસમાં એ રાજ્યોમાં નોટ ટ્રાન્સફર કરી દઇશું જ્યાં હજુ મુશ્કેલી છે.” – શિવ પ્રસાદ શુકલ, કેન્દ્રીય નાણાં રાજ્યમંત્રી

શુકલએ કહ્યું કે અત્યારે અમારી પાસે 1 લાખ 25 હજાર કરોડની રોકડ કરન્સી છે. એક સમસ્યા છે કે કેટલાંક રાજ્યોની પાસે ઓછી કરન્સી છે જ્યારે બીજા રાજ્યોની પાસે વધુ છે. સરકારે રાજ્ય સ્તર પર સમિતિની રચના કરી છે. ત્યાં આરબીઆઈએ પણ નોટોને એક રાજ્યમાંથી બીજા રાજ્યમાં મોકલવા માટે કમિટીની રચના કરી છે. નાણાં રાજ્યમંત્રીએ વિશ્વાસ વ્યક્ત કરાવ્યો છે જે રાજ્યોમાં નોટોની તંગી છે ત્યાં ત્રણ દિવસમાં જ નવો જથ્થો પહોંચી જશે.

વાત એમ છેકે આંધ્રપ્રદેશ, તેલંગાણા અને મધ્યપ્રદેશમાં ગયા સપ્તાહે કેટલીય જગ્યાએ રોકડની અછત સર્જાતા ઉહાપોહની સ્થિતિ પેદા થઇ હતી. ગુજરાતમાં પણ છેલ્લાં બે દિવસથી રોકડની અછત સર્જાઇ છે. લોકો સમજી રહ્યા છે કે આખરે નવી નોટ ગઇ તો કયા ગઇ? પ્રશ્નો થઇ રહ્યા છે કે શું હજુ પણ કાળાનાણાંનો વેપાર ચાલી રહ્યો છે કે રિઝર્વ બેન્કે જ નોટોની સપ્લાય ઘટાડી દીધી છે.

રોકડની અછતના લીધે લોકોના અગત્યના કામ રોકાઇ ગયા છે. ઉત્તરપ્રદેશના વારાણસીમાં એક વ્યક્તિએ મંગળવારે સવારે 5-6 એટીએમના ચક્કર લગાવ્યા બાદ કહ્યું કે તેમના બાળકોને એડમિશન કરાવા માટે પૈસા મળી રહ્યા નથી. સાથો સાથ રોજીદીં વસ્તુઓ અને શાકભાજી ખરીદવાના પણ પૈસા નથી.

ઉલ્લેખનીય છે કે થોડાંક દિવસ પહેલાં જ કેટલાંક રાજ્યોમાં શરૂ થયેલ નોટોની અછતની સમસ્યા પૂર્વ મહારાષ્ટ્ર, બિહાર, અને ગુજરાતમાં પણ ફેલાય ગઇ. મધ્યપ્રદેશના મુખ્યમંત્રી શિવરાજ સિંહ ચૌહાણે તો તેની પાછળ ષડયંત્રની આશંકા સુદ્ધાં વ્યક્ત કરી દીધી છે. જો કે કેન્દ્ર સરકારના સ્પષ્ટીકરણથી કેશ ક્રન્ચનું અસલી કારણ ખબર પડી ચૂકી છે.