How important is a healthy and nutritious diet? Learn
  • Home
  • Featured
  • તંદુરસ્ત અને પૌષ્ટિક આહાર લેવો કેટલો જરૂરી? જાણો

તંદુરસ્ત અને પૌષ્ટિક આહાર લેવો કેટલો જરૂરી? જાણો

 | 11:21 am IST

ABC ઓફ બ્યૂટી । મરિયમ ઝવેરી

આજની તણાવ યુક્ત અને પરિશ્રમવાળી જીવનશૈલી સામે ટક્કર ઝીલવા દરેક વ્યક્તિએ તંદુરસ્ત અને પૌષ્ટિક આહાર લેવો જોઈએ. તેણે પોતાના આહારમાં હંમેશાં જરૂરી પોષક તત્ત્વોનો સમાવેશ થયો છે કે નહીં તેની ખાતરી રાખવી જોઈએ.

ઓમેગા-૩ ફેટી એસિડ

ઓમેગા-૩ ફેટી એસિડનો ઉપભોગ હૃદયરોગને લગતા જોખમને ઘટાડે છે. તે આપણને અળસી, અખરોટ, સારડીન, સેલમોન અને મેકરલ માછલી માંથી મળી રહે છે.

વિટામિન-C

વિટામિન-C એક શક્તિશાળી એન્ટિ ઓક્સિડન્ટ છે. તે ત્વચાની ચમક વધારે છે. તે લીંબુ, સંતરા, શિમલા ર્મીિચ, બ્રોકોલી, લીલા પાનવાળી ભાજી, કીવી, ટમેટાં અને પપૈયામાંથી મળી રહે છે. વિટામિન-C હાડકાને, ડિપ્રેશન, પેઢામાં તકલીફ, રેશીઝ, અશક્તિ અને ઘાને રૂઝ આવવામાં તકલીફ થાય છે.

ફાઇબર

ફાઇબર ખોરાકના પાચનમાં અગત્યનો ભાગ ભજવે છે. તે આપણાં આહારમાં હોવો જ જોઈએ. તે બ્લડશુગર અને કોલસ્ટરોલના સ્તરને નિયંત્રિત કરવા માટે જરૂરી છે. તે આપણને શાકભાજી, ફળો, થૂલું, બ્રોકોલી, બેરીઝ, પત્તાગોબી, લીલા પાંદડા, સેલેરી, મશરૂમ, બીન્સ અને સંતરામાંથી મળી રહે છે.

પ્રોટીન

હાડકાં અને સ્નાયુઓના બંધારણ અને જાળવણી માટે પ્રોટીન ખૂબ જરૂરી છે. પ્રોટીન આપણને ઘણા બધાં પદાર્થામાંથી મળી રહે છે.

ફોલિક એસિડ

ફોલિક એસિડ ગર્ભાવસ્થા પહેલાં અને સગર્ભાવસ્થા દરમિયાન ખૂબ જ જરૂરી છે. તે આપણને બ્રોકોલી, ર્ફોિટફાઇડ સિરિયલસ કોચલાવાળા ફળઓ, લીલા પાંદડાવાળી ભાજી, કઠોળ વગેરેમાંથી મળે છે. સગર્ભાવસ્થા ન હોય તો પણ ફોલિક એસિફ ફાયદાકારક છે.

વિટામિન-ડી

વિટામિન-ડી જો પર્યાપ્ત માત્રામાં ન મળે તો શરીરમાં કેલ્શિયમનું શોષણ થતું નથી. વિટામિન-ડી સૂર્યપ્રકાશમાં ખુલ્લાં રહેવાથી મળી રહે છે. તે મશરૂમ, ચીઝ, ઈંડાની જરદી, સારડીન, મેકરલસ, ઈંડા અને ફિશ લીવરનો આહારમાં સમાવેશ કરવાથી મળી રહે છે.

આયર્ન

શરીરમાં ઊણપથી અનિમિયા થાય છે. ઘણી સ્ત્રીઓને આયર્નની ઊણપના કારણે એનિમિય થાય છે. આહારમાં આયર્નની ઉણપ હોય તો વ્યક્તિને થાક લાગે છે અને તે આળસુ અને સુસ્ત થઈ જાય છે. માસાહારી લોકોને આયર્ન માંસમાંથી ઉપલબ્ધ થાય છે પણ શાકાહારીને આયર્ન સનફ્લાવર સીડ્સ, કોચલાવાળા ફળો, બીન્સ, કઠોળ, ભાજી, ટોફુ, બીટરૂટ, ખજૂર, વટાણા, ડ્રાયફ્રૂટ, કિસમિસ, થૂલું, એપ્રિકોટ, પાસ્તા અને આયર્ન ર્ફોિટફાઇડ સિરિયલ્સમાંથી મળી રહે છે.

કેલ્શિયમ

કેલ્શિયમ હાડકાંને પોષણ આપે છે. હાડકાંને મજબૂત રાખવા કેલ્શિયમ ખૂબ જરૂરી છે. અમુક ઉંમર પછી આપણાં હાડકાં નબળાં પડી જાય છે. માટે વ્યક્તિ જો કેલ્શિયમ ન લે તો તેને ઓસ્ટિઓપોરોસિસ થઈ શકે છે. કેલ્શિયમ સાથે તમારે આહારમાં ડેરી પ્રોડક્ટ, દહીં, સોયામિલ્ક, વોટર ચેસ્ટ નટ્સ, મશરૂમ, પનીર, બ્રોકોલી, સલગમ, સેલમોન, સારડીન અને કેલ્શિયમ સમૃદ્ધ જ્યૂસિસનો આહારમાં સમાવેશ થાય તેનું ખાસ ધ્યાન રાખવું જોઈએ.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન