Food How To Make Chana palak Dal At Home Recipe
  • Home
  • Featured
  • આંગળીઓ ચાટવા મજબૂર કરી દેશે, ચણા-પાલક દાળ બનાવો ફટાફટ

આંગળીઓ ચાટવા મજબૂર કરી દેશે, ચણા-પાલક દાળ બનાવો ફટાફટ

 | 10:54 am IST

પાલકથી અવનવી વાનગીઓ બનાવી શકાય છે. ખાસ કરીને તમે અત્યાર સુધી, પાલક પનીર, આલૂ પાલક સહિતની વાનગીઓ ટ્રાય કરી હશે. પરંતુ શુ તમે ક્યારેય દાળ પાલક ટ્રાય કરી છે ના તો આજે અમે તમારા માટે ચણા દાળ અને પાલકની રેસીપી લઇને આવ્યા છીએ જે ખાવાની મજા પડી જશે, તો આવો જોઇએ કેવી રીતે બનાવાય ચણા દાળ પાલક..

સામગ્રી

1 બાઉલ – ચણાની દાળ
700 ગ્રામ – પાલક
2 નંગ – સમારેલી ડુંગળી
10-12 કળી – લસણ
1 ટૂકડો – આદુ
1 ચમચી – જીરૂ
3 નંગ – લીલા મરચા (સમારેલા)
1 ચમચી – લાલ મરચું
1/2 ચમચી – હળદર
2 ચમચી – ધાણા પાવડર
2 ચમચી – ટામેટાની પ્યુરી
3 ચમચી – તેલ
સ્વાદાનુસાર – મીઠું

બનાવવાની રીત

સૌ પ્રથમ ચણાની દાળને પલાળી લો. હવે પાલકને એકદમ ઝીણી સમારીને ધોઇ લો. હવે પાલકની ભાજી અને ચણાની દાળને પ્રેશર કુકરમાં ઉમેરો તેમા બે કપ પાણી નાખીને બાફી લો. ઢાંકણ બંધ કરીને 10-15 મિનિટ રહેવા દો. હવે તેજ આંચ પર 2 સીટી વાગવા દો. ત્યાર બાદ ગેસ બંધ કરી લો અને પ્રેશર કુકરનું ઢાંકણ ખોલી લો. દાળ અને પાલક બરાબર ગળી ગયા હશે. હવે એક કઢાઇમાં તેલ ગરમ કરવા રાખો. તેમા આદુ અને લસણ ઉમેરી. તે બાદ ડુંગળી, જીરૂ અને લીલા મરચા ઉમેરીને બરાબર સાંતળી લો. ડુંગળી આછા બ્રાઉન રંગની થાય એટલે તેમા લીલા મરચા ઉમેરી લો. હવે તચેમા મીઠું, લાલ મરચુ, હળદર અને ધાણા પાવડર ઉમેરીને સાંતળી લો. મસાલો બરાબર સાંતળી લો એટલે તેમાં ટામેટાની પ્યોરી ઉમેરી લો. હવે ઉપરથી દાળ પાલક ઉમેરી લો. તેને બરાબર મિક્સ કરી લો. તેમા જરૂરિયાત મુજબ પાણી ઉમેરો. તે બાદ 5 મિનિટ તેને ઉકળવા દો. હવે ગેસની આંચ બંધ કરીને એક બાઉલમાં નીકાળી લો. તૈયાર છે મસાલેદાર દાળ પાલક.. જેને તમે રોટલી, ભાત, તંદુંરી રોટલી કે રૂમાલી રોટલી સાથે સર્વ કરી શકો છો.