Delhi: Gautam Gambhir Gave Solid Reply To Trollers
  • Home
  • Featured
  • વિરોધીઓને ગૌતમ ગંભીરે આપ્યો જીભ સિવાઈ જાય તેવો જવાબ, કેજરીવાલને પણ ના બક્ષ્યા

વિરોધીઓને ગૌતમ ગંભીરે આપ્યો જીભ સિવાઈ જાય તેવો જવાબ, કેજરીવાલને પણ ના બક્ષ્યા

 | 6:46 pm IST

દિલ્લી-એનસીઆરમાં પ્રદૂષણની સ્થિતિને લઇને બોલાવવામાં આવેલી બેઠકમાં સામેલ ના થવાને લઇને પૂર્વ દિલ્લીથી બીજેપી સાંસદ ગૌતમ ગંભીર નિશાના પર છે. જો કે હવે ગંભીરે પોતાની તરફથી સ્પષ્ટતા આપી છે. ગંભીરે તેને ટ્રોલ કરનારાઓ પર નિશાન સાધતા કહ્યું કે, જો મને ગાળ બોલવાથી દિલ્લીનું પોલ્યૂશન ઓછું થતું હોય તો તમે ગાળો બોલો. ગૌતમ ગંભીરે પોતાના સત્તાવાર ટ્વિટર એકાઉન્ટ પર લખ્યું છે કે, ‘મારા મતવિસ્તાર અને મારા શહેરથી જોડાયેલું મારું કમિટમેન્ટ, જે કાર્ય અહીં થયા છે તેના આધારે મને જજ કરવો જોઇએ.’

લોકોની સમસ્યાઓ સાંભળ્યા બાદ જ ઑફિસ છોડું છું

ગંભીરે લખ્યું કે, ‘મને જે લોકોએ વોટ આપ્યા છે તેમને વધારે સારું મળે તે માટે મે છેલ્લા 6 મહિનામાં કોઈ કસર છોડી નથી. પછી ભલે ગાઝીપુરથી કચરો હટાવવાનો હોય, ઈડીએમસી સ્કૂલમાં ડિઝિટલ ક્લાસ અને ઇન્સ્ફ્રાસ્ટ્રક્ચર ઉપલબ્ધ કરાવવાનું હોય અથવા મહિલાઓ માટે સેનિટરી પેડ વેંડિંગ મશીન લગાવવાનું હોય અથવા ભલે ગરીબોને મફતમાં ભોજન આપવાનું હોય.’ ગંભીરે આગળ લખ્યું કે, ‘પૂર્વ દિલ્લીની પોતાની ઑફિસમાં હું સવારે 11 વાગ્યાથી બેસુ છું અને ત્યાંથી ત્યારે ઉભો થાઉં છું જ્યારે ત્યાં આવેલા લોકોની સમસ્યાઓ ઠીક રીતે સાંભળી ના લઉં.’

સાંસદ તરીકે મળતા ફંડની બહારનાં પણ કામ કરું છું

તેણે લખ્યું કે, ‘હું ઘણા એવા કામો પણ કરી રહ્યો છે જે સાંસદોને આપવામાં આવતા ફંડમાં નથી આવતા. મારા સંસદીય ક્ષેત્રમાં મોટા એર પ્યૂરિફાયર લગાવવાની પણ વાત ચાલી રહી છે જેનાથી નિશ્ચિત રીતે પ્રદૂષણ ઓછું થશે. હું રાજનીતિમાં એ માટે નથી આવ્યો જેથી કે હું પૈસા બનાવી શકું.’ ગંભીરે દિલ્લીનાં સીએમ અરવિંદ કેજરીવાલ પર નિશાન સાધતા કહ્યું કે, ‘દિલ્લીનાં ઈમાનદાર સીએમ મારી વિરુદ્ધ ખોટા પ્રોપગેંડા અને ખોટી ચીજો ફેલાવી રહ્યા છે, પરંતુ મને મારા મત વિસ્તારનાં લોકો પર સંપૂર્ણ ભરોસો છે કે તેઓ મારા કામનાં આધારે મારું મુલ્યાંકન કરશે.’

મનોજ તિવારીએ પણ કેજરીવાલે ઠપકાર્યા

ગંભીર ઉપરાંત દિલ્લીનાં બીજેપી અધ્યક્ષ મનોજ તિવારીએ પણ દિલ્લીનાં મુખ્યમંત્રીને ‘ટ્રોલ માસ્ટર’ કહીને તેમના પર કટાક્ષ કર્યો છે. તેમણે કહ્યું કે, “દર વર્ષે 70 હજાર કરોડનું બજેટ લીધા બાદ જો કેજરીવાલ પોતાની જવાબદારી સાંસદોનાં ઉપર નાંખી રહ્યા છે તો તેમણે ચંબૂમાં પાણી લઇને ડૂબી જવું જોઇએ.”

આ વિડીયો પણ જુઓ: સુરત શહેર પોલીસની દાદાગીરીનો વીડિયો વાયરલ

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન