Gujarat ATS team arrested 13 accused with 50 more illegal weapons
  • Home
  • Ahmedabad
  • ગુજરાત ATSને આજે વધુ એક મોટી સફળતા, 50 વિદેશી હથિયારો સાથે 13 આરોપીઓની ધરપકડ

ગુજરાત ATSને આજે વધુ એક મોટી સફળતા, 50 વિદેશી હથિયારો સાથે 13 આરોપીઓની ધરપકડ

 | 12:58 pm IST

ગુજરાત ATSને આજે વધુ એક મોટી સફળતા મળી છે. આજે ગુજરાત ATSએ વધુ 50 વિદેશી હથિયાર જપ્ત કર્યા છે. ગત અઠવાડિયે ગુજરાતના અલગ અલગ જિલ્લાઓમાં દરોડા પાડી 54 વધુ હથિયાર જપ્ત કરી 9 આરોપીની ધરપકડ કર્યા બાદ તાજેતરમાં વધુ 50 હથિયારો સાથે 13 આરોપીઓની ધરપકડ કરી છે. નેપાળથી આવેલા હથિયાર અંગે તપાસ ચાલુ છે. આ ઘટનામાં તરૂણ ગુપ્તા સિવાય હથિયાર કોણ એસેમ્બલ કરતુ હતુ તેની તપાસ હાથ ધરી છે.

ગુજરાત ATSએ આજે કચ્છ, સુરેન્દ્રનગર, મોરબી સહિતના શહેરોમાં દરોડા પાડી અને આ હથિયાર જપ્ત કર્યા છે. અમદાવાદમાં ગેરકાયદેસર ગનની ડિલ કરતા ગાન હાઉસના માલિક તરુણ ગુપ્તાની પણ ધરપકડ કરી તેમની પૂછપરછ શરૂ કરી હતી.

ગુજરાત એટીએસે અમદાવાદ સહિત રાજ્યના પાંચ જિલ્લામાં ગેરકાયદે હથિયાર રાખવાના નેટવર્કનો પર્દાફાશ કરી 50 ગેરકાયદે વિદેશી અને ભારતીય બનાવટનાં હથિયાર કારતૂસ સાથે 13 આરોપીની ધરપકડ કરી છે. છેલ્લા નવ દિવસથી ATSની ટીમો અમદાવાદ સહિત કચ્છ મોરબી ભાવનગર અને અમરેલીમાં વિવિધ સ્થળે દરોડા પાડી રહી હતી, જેમાં અત્યાર સુધીમાં કુલ 50 જેટલા ગેરકાયદે ભારતીય અને વિદેશી બનાવટનાં હથિયારો કબજે લેવામાં આવ્યાં છે.

ATSની ટીમે આ મામલે અમદાવાદના ઇસ્કોન ચાર રસ્તા પાસેથી મુસ્તાક ગુલ મોહમ્મદ બલોચ (ઉં. વ. 42, વાંકાનેર)ને લોડેડ રિવૉલ્વર તથા ચાર કારતૂસ સાથે તેમ જ વાહિદખાન અશરફખાન પઠાણ (ઉ.વ. 33, ગામ કોઠ ગાંગડ, બાવળા)ને એક પિસ્તોલ તથા ચાર જીવતા કારતૂસ સાથે પકડી પાડ્યો છે.

આ પણ જુઓ વીડિયો: અનલૉક-2 મુદ્દે CM રૂપાણીનો એક મોટો નિર્ણય

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન