hafeshwar mahadev temple sinked in narmada water
  • Home
  • Astrology
  • હાફેશ્વર મહાદેવ મંદિરે લીધી જળસમાધિ

હાફેશ્વર મહાદેવ મંદિરે લીધી જળસમાધિ

 | 8:13 pm IST

છોટા ઉદેપુર જીલ્લાના એક માત્ર તીર્થધામ હાફેશ્વર ખાતેના શિવ મંદીરે ગઇકાલે જળ સમાધી લઈ લીધી છે. નર્મદા નદીમાં જળસ્તરમાં વધારો થતાં 14 વર્ષ બાદ ખુલ્લા થયેલા શિવ મંદીરે ફરીથી જળ સમાધી લઈ લીધી હતી.

છોટા ઉદેપુર જીલ્લાના પૌરાણીક તીર્થધામ હાફેશ્વર ખાતે આવેલા શિવ મંદીરે ગઇકાલે જળ સમાધી લઈ લીધી છે. હાફેશ્વર ખાતેનું શિવ મંદીર સરદાર સરોવર ડેમની ઊંચાઈ વધારતા નર્મદા નદીના જળસ્તરમાં વધારો થયો હતો જેને લઈને વર્ષ 2004માં આખેઆખુ શિવ મંદીર નર્મદા નદીના પાણીમાં ગરકાવ થઈ ગયું હતું.

ચાલુ વર્ષે ગુજરાતમાં પાણીનું સંકટ ઘેરું બન્યું હતું, ઉપરાંત નર્મદા નદીનું પાણી સૌરાષ્ટ્ર કચ્છ સુધી પહોચાડાતા સરદાર સરોવર ડેમના સ્ત્રાવ વિસ્તારમાં પાણી ખૂબ જ ઘટી ગયું હતું. જેને લઈને 14 વર્ષ બાદ હાફેશ્વર ખાતેનું શિવ મંદીર ઉનાળા દરમીયાન ધીમે ધીમે બહાર આવ્યું હતું. અને લગભગ 40 ફૂટ કરતાં વધુ ખુલ્લુ થઈ ગયું હતું, જેને લઈને પ્રવાસીઓ મંદીરના પરીસરમાં નાવડી લઈને ફરતા હતા અને સ્થાનિક લોકો અહીયાં મંદીર પરીસરમાં આવીને પૂજા અર્ચના તો કરતાં જ હતા. પરંતુ એક સમયે એવું લાગતું હતું કે આ મંદીર આખું ખૂલી જશે અને ફરીથી ભાવિક ભક્તો પૌરાણીક શિવ મંદીરમાં આવીને સાક્ષાત દેવાધીદેવ મહાદેવના શિવલીંગની પણ પૂજા અર્ચના કરી શકશે. પરંતુ છેલ્લા બે મહીનાથી વરસાદ વરસી રહ્યો છે જેને લઈને નર્મદા નદીના જળસ્તરમાં નોંધપાત્ર વધારો જોવા મળી રહ્યો છે. અને છેલ્લા એક અઠવાડીયાથી પડી રહેલા વરસાદને પગલે નર્મદા નદીના પાણીમાં હાફેશ્વર ખાતેના આખેઆખા શિવ મંદીરે જળ સમાધી લઈ લીધી છે.

હાફેશ્વર ખાતેના શિવ મંદીરની પુરાણોમાં પણ કથા જોવા મળે છે અને આ મંદીરનું મહાત્મ્ય પણ ખૂબ જ છે. ત્રેતા યુગમાં એક કલહંશ નામના ઋષિ થઈ ગયા તેઓ શંકર ભગવાનના દર્શન માટે નર્મદા નદીના કીનારે તપ કરતાં હતા. અને ત્યારે ઘોર તપસ્યા કરતાં ઇન્દ્ર દેવે દર્શન આપ્યા, પરંતુ કલહંશ ઋષિએ શંકર ભગવાનાના દર્શનનો આગ્રહ રાખીને ફરીથી તપ શરૂ કર્યું અને આખરે દેવાધીદેવ મહાદેવે કલહંશ ઋષિને દર્શન આપ્યા અને વરદાન માંગવાનું કહ્યું ત્યારે કલહંશ ઋષિએ મહાદેવ પાસે એક જ વરદાન માંગ્યું કે મહાદેવ મારી સાથે કાયમ માટે બિરાજમાન થાવ. ત્યારે શંકર ભગવાને તેઓને વરદાન આપતા કહ્યું કે હું હંમેશા તમારી સાથે જ રહીશ. અને
આ વરદાન મળતા જ કલહંશ ઋષિએ નર્મદા નદીના કીનારે એક શિવલીંગની સ્થાપના કરી જે કલહંશેશ્વર મહાદેવ તરીકે ઓળખાયું, અને સમય જતાં આ મંદીરે શ્રદ્ધાળૂઓ આવતા હતા પરંતુ આ મંદીર ડુંગર વિસ્તારમાં હોવાથી શ્રદ્ધાળૂઓ આવતા હાફી જતાં હતા. જેને લઈને નામ હાફેશ્વર થઈ ગયું હતું.