ચટાકેદાર સેવ ઉસળ આ રીતે ઝટપટ ઘરે જ બનાવો - Sandesh
  • Home
  • Featured
  • ચટાકેદાર સેવ ઉસળ આ રીતે ઝટપટ ઘરે જ બનાવો

ચટાકેદાર સેવ ઉસળ આ રીતે ઝટપટ ઘરે જ બનાવો

 | 10:30 am IST

સેવ ઉસળ નાસ્તા તરીકે ખાવામાં આવતી એક વાનગી છે. સેવ ઉસળ ખાસ કરીને ગુજરાતમાં અને મુંબઇમાં મળે છે તથા ગુજરાતી લોકોની ફેવરિટ વાનગી  છે. ગુજરાતના બરોડામાં આ વાનગી ખૂબ જ પ્રખ્યાત છે. જે ખાવામાં સ્વાદિષ્ટ અને બનાવવામાં સહેલું હોય છે. તો આવો જોઇએ કેવી રીતે બનાવાય સેવ ઉસળ.

સામગ્રી
1/25 કપ – વટાણા (સૂકા)
3 મોટી ચમચી – તેલ
1 ચમચી – જીરૂ
1/2 ચમચી – રાઇ
1/2 ચમચી – હીંગ
1 નંગ – ડુંગળી (સમારેલા)
1 નંગ – ટામેટા (સમારેલા)
1/2 ચમચી – હળદર
1/2 ચમચી – ધાણા જીરૂ
1/4 ચમચી – જીરૂ પાઉડર
1 ચમચી – લાલ મરચું
1 ચમચી – ગોળ
4 મોટી ચમચી – આંબલીની ચટણી
સ્વાદાનુસાર – મીઠું

સજાવટ માટે
1 કપ – સેવ
1 નંગ – ટામેટું
1 નંગ – ડુંગળી
2 ચમચી – કોથમીર

બનાવવાની રીત
સૌ પ્રથમ સેવ ઉસળ બનાવવા માટે લીલા વટાણાને આખી રાત પલાળી રાખો. હવે એક કૂકરમાં તેને 2-3 સીટી વગાડીને બાફી લો. હવે એક કઢાઇ લો તેમા તેલ ગરમ કરો. ત્યાર પછી તેમા રાઇ, જીરૂ, હીંગ ઉમેરી લો. તેને સાંતળી લો. હવે તેમા ડુંગળી, ટામેટા ઉમેરો તે નરમ થાય ત્યા સુધી સાંતળી લો. હવે તેમા મીઠું, લાલ મરચું, હળદર અને ગરમ મસાલો ઉમેરી બરાબર હલાવી લો. હવે તેમા આંબલીની ચટણી અને ગોળ ઉમેરી ચઢવા દો. હવે તેમા વટાણા અને બાફેલા બટેટા મેશ કરીને ઉમેરો. તેમા થોડૂક પાણી ઉમેરો. હવે આ મિશ્રણ ઘટ્ટ થાય ત્યાં સુધી ચઢવા દો. તૈયાર છે રગડો.. હવે આ રગડાને એક બાઉલમાં નીકાળી લો અને ઉપરથી સેવ, સમારેલી ડુંગળી, ટામેટા, કોથમીર ઉમેરીને ગાર્નિશ કરો. તે સિવાય તમે ઉપરથી લસણની ચટણી, લીલી ચટણી પણ ઉમેરી શકો છો તૈયાર છે ચટાકેદાર સેવ ઉસળ..