food how To make tasty diwali special ghughra Recipe
  • Home
  • DIWALI
  • મીઠા ઘૂઘરા બનાવવાની રીત છે એકદમ સહેલી, આ રીતે બનાવો

મીઠા ઘૂઘરા બનાવવાની રીત છે એકદમ સહેલી, આ રીતે બનાવો

 | 9:47 am IST

દિવાળીને આડે ગણતરીના દિવસો બાકી રહ્યા છે. ત્યારે અમે તમારા માટે દિવાળીની અવનવી વાનગીઓ લઇને આવ્યા છીએ. ઘૂઘરા એ એવી વાનગી છે જે દરેક લોકોને ભાવે છે. ખાસ કરીને ઘૂઘરા દિવાળીમાં બનાવવામાં આવતી વાનગી છે. તો ચાલો જોઇએ કેવી રીતે બનાવાય સ્વાદિષ્ટ ઘૂઘરાની વાનગી.

સામગ્રી

250 ગ્રામ – ઝીણો રવો
250 ગ્રામ – ઘી
200 ગ્રામ – ખાંડ
100 ગ્રામ – માવો
100 ગ્રામ – કાજૂના ટૂકડા
100 ગ્રામ – બદામના ટૂકડા
100 ગ્રામ – કિસમિસ
10 ગ્રામ – કોપરાનું છીણ
1/2 ચમચી – ઇલાયચી
350 ગ્રામ – મેંદો
સ્વાદાનુસાર – મીઠું
તળવા માટે – તેલ

બનાવવાની રીત

સૌપ્રથમ એક કડાઈમાં રવો અને ઘી મિક્સ કરીને શેકો. હવે રવાને સતત હલાવતા રહીને આછું ગુલાબી થાય ત્યાં સુધી શેકો. બરાબર શેકાઈ જાય એટલે તેને ગેસ પરથી નીચે ઉતારીને એક બાજુ ઠડું કરવા મૂકી દો. હવે તેમાં ઉમેરવા માટે કાજુ, બદામ, કિસમિસ, કોપરાનું છીણ બધાને ભેળવીને રાખી લો. જો ઘૂઘરામાં માવો નાખવા માગતા હોવ તો માવાને પણ એકદમ ગુલાબી થઈને તેમાંથી ઘી છૂટું પડે ત્યાં સુધી શેકી લો. આ બધું શેકેલો રવો સાવ ઠંડો થાય પછી તેમાં ઉમેરીને બરાબર રીતે હલાવી લો. સૌથી છેલ્લે તેમાં ઇલાયચી પાવડર મિક્સ લો. હવે મેંદામાં સહેજ મીઠું, તેલ અને પાણી નાખીને લોટ બાંધી લો. અને તેના નાના લુઆ કરીને સહેજ જાડી પુરી વણીને તેમાં વચ્ચે રવાનું પૂરણ ભરીને વાળી લો . તેની કિનારીને યોગ્ય રીતે ચોંટાડીને તેને ઘુઘરાના આકારામાં બંધ કરી લો. આ રીતે બધા જ ઘૂઘરા બનાવીને તેને તેલમાં આછા ગુલાબી થાય ત્યાં સુધી ધીમી આંચે તળી લો.

આ પણ જુઓ : રાજકોટમાં મહિલા કોંગ્રેસનું વિરોધ પ્રદર્શન

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન