Ganesh Festival 2021 Special Recipe Paan Modak Recipe
1.6M
1M
1.7M
APPS
  • Home
  • Featured
  • ગણેશ ઉત્સવ સ્પેશિયલ રેસિપી: બનાવો પાનના સ્વાદિષ્ટ મોદક, જાણો રેસિપી

ગણેશ ઉત્સવ સ્પેશિયલ રેસિપી: બનાવો પાનના સ્વાદિષ્ટ મોદક, જાણો રેસિપી

 | 6:50 pm IST
  • Share

ગણેશ ઉત્સવ ચાલી રહ્યો છે, હજુ અનંત ચૌદશને આડે ગણતરીના દિવસો બાકી છે. પણ જયારે ગણેશ ઉત્સવની વાત કરીએ ત્યારે મોદકનું નામ લેવામાં આવે છે. આ ભગવાનની પ્રિય વાનગી છે. ત્યારે આ વખતે ભગવાન ગણેશને પ્રસન્ન કરવા માટે પરંપરાગત રીતે મોદક બનાવવાને બદલે પાન મોદક તૈયાર કરો. આ એક ખૂબ જ સરળ રેસીપી છે, જે સોપારી, સૂકું નાળિયેર, કન્ડેન્સ્ડ મિલ્ક, ગુલકંદ, સૂકા ગુલાબની પાંખડીઓ જેવી સામગ્રીથી તૈયાર કરી શકાય છે. જો તમે આ વખતે ગણેશ ચતુર્થી પર અલગ રીતે ભોગ તૈયાર કરવા માંગતા હો, તો આ રીતે પાન મોદક બનાવી શકાય છે.

સામગ્રી –

  • 6 નાગરવેલનાં પાન
  • 1 મોટી ચમચી ઘી
  • 1 મોટી ચમચી દળેલી ખાંડ
  • 1 મોચી ચમચી ગુલકંદ
  • 1 મોટી ચમચી સૂકા ગુલાબની પાંખડીઓ
  • 1/4 કપ કન્ડેન્સ્ડ મિલ્ક
  • દોઢ કપ સૂકું નાળિયેર
  • 2 ટીપાં ફૂડ કલર
  • 2 મોટી ચમચી ટુટ્ટી-ફ્રુટી

રીત –

સૌથી પહેલા નાગરવેલના પાન લો અને તેના નાના ટુકડા કરી લો. હવે એક બાઉલમાં કન્ડેન્સ્ડ મિલ્ક સાથે પાનના ટુકડા નાખો અને તેને સારી રીતે બ્લેન્ડ કરો. આ પછી, એક પેનમાં ઘી ગરમ કરો. હવે 1 અને 1/4 કપ સૂકું નાળિયેર ઉમેરો અને થોડી મિનિટો માટે શેકો. નાળિયેર શેક્યા બાદ તેમાં ખાંડ અને પાનની પ્યુરી નાખીને સારી રીતે મિક્સ કરો. હવે તેને એક-બે મિનિટ માટે શેકી લો. છેલ્લે સૂકા ગુલાબની પાંદડીઓ અને લીલો ફૂડ કલર ઉમેરો, સારી રીતે મિક્સ કરો અને વધુ બે મિનિટ માટે શેકો કરો. હવે ગેસ બંધ કરીને આ મિશ્રણને પ્લેટમાં કાઢીને થોડું ઠંડુ થવા દો.

હવે મોદક ભરવા માટેના સ્ટફિંગ બનાવવા માટે એક વાટકીમાં 1/4 કપ સૂકું નાળિયેર નાખો. તેમાં ગુલકંદ, ટુટ્ટી-ફ્રુટી અને 1 ચમચી કન્ડેન્સ્ડ મિલ્ક ઉમેરીને બરાબર મિક્સ કરો. હવે પહેલા તૈયાર કરેલું થોડું મિશ્રણ લો અને તેને હાથથી સપાટ કરો. તેમાં થોડું સ્ટફિંગ નાખો અને તેને મોદકનો આકાર આપો. જો તમે ઇચ્છો તો, તમે નાના કદના મોદક સરળતાથી બનાવવા માટે મોદક મોલ્ડનો પણ ઉપયોગ કરી શકો છો. બધા જ મોદક તૈયાર થઈ જાય, એટલે 15-20 મિનિટ માટે ફ્રિજમાં રાખો. તમારા પાન મોદક તૈયાર છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન